João 1:14 - Bíblia

¹⁴ Tokantshi manewata. Hiyrun-koxa hixa tskala rawakanatatka. Wetlu royaknu. Hoyakalu hoyaknu pixka rixatka Hoyakalu whene satupkalutu. Hpoyahokakatkalu ptowru potuka Hoyakalu hihlenu hiyrunu halikakalutu pirana hpoyahokakatka.

João 1:14 ပူးပေါင်းရင်းမြစ်များ

Mateus 1:16

Waneya Jacó wuhenetlu José, José honra Maria tshinkaluro hnuru, walakni matkaklu Jesus, walekatkani Cristo tshinkaluru.

Lucas 2:11

Xawakni hohne potuko, Belém tshinikowaka, Davi-ni poktshi, hmatuxyatka hixa hiwekkakjerupa. Waleni Tsru Hixikatshriwa Cristo.

Lucas 2:7

Tmatkakatkalu mitshikananu toturu. Waneya mkatshri sama tpoyitatkalu. Pratshine nikjexyawaka tutakatkalu mturujiji klu tshinanu hikeni hihruko pnu hichpajikatshine hwalerupa.

Lucas 9:32

Seyni Pedro-ne hixapnewpotuthonuka. Waneya ruyojinixkana, retluna Jesus hoyaknu, hiyrun-koxa hepi jejine waleymalune.

João 1:1

Hyinuwajikolu rawa tokantshi. Hoyakaluymatkalu Tokantshi hiyrun-koxa Hoyakalukni wale Tokantshi.

João 11:40

Ruhita Jesus: — Hi he wane ntshinyi palixinri petanru Tsru Hixikatshriwa Hoyakalu pixkonu?

João 14:6

Waneya Jesus hihitna: — Hitni hatnu hapno, Hitni halikakalutno, Hitni hiwekluno. Yine Hita tshinanu tsonu rumukata hapokanwakletluna Nuru Hoyakalu.

João 14:9

Waneya Jesus wla tshinru: — Hix-hohne nimwatkayi seyni wanepnawaka hi pimathetawanhe Filipe? Hita netjeru Nuru Hoyakalu koxa reta. Hiyáhoni xawakni haklu tshinanhe wla ptshina, Puru Hoyakalu pekhitanwu?

João 17:22

Hiyrunu hoyaknutshi penejyano, wale nenekatkana wanna. Pa hchinikanurune rixyawakapna, pa hchinikanurune wixyawaka pixka.

João 17:24

— Nuru Hoyakalu nanjityi yine penejyano hita nwiywakapa rawyawakapna wanna koxa. Npohirewnale penejyano rexyawakapna. Klu tshinanu xye tshijne hma kamhakonuklunuwa puchinikatkano.

João 18:37

Waneya Phuru Pilatos wla tshinru: — Hiyáhoni pixlahe phuryi? Waneya Jesus hihitlu, wla htshina: — Pixako wan-tshina. Halikaka wale tshinanu nmatuta hiyrunu xye tshijne napoka nuphujtaxyawakaplu halikakalutu pirana. Ptowruneka halikakalune yijnakotlu ntokanu.

João 2:11

Wan-rixa yinuwakletlu Caná poktshiya, Galileia tshijne hajeruya Jesus kamhalu mitshikananu hetkaluru hkamhaleru. Ruphujetlu royaknu hiyrunu rasruklene halixatkalu.

João 3:16

Hoyakalu psol-tshijneka hajene ramotle tshinanu hyokanatlu hituru satupkalutu ptowru yineru ralixjene hi rupnanna seyni riwekanna hikeklu hohne mnikawnakanepa.

João 3:18

Hiyáhoni Hoyakalu whene halixatshine hi rapnokatkana seyni malixkane rapnokatkana klu tshinanu hi ralixluna Hoyakalu whene satupkalutu.

João 6:51

Pão hiwekkaklewatatshri, tenhohne hichpajikatshri, hitni. Hiyrun-koxa yineru wale nikatshri pejnu hiwekanu hike rixiniko mnikawnakatupni. Xye pão xye tshijne hiwekle neneklerupa, waleni nohitu.

João 8:32

Hiyrun-koxa halikakalutu pirana himatanu hiyrunu hichotkalunpatkahi halikakalutu pirana tshinanu.

Atos 13:33

wale renekatkawu hixa, wutsrukatenni whenenwu Hoyakalu hiwekkajinixkalu Jesus. Wane potuko htshina yonawahleta Hoyakalu pirana yonatkaluru hepi rixinri Salmo: “Pixni Noturyi. Xawakni nwuhenetyi.”

Romanos 8:3

Moisés yonreru hi kmixkonu klu tshinanu hektuntshi hihrokahchinikankaklewatatshri himaletlewata. Seyni Hoyakalu hituruko hyokanatatka yineru hektuntshi hwaleru pixka rixyawakapa hektuntshi hkamnixyawakapa hiyáhoni ruylatlu hektuntshi yineru mane hwatshri.

