João 1:41 - Bíblia

⁴¹ André yahapkata himole potuko Simão tshinkaluru nwaka. Waneya wla htshinatkalu: — Wukchikatkalu Messias. (Yokakkalurutka waleni Cristo.)

João 1:41 ပူးပေါင်းရင်းမြစ်များ

Mateus 1:23

“Suxo, jeji mapokmanetanutowa michiwatanu, twuhenetanru jeji, hhiwakatko Emanuel.” (Emanuel raluka tshinreta “Hoyakalu hixaymalu”.)

Lucas 2:17

Waneya hinotaprajetatshine pohitatkalu mturu pirana tshina hinkaklexyawaka pixka potuko Hoyakalu towrene tenhohne hajene.

Lucas 2:38

Waneya waneklukawa potuko tapoka. Waneya tyinuwaka poyahnutletlu Hoyakalu mturu tshinanu hiyrun-koxa tyinuwaka hinkakletletlu mturu pirana ptowrunek-yine Jerusalém poktshi hicho towutlexikowakpatka pirana kahwaka hakanhaletatshineya yehiya.

João 1:45

Filipe hijhatkalu Natanael waneya wla htshinru: — Wukchikatkalu wale yineru Moisés-ni yonyehitanru yonruru piran-yehi hiyrun-koxa Hoyakalu tokanu hinkakletatshine yonyehitanru. Jesus-ni wale, José tshinkaluru whene, Nazaré poktshi hajeru.

João 4:25

Waneya suxo wla ttshinru: — Nimatlu Messias honukla Cristo tshinkaluru hinanu halikaka. Runiniklunu ptowru potuko ruhle hinkakletanwu.

Atos 10:38

Hiyrun-koxa hixa himatlu Jesus Nazaré hajeru pirana. Hoyakalu hipkakhohotlu Jesus Hoyakalu Hiwejikaluru hiyrunu tsru pixkonu reneklu Jesus. Waneya Jesus ptowru sretako hyapakananumta. Kihleru hkamhakananumta Jesus. Rutskalakna ptowruneka tsru kamtshi himwakanatatshine klu tshinanu Jesus-ymalu Hoyakalu.

Atos 4:27

Klu tshinanu halikaka phuru Herodes hiyrun-koxa Pôncio Pilatos hapatjeta xye poktshiya, judeu-neyma hiyrun-koxa pimri tshijnekaka hkamnixyawakluna Jesus, pnurreru potukalu.

1 João 1:3

Ptowru wetleru pirana, ptowru wyijnakotanru pirana wunkakhi, hixa pixka hixahchinikanutatshine hixyawakapa, hix-koxa. Klu tshinanu halikaka hixa pa hchinikanurunwu Wuru Hoyakalu tshinanu hiyrun-koxa Hituru Jesus Cristo tshinanu.