João 10:10 - Bíblia

¹⁰ Seyni katshowhuru xye tshinanu tsonu runa htshowhuxyawakapna, ruylalewaxyawakapa, hnikaxyawakapna carneiro-ne. Seyni hita hina carneiro-ne jiwekle hixyawakpatka hiyrunu hiweklu hike mmahaxikatutka nenejyawakapna.

João 10:10 ပူးပေါင်းရင်းမြစ်များ

Mateus 18:10

— Xako hi heyikanru satu nyi mturune klu tshinanu wane ntshinhi, hiwejikalune Hoyakalu towrene tenhohne hajene wanna tshinanu psol-hohneko rethojitluna Nuru tenhohne hajeru.

Mateus 18:11

[Klu tshinanu Jeji Whene xye tshijne hinatka riwekkajyawakaplu pupjetatshri.]

Mateus 20:28

Waneko pixka rixa Jeji Whene. Jeji Whene hi hina repixikowakapa, seyni runa repixyawakapna yine, riwejinri renejyawakapa, hixolune yine majnákonu hwenuxyawakapa.

Mateus 21:13

Wla htshinna: — Wla htshina yonatkaluru Hoyakalu pirana: “Nopji hanjihohnewakapjini.” Seyni hixa katshowhurune hwiywaka hkamhiyatkalu.

Mateus 23:13

— Hapnokatkalunephi kasruklewaklerune hinanchitkaluru pirana hasruklewatatshine hiyrun-koxa fariseu-ne, hixachatatshinhi! Hixa himaletna tenhohne pohirewaxyawaka jihlokpiratatshine. Hi hixako jihloklu. Hiyrun-koxa wane jihlokpiratatshine himaleta.

Marcos 11:17

Waneya wla rixa hasrukletna: — Wla htshina yonatkaluru Hoyakalu pirana: “Nopji hanjihohnewakapji htshinka ptowru yineru hanjihohnewakleni.” Seyni hixa katshowhurune hwiywaka hkamhiyatkalu.

Lucas 19:10

Klu tshinanu Jeji Whene tshinkaluru hina hamhakanatatshri rujhiywakapa riwekkajyawakaplu.

João 10:1

Jesus wla tshina: — Halikakni, halikakni wla ntshinhi, hanuruktako yineru carneiro himjiywaka hruko hiphaptote hma yapkanuklunu seyni pnuko hyapini, waleni katshowhuru ho ktshowhuwakleru.

João 10:11

Hitni carneiro suslahakleru kihlerno; carneiro suslahakleru kihleru hamtaka hiwekletanu pratshine tshinanu.

João 12:47

Satu yineru ntokanu jematshri hmalixkanuklunupno hi nukolukanuwnakakanru. Klu tshinanu hi nuna xye tshijne nukolukanuwnakajyawaklu seyni nuna xye tshijne niwekkajyawakaplu.

João 12:6

Seyni wane htshina hi hike mwikane ruchinijyawaka tshinanni seyni katshowhuru rixyawaka tshinanu wane htshina. Klu tshinanu k-saco-ne maplu, tiyiro mapa ranikjeta hiyrunu rawjetlo tiyiro wane hitakjetkaluro. Wale tshinanu, wane htshinatka.

João 3:17

Klu tshinanu Hoyakalu yokanatlu hituru riwekkajyawakna ptowru neruka seyni hi hyokanatlu hituru yine rapnokaxyawakapa.

João 5:40

Hix-yinhi hi haluk-homkahretno, hiwekkajikolupa.

João 6:33

Klu tshinanu pão Nuru heneklewaxya walekni yineru tenhohne serpijikatshri xye tshijne Hiwekkaklewaxikatshrini.

João 6:51

Pão hiwekkaklewatatshri, tenhohne hichpajikatshri, hitni. Hiyrun-koxa yineru wale nikatshri pejnu hiwekanu hike rixiniko mnikawnakatupni. Xye pão xye tshijne hiwekle neneklerupa, waleni nohitu.

Romanos 2:21

Pimrine pasruka, haklu tshinanhe hi pasrujinwa? Punkakna hi htshowhuwatanu seyni pixa xawaka ptshowhuwatewhe?

1 Timóteo 1:15

Xye ntshinreru halikakni hiyáhoni rujhalu ralixkoxikowaka psolu hchinikanuymako: Cristo Jesus xye tshijne hinpatka hektune riwekkajyawakapa. Hiyrunu wanna ptowruneka hektune pnuterutno hita.

Hebreus 6:17

Hoyakalu haluk-hekhirpotutna runkajya piranna yoptotatshinepa hi hkachrijetanru runkajya piranna. Hiyáhoni runkajya pirannayma waleko hiwaka hkochtshekatka.

Hebreus 7:25

Hiyáhoni rumukata hiwekkaklepotutna yine, wale yapatshine pejnu Hoyakalu nwaka yatshinepa. Klu tshinanu riwekhohnekanata ranjijexyawakaplu Hoyakalu wanna tshinanupa.

2 Pedro 1:11

Wan-hixatshinephi hepixko halikak-potuko hjihlojyawakaplu Wiwekkakjeru Wutsrukate Jesus Cristo pohirewaxyawaka hike rixiniko mnikawnakatupni.