João 1:34 - Bíblia

³⁴ Hita hetlu hiyáhoni nunkakletanru, halikakni xye jeji Hoyakalu whenni.

João 1:34 ပူးပေါင်းရင်းမြစ်များ

Mateus 11:27

— Nuru, ptowru potuko renekno. Hike himathetlu Whentshi seyni Hirtshipka himathetlu. Hike himathetlu Hirtshi seyni Whentshipka himathetlu hiyrun-koxa katukta raluk-himatyehkakletlu Hirtshi.

Mateus 16:16

Waneya Pedro hihita: — Pixni Messias-yi, Hoyakalu hiwekatshri whenyi.

Mateus 17:5

Wane htshinakanaxiniwa hohimkohi hichyatna. Waneya hohimkohi hitokote ruchpajyatka tokantshi wla tshinatshri: — Xyekni nowhene nalukleru. Hyijnakotanru hanukta htshinanhi!

Mateus 26:63

Seyni Jesus potshkecha. Waneya tsru hixikatshriwa sacerdote wan-tshinru: — Ntowutyi Hoyakalu Hiwekatshri hetanuya. Punkakanwu, pixlahe Messias-yi, Hoyakalu Whenyi?

Mateus 27:40

Waneya wla htshinruna: — Pix-hima kopalatanru Hoyakalupji waneya map-hohne ppanawatanutnaka hiyáhoni piwekkajinwa! Halikaka Hoyakalu Whene pixinipakni, cruz pkochpajinwa!

Mateus 27:43

Hi he Hoyakalu munanhalerni? Hi he Hoyakalu Whene tshinikatshriwani? Hiyáhoni wetanru ho Hoyakalu haluk-hepixletanru.

Mateus 27:54

Waneya romano-neru soldado-ne pohire hiyrun-koxa Jesus hislahatshine waleymalune tshiji hiyolikle hiyrunu ptowru hiknohatshri rexinixkaluna, rimyekahchinikanutna, waneya wla htshinna: — Halikakni xye jeji honnira Hoyakalu whene.

Mateus 3:17

Waneya satu tokantshi tenhohne hichpajya, wan-tshinatshri: — Xyekni Noturu namotleru. Wale poyikowkakno.

Mateus 4:3

Waneya tsru kamtshi Satanás Jesus-stsi hapoka wane htshinru: — Hoyakalu whene pixinipakni, ptowutanru xye sotlukaka pão rixinwa.

Mateus 4:6

Waneya tsru kamtshi Satanás wan-tshina: — Hoyakalu whene pixinipakni hewi puknojinwa teno wakaya klu tshinanu Hoyakalu tokanu potukalu yonatkaluru wan-tshina: “Hoyakalu towutanna htowrene hiwejikalune tenhohne hajene hinoxyawakapyi. Himyoymana ruchatkapanyina, pma mutshlixyawakanupa sotlu pijixiya.”

Mateus 8:29

Waneya wane htshin-saplewletna kkamtshiterune: — Klu pimalukwu, Hoyakalu Whene? Puna psaletkajyawakanapwuhe wapnokaxikolu hohnepa minjeko?

Marcos 1:1

Kihle piranalu potuko hiwekkaklewatatshri pirana yinuwajikolu Jesus Cristo, Hoyakalu Whene pirana.

Marcos 1:11

Waneya waneylu tokantshi tenhohneyalutu wan-tshinatshri: — Pixni Noturyi nalukanruyi, wale poyikowkakno.

Lucas 1:35

Seyni hiwejikaluru Hoyakalu towreru tenhohne hajeru wan-tshinro: — Hoyakalu Hiwejikaluru pix-hohwaka rapokanu. Hiyrun-koxa Hoyakalu Ptowru Potuka Himukatatshri himukatle pix-hitokote hwanu. Wale tshinanu mturu pkaylerupa Hoyakalu nurrerni. Hoyakalu whene htshinko.

Lucas 3:22

Waneya Hoyakalu Hiwejikaluru motkokoji pixka rixa wale hohowaka hapokatshri. Waneya waneylu tokantshi tenhohneyalutu wan-tshinatshri: — Pixni noturyi nalukanruyi, wale poyikowkakno.

João 1:18

Hi satukna yineru hikeklu hetjejetlu Hoyakalu. Halikaka Hoyakalu whene satupkalutu, ruru Hoyakalusko potuko hwatshriko, walekni hiphujtatlu Hoyakalu.

