João 1:51 - Bíblia

⁵¹ Waneya wla htshina: — Halikakni, halikakni wla ntshinhi pa hohne tenhohne hitpukatshri hetanu hiyrunu hiwejikalune Hoyakalu towrene tenhohne hajene hetanu hatskomtatshine, serpikamtatshine Jeji Whene tshinkaluru hohowaka yapamtatshine.

João 1:51 ပူးပေါင်းရင်းမြစ်များ

Gênesis 28:12

Waneya wane rupnawaxyatka, escada rupjeta tshiji hyopkaka, escada jiwu tenhohne hapoka; escada hyapakanatna Hoyakalu anjo-tene, ratskotna, hserpikna.

Mateus 25:31

— Jeji Whene ruphujewnin-hohnepa, royaknuyma runanu hiyrunu hiwejikalune htowrene tenhohne hajeneymalu. Phuru tuplawakle htuplatanu rukolukanuwniywakapa.

Mateus 26:24

Jeji Whene tshinkaluru halikaka hipnanu Hoyakalu hixahchinikanuxyawaka pixka. Seyni hektu potlu wale jeji, Jeji Whene tshinkaluru kamnitatshri. Kihle potlu wale jeji hma matuxyawakanutka.

Mateus 3:16

Waneya hajeyri h-batiza-tkawa Jesus, honha ruchpajyatka waneklukawa tenhohne kotpukka. Waneya Jesus hetlu Hoyakalu Hiwejikaluru motkokoji pixka rixmanemta, rujrukamta, wale hohwaka rapoka.

Mateus 4:11

Hiyáhoni tsru kamtshi Satanás hichomtlu Jesus waneya hiwejikalune Hoyakalu towrerune tenhohne hajene hapokyehitlu Jesus. Rinotatkaluna Jesus.

Mateus 8:20

Waneya Jesus wla tshinru jeji: — Kaweretshine kapna rawjetna. Kochitshin-koxa tenhohne yapatshine waneyna rawyawakna. Seyni Jeji Whene tshinkaluru tsonu hi jimkawakleru, hi rawya rapnanuwakle.

Mateus 9:6

Seyni himatjempotuxyawakaplu Jeji Whene tshinkaluru hitakkalurutkani xye tshijiya ruknokhektunuxyawakapna yine” — hiyáhoni Jesus wan-tshinru hiktehatshri: — Pyotunotanu, pkochtshekjekomtanu, pyanutka pipji.

Marcos 1:10

Waneya honha ruchpajyatka waneklukawa retlu hitpukatshri tenhohne. Retlu Hoyakalu Hiwejikaluru motkokoji pixka rixa hijruklemta, wale hohowaka rapoka.

Marcos 14:62

Waneya Jesus hihitlu: — Hitakni. Hiyrunu hixa ptowrunekhi hetanru Jeji Whene, hohimkohi hoho hapokatshripa, Ptowru Himukatatshri Hoyakalu potukle sreta tuplatatshripni.

Lucas 2:13

Waneya waneklukawa potuko hiwejikaluru Hoyakalu towreru tenhohne hajeruymatkana pimrine hiwejikalune tenhohne hajene hixolune Hoyakalu towrene. Hoyakalu himalwutatshine. Wla htshinatkana:

Lucas 2:9

Satu hiwejikaluru Hoyakalu towreru tenhohne hajeru serpikatka wanna nwaka. Waneya Hoyakalu pixkonu hatnu nikotyehitatkana. Waneya hpikpotuthonukatkana.

Lucas 22:43

Satu hiwejikaluru Hoyakalu towreru tenhohne hajeru hiphujewnayehitlu. Hmixkowkaklu.

Lucas 22:69

Seyni xawaknikotka Jeji Whene tshinkaluru, Hoyakalu ptowru potuko himukatatshri potukle sreta htuplatanu.

