João 1:7 - Bíblia

⁷ Xye jeji hapokatka hiphujtatatshri rixyawaka ruphujexyawakaplu katalu katni wale. Wan-rixa ptowru yineru halixatshri rixinripa runkakle tshinanu.

João 1:7 ပူးပေါင်းရင်းမြစ်များ

João 1:12

Seyni ptowruneko, ralixjene pejnu rutakna Hoyakalu whenene rixyawakapna, ralix-hiwakatjene pejnu tshinanu wan-rixa.

João 1:15

João hiphujtatlu xye yineru. Tsru tokantshiyma wla htshina João: — Xyekatkani ntshinjekanatanru: “Hita natjini hapokatshripa hita yohnik-kahwakpiratkaluru klu tshinanu nma matutkanuklunuwa rawakotka wale.”

João 1:19

Xyekni João pirana, judeu-ne mitshi yokanatna sacerdote-ne hiyrunu levita tshinkalune, Jerusalém poktshi hichpajikatshine, João tshinkaluru nwaka repomhiywakapluna João, katnihe wale.

João 1:36

Jesus reta yanamtatshri waneya wla htshina: — Hetanru Hoyakalu carneiro-te.

João 1:9

Katalu halikakalutu waleni katalu xye tshijne hapokatshri ptowru yineru hchinikanu nikotatshri.

Atos 19:4

Waneya Paulo wan-tshina: — João batiz-le hekhitlu yine rehchinikanuxyawakatkana. João hinkakna yine ralixyawakapluna wale hatjiniyaka hapokatshripa, walekni Jesus Cristo.

Gálatas 3:26

Klu tshinanu hixa Jesus Cristo halixyawaka tshinanu hixa ptowrunekhi Hoyakalu whenenhi.

Efésios 3:9

Hiyrun-koxa renekno nimatjemkajyawakna ptowru neruka hanu potu rixa yohimakanatatshri pirana, Hoyakalu hixa hichinikanretlexyawakna pirana. Klu tshinanu Hoyakalu ptowru potuko hiyakotatshri ptowru papkokananuko mitshikananu hi ruphujetakanatlu xye pirana yohimakanatkaluru.

1 Timóteo 2:4

Hoyakalu halukmaklu ptowru neruko hiwejyawakapa, halikakalutu pirana rimaxyawakapmakna.

Tito 2:11

Klu tshinanu Hoyakalu hekhitlu repixle, hiweklu heneklewatatshri, rawamka ptowru yineru tshinanumka.

2 Pedro 3:9

Satkaka yineru kahwaklu Tsru Hixikatshriwa Hoyakalu hi haluka kamhaletatkalu htshinyawaka pixka. Seyni hike. Kchinikanurni wale. Klu tshinanu hi raluklu ramhiywakamkapa yineru hi satuknako, seyni walemka haluklu ptowru yineru rehchinikanuxyawakapa.