João 1:12 - Bíblia

¹² Seyni ptowruneko, ralixjene pejnu rutakna Hoyakalu whenene rixyawakapna, ralix-hiwakatjene pejnu tshinanu wan-rixa.

João 1:12 ပူးပေါင်းရင်းမြစ်များ

Mateus 10:40

— Katukta yoptothi hixa, Hita hyoptota hiyrun-koxa katukta yoptotno Hita, hyoptotlu nyokanatjeru.

Mateus 12:21

Wale hiwaka tshinanu ptowru tshijne hajene munanhanru riwekkajyawakapna.”

Mateus 18:5

Hiyrun-koxa katukta hihle yoptoletlu xye mturu nhiwaka tshinanu hit-koxa hyoptotanu.

João 1:11

Runatka waleko rayinetene yehimka seyni rayinetene hi ralukanatkaluna.

João 1:7

Xye jeji hapokatka hiphujtatatshri rixyawaka ruphujexyawakaplu katalu katni wale. Wan-rixa ptowru yineru halixatshri rixinripa runkakle tshinanu.

João 11:52

Hiyrunu hi wale tshijne tsonu tshinanu rupnapini seyni rapatjexyawakapna Hoyakalu whenene ptowru tshijne hipalaxikatshine pa nerunepka rixyawakapna.

João 2:23

Jerusalém poktshi rawakanaxini Jesus Páscoa nikle hohne tshinanu, rexinixkaluna himyekaklewatatshrikaka Jesus kamhaleru, hixolune yine halixlu Jesus.

João 20:31

Seyni xyekaka yonatka hixa halixyawakaplu Jesus, Hoyakalu Whene Cristo (Messias) rixyawaka hiyrun-koxa halixinri waneyaphi hiwejinri wale hiwaka tshinanu.

João 3:18

Hiyáhoni Hoyakalu whene halixatshine hi rapnokatkana seyni malixkane rapnokatkana klu tshinanu hi ralixluna Hoyakalu whene satupkalutu.

Atos 3:16

Jesus hiwaka ralixyawaka tshinanu rutskalakkatka xye jeji hiyrun-koxa xye hiwaka pixkonu tshinanuko renek-mixkonutlu xye jeji myankatukananu hixa hetamtanru, himatanru hyanyawaka. Hehe, Jesus ralixyawaka tshinanu renekkatka pomtalu rixyawakpatka hixa hetanuya.

Romanos 8:14

Klu tshinanu ptowrunek-yine Hoyakalu Hiwejikaluru kosekanna, Hoyakalu whenene rixyawakna tshinanna.

Romanos 8:16

Hiyrunu Hoyakalu Hiwejikaluru hixa wiwejinri repixa wla wtshinyawaka Hoyakalu whenenetkawu.

Romanos 8:19

Ptowru potuko Hoyakalu kamhaleru chiretmaklu rakanhiywakna Hoyakalu whenene.

Gálatas 3:26

Klu tshinanu hixa Jesus Cristo halixyawaka tshinanu hixa ptowrunekhi Hoyakalu whenenhi.

Gálatas 4:6

Hiyáhoni rekhixyawakaplu Hoyakalu whenene wixyawaka, Hoyakalu yokanatlu Hituru Hiwejikaluru, wan-tshinatshri wajiya. Hipokananu wla htshina: “Hirtshi, Nuru.”

Colossenses 2:6

Hiyáhoni mitshikananu hixa yoptolexyawaklu Tsru Hixikatshriwa Jesus Cristo pixka hixa homkahretanru.

2 Pedro 1:4

Xye tshinanu, Hoyakalu hinkakletlerkaka himukatatshri potuko, halukkaluru potu, wunkakka. Wan-hixatshinwu, Hoyakalu hchinikanuymalunwu. Xye tshijne halukleru sreta hichpajikatshinetkawu hiyáhoni xye tshijne himtukkakatshri wasujyatka.

1 João 3:1

Hetanu, hi pso hamotlukananu rixwu Wuru Hoyakalu, Hoyakalu whenene wtshinikowaka. Halikaka Hoyakalu whenetkawu. Hiyahokni xye tshijne hajene hi himathetwu klu tshinanu hi rimathetatkaluna Wuru Hoyakalu.

1 João 3:10

Wane wixa himathetletanna Hoyakalu whenene, kamtshi whenen-koxa: Ptowru yineru potuknutshi mkamhakatu, ho Cristo tshinanu hmoletanru hma muchinikkanuklunru katuktako, wale hi Hoyakalu matkaklerni wale.

1 João 3:2

Nuchinikanune, xawakni halikakni Hoyakalu whenenetkawu. Wanepnawaka hi wimatjemkakatka hanu potu hixatshinektapwu. Seyni wimata, ruphujewniniklunupa Cristo wale pixka potuko wixanu, klu tshinanu wetpotutanru rixyawak-potuko.

1 João 3:23

Hiyrunu xyekatkani tokantshi hyokanrer-pirana; hiwhene, Jesus Cristo hiwaka walixyawaka hiyrunu wmoletanune Cristo tshinanu wamotkajyawaka, htshin-towutlexyawakwu pixka wixanu.