Lucas 24:4

Hiyáhoni hkojwakahchinikanutna. Chinpotukawa hepi jejine katajiru mkatshri hitakatshine hakanhayehitna wannastsi hyopkakna.

Lucas 3:21

Waneya João hali batiz-lexinixkana yine ptowruneka hiyrun-koxa Jesus h-batiza-tatka. Waneya ranjihohnekanaxiniwa Jesus tenhohne kotpukka.

João 1:50

Waneya Jesus wan-tshinru: — Figueira muna hpuko pwakanaxini nexyayi ntshinre tshinanrahe, palixno? Xyekaka yohnik-hijhakalurkaka petanu.

João 10:1

Jesus wla tshina: — Halikakni, halikakni wla ntshinhi, hanuruktako yineru carneiro himjiywaka hruko hiphaptote hma yapkanuklunu seyni pnuko hyapini, waleni katshowhuru ho ktshowhuwakleru.

João 10:7

Waneya wane pnute htshina hinkakleta Jesus: — Halikakni ntshinhi, Hitni hiphaptono carneiro jihlokawakleno.

João 13:16

Halikakni, halikakni wane ntshinhi, Towrertshicha hi htowutjeru yohnik-himukatatshrini wale. Hiyrun-koxa yokanatkaluru hi hyokanatjeru yohnika tsruni wale.

João 13:38

Waneya Jesus wla tshinru: — Halikaklahe, haté piwejinri puknokanu hita tshinanupa? Klu tshinanu halikakni, halikakni ntshinyi, hma yanumatkanuklunuwa patlapa, pixa map-kata pweyawatanu. Pma mimatletanutu ptshinanno.

João 14:12

Halikakni, halikakni ntshinhi, Kamrurtshikaka nkamhaleru, hita nalixjeru koxa kamhanru. Xye kamrurtshikaka wale yohnika hkamhanu klu tshinanu Nuru Hoyakalu nwaka nyiywaka tshinanni.

João 16:20

Halikaka, halikaka ntshinhi. Hixa wamonuwatanu, htshiyahpotutanu seyni pimrine xye tshijne hajene poyikowatanu. Hixa wamonuwatanu seyni hwamonuwle hiprotakanu, himuwlupatkani.

João 16:23

— Hinatshri hohnepa hike pirana hijhayehitanutkano. Halikaka, halikaka wla ntshinhi, Kluneruktako hanjixinri Nuru Hoyakalu hita hiwaka tshinanu, renekanhi.

João 21:18

Halikaka, halikaka wla ntshinyi: Makluji pixakanaxini palpokoxnawa, hanuktako paluka yaletatka wane pyatka. Seyni tsrutsoleji pixinpatka pkanrakanu. Satu tsatanyi, pmaluka yalexyawakanu ranikanyi.

João 3:3

Waneya Jesus hihitlu: — Halikaka ntshinyi, hike himukata jihlokletanru Hoyakalu pohirewaxyawaka hepi kata hma matutkanuklunu.

João 3:5

Waneya Jesus wan-tshina: — Halikaka ntshina, hike himukata jihlokletanu Hoyakalu pohirewaxyawaka hma mathapkatkanuklunu honhaya, Hiwejikaluruya koxa.

João 5:19

Waneya Jesus wla tshinna: — Halikakni, halikakni wla ntshinhi: Whentshi tshinkalurno hike numukata kamhaleta Nuru mepixkanuklunno. Klu tshinanu kamrurtshi kluneruktako net-kamhaletlu Nuru waleko nkamha hita Whentshi tshinkalurno. Kluneru kamrurtshiktako hkamha Nuru wale potuko nkamhajeta hita Whentshi tshinkalurno.

João 5:27

Hiyrun-koxa renekno hitakkaluru yine nukolukajyawakapa klu tshinanu Yineru Whene tshinkalurno.

João 6:26

Waneya Jesus hihitna: — Hixa hi hijhajetno hiyakolukaka hexyawaka tshinanu seyni halikakni hixa hijhajetno klu tshinanu hixa nikatkalu pão, hinanuwatatka.

