João 1:13 - Bíblia

¹³ Wanna ptowruneka hi hrahtshiyma matutatshine tsonni, hi mantshi matuxikatshine tsonni, hi yineru halujyawaka tshinanu matutatshinetkani seyni Hoyakalu tshinanu matutatshinni wanna.

João 1:13 ပူးပေါင်းရင်းမြစ်များ

Gênesis 25:22

Waneya hyahotkakna mturune wala nanwakaya hiyáhoni wane ttshina: — Haklu tshinanhe wane hixyehitno? Hiyáhoni tya tepomhaplu Hoyakalu.

Gênesis 25:28

Isaque nikalu heru hiyahokni ramotlu Esaú seyni Rebeca hamotlu Jacó.

Gênesis 27:33

Waneya rutatakpotutatka Isaque. Waneya wla htshina hepomhaletlu: — Katyihe? Hiyáhoni kathe hwapyano nikalu ranikanwakaxyanno pmapokkanuklunuwa pixa kihlewaka ntshinanwaklerutka? Seyni halikaka kihlewaka pirana neneklerutka waneko rixanutka.

Gênesis 27:4

Waneya nikalhitujpa nannaleru potuko pkamhinno. Wale panijinno nnijyawakako kihleru pirana nunkajinyi nupnale hnapu.

Mateus 3:9

Seyni hi hkahwakanu hixa himukata hihlerexnawa wane htshinamxyawaka: “Abraão-kni wutsrukate”; klu tshinanu nunkakhi Hoyakalu himukata haté xyekaka sotlu kamhalexyalu Abraão klopichane.

João 3:3

Waneya Jesus hihitlu: — Halikaka ntshinyi, hike himukata jihlokletanru Hoyakalu pohirewaxyawaka hepi kata hma matutkanuklunu.

1 Coríntios 3:6

Hita hitaklewata. Apolo hihaklu. Seyni Hoyakalu tseruwnakaklu.

Filipenses 2:13

Klu tshinanu Hoyakalukni hix-yehi kamrurewaxikatshri, halujyawakaplu hiyrun-koxa hkamhiywakaplu wale halujyawakako.

Tito 3:5

Riwekkakwu hi hixako wkamhaleru kihleru tshinanni seyni rixa hetwamonrewlexyawaka tshinanni. Herokakalunwu herotu matuxikolu tshinanu rerotetwu Hoyakalu Hiwejikaluru himukatle tshinanwu.

Tiago 1:18

Waleko ralujyawaka tshinanu rawkakwu, htokanu halikakalutu tshinanu, Hoyakalu hiyakoleru ptowru potuko tsru potu wixikowakapa.

1 Pedro 1:23

Himepe matletatshinhi, hi himat-nikawnatshri matuxikatshinhi halikaka mimat-nikawnakatu matkakatkahi. Hoyakalu tokanni wale, hiwekatshri hike rixiniko mnikawnakatu.

1 Pedro 1:3

Wpoyahnutanru Wutsrukate Jesus Cristo Hiru, Royakalute. Herotu matuxikolu renekwu hiweklu wkahwajyawakapa Jesus Cristo hiwejinixnaka hipuktshiya tshinanu. Hoyakalu hetwamonre tsru potuko tshinanu.

1 Pedro 2:2

Hematlune pixka tnutsh-ha hepixlewatatshri hijhapotutatshine, Hoyakalu tokanu wiwejinri hepixatshri hijhapotutanu htseruwniywakapa.

1 João 3:9

Ptowru Hoyakalu matkakleru hi hektuwaka hkamhajeta klu tshinanu Hiwejikaluru Potukalu rawya. Hiyáhoni hi rumukata majnakowleta klu tshinanu Hoyakalu whenetkani.

1 João 4:7

Nuchinikanune, wuchinikkakanu klu tshinanu hichinijikolu Hoyakalu yehi ruchpajya. Katukta hamotkaka Hoyakalu matkaklerutkani hiyrunu Hoyakalu rimatheta.

1 João 5:1

Ptowru yineru Jesus tshinkaluru Cristo rixyawaka halixatshri, Hoyakalu matkaklerni hiyrunu katukta hamotanru Wuru Hoyakalu ramot-koxlu Hiwhene.

1 João 5:18

Wimatlu, ptowru yineru Hoyakalu matkakleru hi hektuwaka hkamhajeta. Hiyrunu Hoyakalu matkakleru himat-hislahnawa hiyáhoni kamtshi hi yotnekanru.

1 João 5:4

Hoyakalu matkaklene hallitanru xye tshijne. Xye tshijne hallitatshri, waleni walixle. Xyekni wkaykakjeru.