João 1:49

Waneya Natanael hihitlu, wla htshina: — Kasruklewakleru, pixni halikaka Hoyakalu Whenyi! Pixni halikaka israel-neru pohireyi!

João 10:30

Hita hiyrunu Nuru Hoyakalu satupkalunwu.

João 10:36

Seyni wanepnawaka hixa wan-tshinanwakatno hita Hoyakalu Nurrerno, Hoyakalu yokanreno xye tshiji napojyawaka seyni wanepnawaka hektuwaka ptshinanwakatlu Hoyakalu, htshinjetno. Seyni wane htshina klu tshinanu wla ntshinnawa Hoyakalu Whenno, ntshina.

João 11:27

Waneya wane ttshina: — Hehe Tsru Hixikatshriwa, nalixyi Messias pixyawaka Hoyakalu whenyi xye tshiji hinatshriyi.

João 19:7

Waneya judeu-nerune hipokananu wla tshinru: — Hixanu yonreru pirana tshinanu rujha hipnaleta klu tshinanu wale wan-tshina, Hoyakalu potuko hima ruruta.

João 20:28

Waneya Tomé wan-tshinru Jesus: — Nutsrukate! Noyakalute!

João 20:31

Seyni xyekaka yonatka hixa halixyawakaplu Jesus, Hoyakalu Whene Cristo (Messias) rixyawaka hiyrun-koxa halixinri waneyaphi hiwejinri wale hiwaka tshinanu.

João 6:69

Hixa halixyi, wmunanhayi Pixni Cristo-yi, Hoyakalu hichpajikatshriyi Potukalyi!

Romanos 1:4

Seyni rimaxikowaka potukalu rixyawakatka, Hoyakalu ruchpajya, retka hpixkonu tsru potuko. Klu tshinanu hipuktshi riwekkajika, rimathexikowaka Hoyakalu whene rixyawakatka.

2 Coríntios 1:19

Klu tshinanu Hoyakalu whene Jesus Cristo, hix-yehi hinkakletpiranaxika. Silas, Timóteo hiyrun-koxa hita Jesus Cristo pirana wunkakle payiywakalutni hi hehe, hike hi rixa. Seyni halikaka Hoyakalu tshinreni “hehe”.

Hebreus 7:3

Hike ruruta. Hike runrota. Rutsrukatene hi kapiranyehna. Hi kyinuwakle piranru. Hiyrun-koxa hi kapiranyehru hnikawninri. Hoyakalu whene pixka rixatka. Sacerdote rixhohnekanaxinripni.

1 João 2:23

Katukta hi halixlu Whentshi tshinkaluru hi rawya Wuru Hoyakalu, seyni katukta halixlu Whentshi tshinkaluru, Wuru Hoyakalu koxa rawya.

1 João 3:8

Ptowru yineru hektuwaka kamhatshri, kamtshinerutkani. Klu tshinanu hyinuwaklekananuko hmajnakowata kamtshi. Hiyáhoni xye tshinanukni ruphujewnapa Hoyakalu Whene, hnikaxyawakaplu kamtshi kamrure.

1 João 4:9

Wan-rixa hekhireta Hoyakalu ruchinijyawakwu klu tshinanu xye tshiji hyokanatlu Hiwhene satupkalutu wiwejyawakapa wale tshinanu.

1 João 5:20

Hiyrun-koxa wimatlu Hoyakalu Whene hapokatka hiyrunu renekwu himatkaltshi wimathexyawaklu halikakalutni wale. Halikakalutuymalunetkawu. Waleni Hiwhene Jesus Cristo. Xyekni Hoyakalu halikakalutu hiyrunu hiwekluni hikeklu hohne mnikawnakatupa.

2 João 1:9

Ptowru yineru majnakowatatshri, Cristo hasrukle momkahitkatu hi Hoyakaluymalutni wale. Seyni Cristo hasrukle homkahitatshri Wuru Hoyakaluymalutni hiyrun-koxa Hiwheneymalutni wale.

Apocalipse 2:18

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Tiatira poktshi hajene kosekatshri: “Xye pirana runkakhi Hoyakalu Whene, tshitshmero pixka hixayhaletatshri hiyrunu yomuwa bronze hixirikkaluru hatajnu pixka hixatshri hiyrunu hatawnajixitatshri.