João 6:32

Waneya hyanumata Jesus: — Halikakni Moisés hi henekna pão tenhohne hichpajikatshri klu tshinanu pão tenhohne hichpajikatshri halikakalutni walekni Nuru heneklewjeta.

João 6:47

Halikakni, halikakni ntshinhi, Hita halixatshri himwalu hiweklu hike rixiniko mnikawnakatu.

João 6:53

Waneya Jesus hihitna, wla htshina: — Halikakni, halikakni ntshinhi, Jeji Whene tshinkaluru hitu hma mnijyawakanu hiyrunu hihraha hmuryawakanu hi hiwekanu halikaka.

João 8:34

Waneya Jesus wla tshinna: — Halikakni, halikakni, wla ntshinhi, Yineru hanuruktako hektuwaka kamhatshri, hektuntshi towrerni wale.

João 8:51

Halikakni, halikakni ntshinhi, hita ntokanu homkahpotutatshri, hikeklu hipuktshi kachitanru wale.

João 8:58

Waneya Jesus wla tshinna: — Halikakni, halikakni wane ntshinhi, Abraão-ni mmatutkanuklunuwa, nwakotka.

Atos 10:11

Retlu tenhohne hitpukatshri. Waneya ret-hijrukletlu tsru mkatshri sama pixka hixatshri. Quatro tsojri hostuxikaluru hijrukatshri. Tshijistsi rapoka.

Atos 7:56

Waneya wane htshina: — Hetanu! Netlu tenhohne hitpukatshri, netlu jeji whene Hoyakalu potukle sreta yopkakatshri.

2 Tessalonicenses 1:7

Waneya hixa kojwaklu hetjetatshinhi hixayma hapnanutanutka Tsru Hixikatshriwa Jesus hiphujewninipa tenhohne runini, htowrene hiwejikalune tenhohne hajene hixkolune rimapojinpatka.

2 Tessalonicenses 1:9

Rapnokatkona, hnikatkonna hikeklu hohne mnikawnakatupni Tsru Hixikatshriwa Hoyakalu yehi hma yiywakanupna, hma mexyawakanupluna Hoyakalu hoyaknu ptowru potuko himukatatshritka.

1 Timóteo 3:16

Tsru mimat-hinkakletkotu waleni potuknutshi hchinikanu piranni klu tshinanu: “Jesus hiphujewna yineru mane rixnawa seyni riwejinriya potukalni. Hiwejikalune Hoyakalu towrene tenhohne hajene hetatkalu. Ruphujtatka psol-tshijneya. Xye tshijne halixlerni. Ranikka tenhohne.”

Hebreus 1:14

Hi he wanna ptowruneka hiwejikalunetkani, Hoyakalu towrenni, hyokananrenni repixyawakapna hiweklu heneklewatatshri pirana halixatshinepa? Hehe.

Judas 1:14

Enoque tshinkalurni sete rixinri Adão-ni klopichni hinkakletlu hinamtatshri pirana nyi jejine pirana. Wla htshinnixka Enoque-ni: Hetanu! Tsru Hixikatshriwa Cristo hinanu. Waleymalunepa htowrerune potukalune tenhohne hajene hixo mil mnupna.

Apocalipse 19:11

Waneya netlu tenhohne kotpukkaluru. Hetanu! Satu cavalo klatalu hakanhatka. Cavalo tji yapatshri hiwakni Ptowutkolu Halikakalutu. Potuka hchinikanurni, retamayxaklerewatawa yahotkaklu hkamhiywakapa.

Apocalipse 4:1

Hetanu! Hiphapto hitpukatshri nupjeta tenhohne hwatshri. Waneya niynumsakanatjeru tokantshi kowi hima pixka tshinatshri njema. Wla htshinno: — Hewi teno punanu. Waneya nekhitanyi hipirankaka hakanhatshripa.