João 1:18 - Bíblia

¹⁸ Hi satukna yineru hikeklu hetjejetlu Hoyakalu. Halikaka Hoyakalu whene satupkalutu, ruru Hoyakalusko potuko hwatshriko, walekni hiphujtatlu Hoyakalu.

João 1:18 ပူးပေါင်းရင်းမြစ်များ

Gênesis 16:13

Waneya thiwakatlu Tsru Hixikatshriwa Hoyakalu tyinumsatjeru. “Pixa Netjeryi ttshinru Hoyakalu” klu tshinanu wane tixahchinikanuta, “Xawakniklahe netlu Netjeru?”

Gênesis 18:33

Waneya hajeyri Abraão hali hiynumletkalu Tsru Hixikatshriwa Hoyakalu yatka waneya Abraão yatka hipjiru.

Mateus 11:27

— Nuru, ptowru potuko renekno. Hike himathetlu Whentshi seyni Hirtshipka himathetlu. Hike himathetlu Hirtshi seyni Whentshipka himathetlu hiyrun-koxa katukta raluk-himatyehkakletlu Hirtshi.

Lucas 10:22

— Nuru, ptowru potuko renekno. Hike himathetlu Whentshi seyni Hirtshipka himathetlu. Hike himathetlu Hirtshi seyni Whentshipka himathetlu hiyrun-koxa katukta raluk-himatyehkakletlu Hirtshi.

João 1:14

Tokantshi manewata. Hiyrun-koxa hixa tskala rawakanatatka. Wetlu royaknu. Hoyakalu hoyaknu pixka rixatka Hoyakalu whene satupkalutu. Hpoyahokakatkalu ptowru potuka Hoyakalu hihlenu hiyrunu halikakalutu pirana hpoyahokakatka.

João 12:41

Isaías-ni xyekaka tokantshi htshina mitshi Jesus hoyaknu rexini mitshi waneya wale pirana runkakletatka.

João 13:23

Wanekananru satu Jesus hasrukleru, ramotleru potuko, Jesus sta hinaple hikoluhatshri.

João 14:9

Waneya Jesus wla tshinru: — Hix-hohne nimwatkayi seyni wanepnawaka hi pimathetawanhe Filipe? Hita netjeru Nuru Hoyakalu koxa reta. Hiyáhoni xawakni haklu tshinanhe wla ptshina, Puru Hoyakalu pekhitanwu?

João 17:26

Pixa nimatkakatkana wanna hiyrunu pix-pirana nunkakjetawana. Hichiniklewlu puchinijyawakno pso, wannayma rawyawakapa hiyrunu hita wannayma nwiywakapa.

João 17:6

— Nuphujetatkalu pixa phiwaka yine penejyano xye tshijne hajene yehiya. Payinetene penejyano. Hiyrun-koxa pixa ptokanu romkahjetna.

João 3:11

Halikaka, halikaka wla ntshinyi: — Wunkakhi wimatjemle pirana hiyrunu wunkakhi wetlerutka pirana seyni hixa hi haluk-halixletlu wunkakle.

João 6:46

Halikaka hi satukna yineru hetjejetlu Nuru Hoyakalu. Halikaka satupkalu, Hoyakalu yehi hichpajikatshri tsonu hetjejetlu.

2 Coríntios 4:4

Hi ralixluna Cristo klu tshinanu xye tshijne hoyakalute hektutu kkamhakleru himaletahchinikanutna. Hi ritshitna rumrekhaxyawakna hma mexyawakanupluna katalu, kihle piranalu potuko hiwekkaklewatatshri pirana, Cristo hoyaknu pirana. Cristo waleni Hoyakalu yáholu potuko.

Colossenses 1:15

Hoyakalu metkotu ruphujewnakakatka Cristo-ya. Cristo mitshikananu wuhenetkaluru ptowru hiyakotkaluru pnute.

1 Timóteo 1:17

Ptowru potuko yokanatatshri, ptowru hohneko hwatshri, hikeklu hohne mnikawnakatu, metkotu, Hoyakalu satupkalutu tshinanu kahwakpirhohnekanatkalurupni, himalwuhohnekanatkalurupni psol-hohne potukananuko! Seyoka.

1 Timóteo 6:16

Wale tsonni mupnakatu, Hoyakalu katawaka riwejya. Hike himukata hapoklestsitanru. Hike yineru hetlu Hoyakalu, hi koxa rumukata hetletanruna. Walepni kahwakpirhohnekanatkalurupa hiyrun-koxa tsru pixkontshipa hikeklu hohne mnikawnakatupa. Seyoka.

1 João 4:12

Hi satuknako yineru hetawalu Hoyakalu, hikeklu. Seyni wuchinikkajiniklunu hixaymalu Hoyakalu hiyáhoni Hoyakalu hamotle hiphujetka hixaya.

1 João 4:20

Satu wane tshininiklunwa: “Namotlu Hoyakalu”, seyni rahnanuxinri Cristo tshinanu hmoletanru, kayloklerni wale. Klu tshinanu katukta hi hamotlu Cristo tshinanu hmoletanru, retler-potuko, hi rumukata hamotletlu Hoyakalu, metkot-potuko.

1 João 4:9

Wan-rixa hekhireta Hoyakalu ruchinijyawakwu klu tshinanu xye tshiji hyokanatlu Hiwhene satupkalutu wiwejyawakapa wale tshinanu.

1 João 5:20

Hiyrun-koxa wimatlu Hoyakalu Whene hapokatka hiyrunu renekwu himatkaltshi wimathexyawaklu halikakalutni wale. Halikakalutuymalunetkawu. Waleni Hiwhene Jesus Cristo. Xyekni Hoyakalu halikakalutu hiyrunu hiwekluni hikeklu hohne mnikawnakatupa.