João 1:16 - Bíblia

¹⁶ Klu tshinanu rumukatle tsru potuko hepixlewatatshri yoptotatshinwu hixa ptowrunekwu. Ruhlenu renekachale yoptotatshinwu hiyrunu ruhlenu renekachale wane pnutepa yoptotatshinepwu.

João 1:16 ပူးပေါင်းရင်းမြစ်များ

Mateus 13:12

Klu tshinanu katukta himatjemlu, Hoyakalu pnute rimatjemkakanru wale haté rimatjempotuxyawakaplu. Seyni mimatjemkatu haté rimatjemlejiji hkonanu Hoyakalu.

Mateus 3:11

Hita batiza-jethi honhaya himaxikowaka hixa hehchinikanutatka, seyni wale, hapkatatatshri batiza-tanhi Hoyakalu Hiwejikaluruya, tshitshmeroya koxa. Wale hinatshripa hita pnute himukatatshrini. Hikenno hita h-sandalha-te nanijyawaka.

Mateus 3:14

Seyni João wan-tshinru: — Hita haluklu n-batiza-xikowaka pixaya seyni pixlahe hinanwakatno n-batiza-xyawakapyi pixa?

Lucas 21:15

Klu tshinanu hita henektokanutanhi hiyrunu himatkalewlu. Hma mumukata hihretanutna hkamnitjene, hma mumukata yoptoletanutna tokantshi.

João 3:34

Hoyakalu yokanatanru, Hoyakalu tokanu runkakletjeta. Klu tshinanu Hoyakalu hi psotsonujiji Hiwejikaluru reneklu seyni Hiwejikaluru psoluka reneklu.

Romanos 5:17

Halikakni satupka yineru majnákonu tshinanu hipuktshi towutlewata. Seyni hakanhatshritka satupka yineru tshinanu, Jesus Cristo hektuntshi yohnik-himukatatshrini. Klu tshinanu ptowru neruko Hoyakalu hihlenu yoptotatshine, Hoyakalu henekachale potukatlewatatshri yoptotatshine pohirewnanu Cristo pixkonu tshinanu.

Romanos 5:2

Walixle tshinanu Cristo wan-hixwu Hoyakalu hihlehchinikanrewle henekachalu wyoptoxyawaka. Wane wixa haté xawakni. Wale tshinanu wpoyikowata klu tshinanu Hoyakalu hoyaknu wkahwakanu.

Romanos 5:20

Moisés yonreru hakanhatka rekhixyawaklu hektuntshi hektupotuko rixyawaka. Seyni hektuntshi hallikanaxinixka Hoyakalu hiknojyawaklu hektuntshi koxa mixkowatatka.

Romanos 8:9

Seyni hixa hi homkahitlu hixako halujyawaka seyni Hoyakalu Hiwejikalurununhi. Katukta hi himwalu Cristo Hiwejikaluru hi Cristo-nni wale.

Efésios 1:23

Cristo halixatshine hapatjetatshine Cristo mane yaholukni wanna. Satkaka halixatshri Cristo mane psojitekni wale. Cristo-ni ptowru potuko nikat-kamruretatshri psol-potuko.

Efésios 3:19

Hiyáhoni nanjitlu himaxyawaklu Cristo hichiniklewle, hixa wihchinikanu pnuterut-potni wale, Hoyakalu himukata tsepotlexyawakaplu hiwejikaluru wiwekleya psol-potuko.

Colossenses 1:19

Hoyakalu hikchikahchinikanuxnawa Cristo hoho rawinripa psoluka rixannu.

Colossenses 2:3

Ptowruko kwenuru himretakanatkaluru himatkaltshi hiyrunu himatjemlu Hoyakalunni Cristo tsonu rimatyehixikatka.

1 Pedro 1:11

Rujha himatjemletluna kluneru piranni xye hiyrunu rujha himatletluna hiklu rakanhanu xye pirana. Klu tshinanu Cristo Hiwejikaluru mitshi wanna hitokote hwatshri runkakna mitshi Cristo mapokatuwa pirana, Cristo saletle hinatshripa pirana hiyrunu hsaletle wane pnutepa ruphujexikolupa pirana.

1 Pedro 1:2

Hoyakalu nurrenhi waleko ralujyawaka tshinanu, Hoyakalu Hiwejikaluru yineru powratatshri tshinanu, hyijnakoxyawakaplu Jesus Cristo halujyawaka, hpolhohoxikolupa wale hrahaya. Hoyakalu hepixle yoptotatshinephi hiyrun-koxa kihle hwachalu hwapotutatshinephi.