João 10:1 - Bíblia

¹ Jesus wla tshina: — Halikakni, halikakni wla ntshinhi, hanuruktako yineru carneiro himjiywaka hruko hiphaptote hma yapkanuklunu seyni pnuko hyapini, waleni katshowhuru ho ktshowhuwakleru.

João 10:1 ပူးပေါင်းရင်းမြစ်များ

Mateus 7:15

— Xako Hoyakalu tokanu hinkakletatshine yahole! Runyehithina carneiro hike mixlewatkatu pixka seyni halikaka hocha hajeru lobo tshinkaluru kmatsyiru pixkalunetkani.

João 10:7

Waneya wane pnute htshina hinkakleta Jesus: — Halikakni ntshinhi, Hitni hiphaptono carneiro jihlokawakleno.

João 3:3

Waneya Jesus hihitlu: — Halikaka ntshinyi, hike himukata jihlokletanru Hoyakalu pohirewaxyawaka hepi kata hma matutkanuklunu.

Romanos 10:15

Satu hinkaklewatatshri myokanatkonuklunu, hanhe xawaka rixa himukata hinkaklewleta? Wane htshina yonatkaluru: “Hi pa hihlen-jixikananuktana kihle piranalu potuko hiwekkaklewatatshri pirana hihlehchinikanrewatatshri pirana hinkakletatshine!”

Romanos 16:18

Klu tshinanu wan-hixatshine hi Cristo Wutsrukate romkahitna seyni wannako hisatna romkahitna. Kihle tokanna kihler-pirana htshinyehitna yine hike muslahkane hyokwihchinikanuxyawakapna.

Tito 1:11

Rujhaluna rutshrokkajikowakna klu tshinanu rumtukahchinikanutna yine pa pji pejnu hwatshine. Tokantshi mujhakotu rasrukjetna yine tiyiro hkayaxyawakapna tshinanu.

Hebreus 5:4

Hi satukna yineru himukata nurrexinwa Tsru Sacerdote rixinripa. Hoyakalu tsonu hitaklu satu yineru Tsru Sacerdote rixyawakapa, Arão-ni tshinkaluru nurexikolu pixka.

1 Pedro 1:10

Wale hiwekkaklewatatshri piranakni. Hoyakalu tokanu hinkakletatshine mitshikawlune honra ruchtotapotutluna hiyrunu rujha himatjemletluna mapokatuwa pirana runkakletlerna pirana, klu pixkalutnihe xye halukkaluru hixa nwaka hapokatshripa.

2 Pedro 2:1

Seyni waneklu papko rawakanatna hixacha hasruklewletatshine yine tskala. Hixa tskala koxa rawanutnakna hixacha hasruklewletatshine. Yohimawaka himtuklewatatshri pirana rasruklewaxinna hixa tskalaya. Haté Tsru Hixikatshriwa Jesus, Hiwekkaklewatatshri mixkatu htshinanruna, Jesus hanjirenemkatkani seyni wane htshinanwakatluna. Hiyáhoni chinpotukawa rapnokatkona wannako htshinanna.

2 Pedro 2:3

Tokantshi yokwirewatatshriyma rujhaluna pa hixanu hkayaxyawakapna hixa tshinanuya, wanna tsonu hichinijnawakwa tshinanu. Hoyakalu mitshikawako ralpokotatkalu rapnokaxikolupna seyni xawakni rapnokaxikolna hi howukatka. Hiyrunu ramhiywakapna hi malpokotkatutkani.

1 João 4:1

Nuchinikanune, hi ptowru hiwejikaluru tshinikatshriwa halixanu seyni hyahothapkatanru himathexyawakaplu ho Hoyakaluymalutlahe ho hike. Klu tshinanu hixo Hoyakalu pirana hinkakletatshinemka xye tshijne hakanhiyatka.