João 1:44 - Bíblia

⁴⁴ Filipe Betsaida hajerni, André hiyrunu Pedro hwajexyawaka poktshi hajerni wale.

João 1:44 ပူးပေါင်းရင်းမြစ်များ

Mateus 10:3

Wane koxna Filipe hiyrunu Bartolomeu tshinkalune; Tomé tshinkaluru hiyrunu Mateus (walekni wenuxikolu yoptotatshri); hiyrunu Tiago tshinkaluru Alfeu whene hiyrunu Tadeu tshinkaluru;

Mateus 11:21

— Hapnokatkalur-potupyi pixa Corazim poktshi hiyrunu Betsaida poktshi! Klu tshinanu himyekaklewatatshrikaka nkamhakmaka hita Tiro poktshiya hiyrunu Sidom poktshi hix-yehi hakanhikatshri pixkalutu, waneyamka mitshikawako rehchinikanutanutkana wane poktshikak-hajene, waneyamka mkatshri saco mapa kamhikolu hmakatanutkana hiyrunu tshitshi pahi koxamka hpolojiwuxinwana rimathexikowakna rehchinikanutatkana.

Marcos 3:18

André, Filipe, Bartolomeu, Mateus, Tomé, Tiago Alfeu whene, Tadeu, Simão honukla Israel tshijne haluka mixkowkakletatshri,

Marcos 6:45

Waneklukawa Jesus hixolune yokanatka pchinika hkosekjixna rasruklene pa sreta powha hkopruhaxyawakapna kanawaya Betsaida poktshi nwaka.

Marcos 8:22

Waneya wane pnute Jesus rasrukleneyma Betsaida hapoka. Waneya satkaka yineru hanikanwakatlu mtsawa, waneya ranjitluna Jesus hyotnejyawakaplu.

Lucas 10:13

Hiyrun-koxa Jesus wan-tshina: — Hapnokatkalur-potupyi pixa Corazim poktshi hiyrunu Betsaida poktshi! Klu tshinanu himyekaklewatatshrikaka hkamhakmaka Tiro poktshiya hiyrunu Sidom poktshi hix-yehi hakanhikatshri pixkalutu, waneyamka mitshikawako rehchinikanutanutkana wane poktshikak-hajene, waneyamka mkatshri saco mapa kamhikolu hmakatanutkana rimathexikowakna rehchinikanutatkana hiyrunu tshitshi pahi koxamka hpolojiwuxinwana.

Lucas 6:14

Hhiwaknina: Simão, wale rutakhiwakata Pedro; André, Pedro mole; Tiago, João, Filipe, Bartolomeu;

Lucas 9:10

Waneya hsatojinixkana Jesus nurrene, runkakluna Jesus ptowruko hkamhapanruna. Hiyáhoni ranikna wannapka kahnete poktshiriya Betsaida poktshistsi hajeru nwaka.

João 1:43

Waneya wale prika Jesus hichiniklu Galileia tshijne sreta hyiywakapa. Seyni mitshikananhapka Filipe rukchika waneya wla htshinru: — Pomkahitanno!

João 1:45

Filipe hijhatkalu Natanael waneya wla htshinru: — Wukchikatkalu wale yineru Moisés-ni yonyehitanru yonruru piran-yehi hiyrun-koxa Hoyakalu tokanu hinkakletatshine yonyehitanru. Jesus-ni wale, José tshinkaluru whene, Nazaré poktshi hajeru.

João 1:46

Waneya Natanael hepomhalu: — Rumukathe satu pa hixanu kihleru Nazaré poktshi hakanhalexya? Waneya Filipe wla tshinru: — Punanu, petapanru.

João 1:48

Waneya Natanael wan-tshinru: — Hanhe pix-himathetletno? Waneya Jesus wla tshinru: — Filipe mtomhaknuklunuwayi netyi figueira muna hpuko pwakanaxini.

João 12:21

Hiyáhoni nyi yine Filipe tshinkaluru, Betsaida poktshi, Galileia tshijne hajeru nwaka rapokna. Waneya ranjitluna, wla htshinna: — Wutsrukate, hixamka haluk-hetletlu Jesus.

João 12:22

Filipe yanwakatlu André tshinkaluru, waneya runkaklu. Waneya wanna hepi, André hiyrunu Filipe hinkakletlu Jesus.

João 6:5

Waneya Jesus heknojtata retna hixolune yine romkahitjene. Waneya Jesus wan-tshinru Filipe: — Hanhe wanjixinri nijittshi nyi hixolune yine niklerupa?

João 6:7

Waneya Filipe hihitlu: — Satkaka yineru yoptoxyawakaplu psotsonujiji nikluru wujhalu duzentos prata proji ho pnute.

Atos 1:13

Waneya Jerusalém poktshi rapojinixkana, hihruko nwaka hyamtna, pantshi teno hwahrukotatshri. Wane rawjexyawakna Pedro, João, Tiago, André, Filipe, Tomé, Bartolomeu, Mateus, Tiago, Alfeu whene, Simão honra Israel tshijne tshinanu mixkowatatshrini, hiyrun-koxa Judas, Tiago whene.