João 1:19 - Bíblia

¹⁹ Xyekni João pirana, judeu-ne mitshi yokanatna sacerdote-ne hiyrunu levita tshinkalune, Jerusalém poktshi hichpajikatshine, João tshinkaluru nwaka repomhiywakapluna João, katnihe wale.

João 1:19 ပူးပေါင်းရင်းမြစ်များ

João 1:7

Xye jeji hapokatka hiphujtatatshri rixyawaka ruphujexyawakaplu katalu katni wale. Wan-rixa ptowru yineru halixatshri rixinripa runkakle tshinanu.

João 10:24

Waneya judeu-ne sajruklu Jesus waneya wla htshinruna: — Hi pchini hohnehe pkojwakahchinikankakanwu hixni? Cristo tshinkaluru pixini halikaka, punkakpotutanwu.

João 10:31

Waneya judeu-ne sotlumka hkochtshekatnakna hsotlujexyawakamkapluna.

João 11:19

Hiyáhoni híxona judeu-ne hinanwakatlo Marta, Maria koxa hyokwihchinikanuxyawakapna himolni hipniywaka tshinanu.

João 2:18

Waneya judeu-ne hihitlu, wla htshinruna: — Kluneru hetkaluru pekhitanwu wimaxyawakaplu towutatshriyi xyekaka pumukata kamhalexyawaka?

João 2:20

Waneya judeu-ne wla tshinru: — Xye pantshi quarenta e seis mhale pejnu hkamhakatka. Ha pixa, pkahwakhe map-hohne pejnu tsonu tshinanu pkamhanutnaklu?

João 5:10

Hiyáhoni judeu-ne wan-tshinru hitskalakalurutka: — Xawakni hapnanuxikalur-hohneni. Hinanchitkalurni putjijekoxyawaka xye hohne.

João 5:15

Wane ruchpajyatka jeji waneya runkakna tsrukakalune judeu-ne, Jesus tshinkaluru hitskalaklu.

João 5:16

Hiyáhoni tsrukakalune judeu-ne yinuwaka kamniretlu Jesus, hiyrunu wannamka haluk-hiylaletlu klu tshinanu xyekaka hkamha hapnanuxikalur-hohneya.

João 5:18

Hiyáhoni tsrukakalune judeu-ne hijha hiylaletlu wane yohnika, hi hapnanuxikalur-hohne hma kahwakpiraxyawakanu tshinanu tsonni seyni Hoyakalu pixka rixnawakwa tshinanni. Klu tshinanu wale wan-tshina, Hoyakalu potuko hima ruruta.

João 6:41

Waneya judeu-ne hihjekaka klu tshinanu Jesus wan-tshinna pão tenhohne hichpajikatshrini wale.

João 6:52

Waneya ruhjekakpotuthonukna wannakakluko judeu-ne, wla htshinna: — Xye jeji, hanhe rumukata waleko himane henekletwu wnijyawakaplu?

João 7:1

Waneya wane wkatanu Jesus hi Judeia tshijne hyapatka klu tshinanu judeu-ne, wane hajene, haluk-hiylaletlu. Hiyáhoni Galileia tshijne tsonu hyapjeta.

João 7:11

Hiyáhoni judeu-ne hijhamkatkalu Tsru Niklu yehiya. Waneya wla htshinatkana: — Hanutkalhe wale?

João 7:15

Waneya judeu-ne himyekpotuta, wla htshinna: — Hanhe ruchpajya xye rimatkalnu. Klu tshinanu hikeklu ruchtotatatka.

João 8:22

Waneya judeu-ne wla tshina: — Walenanuklahe hiylaxinwa? Klu tshinanu wale wan-tshina, Nyiywakapa sreta hi himukata yaletanu.

João 8:48

Waneya judeu-ne hihitlu, wla htshinruna: — Hi he halikaka pirana wtshina, wla wtshinanwakaxinyi, Samaria hajeru wtshininyi, hiyrunu wla wtshininyi kkamtshityi?

João 8:52

Waneya judeu-ne wla tshinru: — Ha, xawakni wimatyi kkamtshityi halikaka. Abraão-ni hipnana hiyrunu Hoyakalu tokanu hinkakletatshine mitshikawlunni hipnana. Seyni pixa wan-tshina katukta homkahpotutlu ptokanu, hipuktshi hikeklu kachitanru wan-hixatshri, ptshina.

João 8:57

Waneya judeu-ne wla tshinru: — Pix-hetko hi cinquenta mhaletkayi seyni Abraão hima peta?

Atos 13:25

Waneya ralipiraxinixkalu hkamrure João wan-tshina: “Kathe pkahwakno? Hita hi waleno hkahwaklerno! Seyni hita pnute runanu wale. Hita hi tsru hixikatshriwano h-sandalha-tetslu nkochpirojyawaka.”

Atos 19:4

Waneya Paulo wan-tshina: — João batiz-le hekhitlu yine rehchinikanuxyawakatkana. João hinkakna yine ralixyawakapluna wale hatjiniyaka hapokatshripa, walekni Jesus Cristo.

1 João 1:5

Xye piranakni wjemyalu Jesus Cristo hiyáhoni xawakni wunkakhi hixa. Xyeni wale pirana, Katalni Hoyakalu hiyrunu hi rawya mapchahalu.