João 1:3 - Bíblia

³ Hoyakalu ptowru potuko ruyakota waleyma. Hikepotukni ruyakoleru Hoyakalu wale minje.

João 1:3 ပူးပေါင်းရင်းမြစ်များ

Gênesis 1:1

Hyinuwakle Hoyakalu hiyakotlu tenhohne, tshiji koxa.

Gênesis 1:26

Hiyrun-koxa wane htshina Hoyakalu: — Xawakni yineru wkamhanu, wyáholu wkamhinru hixa pixka rixanu. Yineru towutanro chima, kamejiru koxa, ptowruka pantshi hajeru, ptowru hixatshri hocha hajeru, ptowru hixatshri yosrolotatshri, mtserutu, tsrur-koxa, ptowru hixatshri htowutanu psoltshijyako.

João 1:10

Xye tshijne rawa hiyrunu xye tshijne hiyakotatshrini wale. Seyni xye tshijne hajene hi himathetatkalu.

João 1:2

Hyinuwajikolukananukotka Hoyakaluyma rawatka Tokantshi.

1 Coríntios 8:6

Seyni hixa tshinanu waneru satupkalutu Hoyakalu. Waleni Wuru Hoyakalu ptowru potuko hiyakotatshri. Wiweka wale halujyawaka wkamhiywaka. Hiyrun-koxa Wutsrukate Hoyakalu satupka. Waleni Jesus Cristo. Ptowru potuko hkamhaka Jesus Cristo tshinanuko. Haté hix-koxa hwa Jesus Cristo tshinanu.

Efésios 3:9

Hiyrun-koxa renekno nimatjemkajyawakna ptowru neruka hanu potu rixa yohimakanatatshri pirana, Hoyakalu hixa hichinikanretlexyawakna pirana. Klu tshinanu Hoyakalu ptowru potuko hiyakotatshri ptowru papkokananuko mitshikananu hi ruphujetakanatlu xye pirana yohimakanatkaluru.

Hebreus 11:3

Halixlu tshinanu wimatlu ptowru tshijnekananuka hakanhatka, kihle poklu ptowruka, Hoyakalu tokanu tshinanu. Halixlu tshinan-koxa wimatlu hetkaluru ptowruka, metkotu hkamhika.

1 João 5:1

Ptowru yineru Jesus tshinkaluru Cristo rixyawaka halixatshri, Hoyakalu matkaklerni hiyrunu katukta hamotanru Wuru Hoyakalu ramot-koxlu Hiwhene.

Apocalipse 3:14

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Laodiceia poktshi hajene kosekatshri: “Xye pirana runkakhi Amém tshinkaluru, Hoyakalu pirana hiphujetatshri halikak-potu, mweyawakletu, Hoyakalu hiyakotanrukaka yinuwakatshri.

Apocalipse 4:11

— Tsru Hixikatshriwa Hoyakalu, pumukata yoptoletlu hoyaknutshi, kahwakpirlu hiyrunu hiyaklu klu tshinanu ptowru potuko hiyakotatshriyi. Pixako palujyawaka tshinanu rawa hiyrunu hiyakotkalurutkani.”