Romanos 9:5

Hitsrukatshinnixkani wannani Cristo molennixkani himaneyna. Waleni Hoyakalu ptowru potuko towutatshri. Himalwutkalurni wale ptowru hohnekananuko mnikawnakatupni. Amém.

1 Coríntios 15:47

Mitshikananu Adão waleni tshiji hajeru tshiji kamhikolni. Seyni hapkatatatshri Adão waleni Tsru Hixikatshriwa tenhohne hajerni.

2 Coríntios 12:9

Waneya wane htshinatkano: “Nepixle poyahoxyatkayi klu tshinanu numukatle pot-hixko puhrojini.” Hiyáhoni nkopalpiranatlu nuhrokle piranapnawaka klu tshinanu nuhrojiniklunu Cristo pixkonu hit-yehi rawanutka.

Gálatas 4:4

Rapokhohnepotuxinixka Hoyakalu yokanatlu hituru, suxo hmatuxyatka Moisés yonreru homkahitatshrotkani.

Efésios 3:8

Hita mpomujhakotpotno ptowruneka Hoyakalu hayineteneya. Wanepnawaka Hoyakalu henekno xye poyikowlu judeu mixkane nunkajyawaklu kihler-pirana potuko, tsru pohirewnalu honra Cristo henekwu.

Colossenses 1:19

Hoyakalu hikchikahchinikanuxnawa Cristo hoho rawinripa psoluka rixannu.

Colossenses 2:3

Ptowruko kwenuru himretakanatkaluru himatkaltshi hiyrunu himatjemlu Hoyakalunni Cristo tsonu rimatyehixikatka.

Colossenses 2:9

Klu tshinanu ptowruka Hoyakalu hixannu pso potuko Cristo mane hitokote rawa.

1 Timóteo 3:16

Tsru mimat-hinkakletkotu waleni potuknutshi hchinikanu piranni klu tshinanu: “Jesus hiphujewna yineru mane rixnawa seyni riwejinriya potukalni. Hiwejikalune Hoyakalu towrene tenhohne hajene hetatkalu. Ruphujtatka psol-tshijneya. Xye tshijne halixlerni. Ranikka tenhohne.”

Hebreus 1:3

Hituru ruru Hoyakalu hoyaknu hatnu hwatshrini hiyrun-koxa Hoyakalu yáholu pixka potuko rixa. Hituru tokanu himukatle tshinanu ptowru potuka hpoyehita. Waneya rali powratlexinixkawu wektunuya, Tsru Hixikatshriwa Hoyakalu, teno hajeru potukle sreta htuplatatka.

Hebreus 1:5

Klu tshinanu Hoyakalu hikeklu wane htshinanwakatlu satu htowreru hiwejikaluru tenhohne hajeru: “Pixakni nowhenyi. Xye hohneni purutatkano.” Hi htshina. Ho wla: “Purutno hita ho pixapni Nowhene.” Hi htshina.

Hebreus 10:5

Hiyáhoni Cristo hapojiniklunutkalu xye tshijne wla htshinanwakatlu Hoyakalu: “Henekachlu hiylaxikolu hiyrunu henekachlukaka hi pujha pixa. Seyni satu mantshi palpokohnaputno.

Hebreus 2:11

Klu tshinanu yine hektunu powratatshrini hiyrun-koxa hpowratanune walerutu rurutna. Hiyáhoni Jesus hi ripatewatna himolene htshinrene.

Hebreus 5:5

Waneko pixka rix-koxa Cristo. Hi rutajnawa tserutahchinikanru Tsru Sacerdote rixyawakapa seyni halikaka Hoyakalu wla tshinru mitshi: “Nowhenyi pixa. Xawakni purutkano.”

1 João 4:14

Wetlu hiyrunu wuphujtatlu Wuru Hoyakalu yokanatlu Hiwhene xye tshijne hajene hiwekkaklewatatshri rixyawakapa.

1 João 4:9

Wan-rixa hekhireta Hoyakalu ruchinijyawakwu klu tshinanu xye tshiji hyokanatlu Hiwhene satupkalutu wiwejyawakapa wale tshinanu.

2 João 1:7

Klu tshinanu hixo yokwijrewpiratatshine xye tshijne hiphujewniyatka. Hi ruphujetluna Jesus Cristo kahituru potuko rixa hapoklexyawakatkalu xye tshijne. Wan-hixatshri yokwijrewpiratatshrini hiyrunu Cristo kamnitjerni.

Apocalipse 19:13

Mkatshri hmakatleru, hrahtshi hyonrikka. Hhiwaka, Hoyakalu Tokanu tshinkaluru.

Apocalipse 21:3

Waneya tsru tokantshi njema pohirtshi tuplawakle hichpajikatshri hima, wla tshinatshri: — Hjemanu! Hoyakalu hwiywaka yin-yehi rawatka. Wannayma rawanu. Rayinetenepni. Hoyakalu potuko wannaymapa. Wanna Hoyakalutepni.