João 1:1 - Bíblia

¹ Hyinuwajikolu rawa tokantshi. Hoyakaluymatkalu Tokantshi hiyrun-koxa Hoyakalukni wale Tokantshi.

João 1:1 ပူးပေါင်းရင်းမြစ်များ

Gênesis 1:1

Hyinuwakle Hoyakalu hiyakotlu tenhohne, tshiji koxa.

Mateus 1:23

“Suxo, jeji mapokmanetanutowa michiwatanu, twuhenetanru jeji, hhiwakatko Emanuel.” (Emanuel raluka tshinreta “Hoyakalu hixaymalu”.)

Lucas 24:53

Ptowru hohneko Hoyakalupji rawna. Hoyakalu rimalwutna. Hpoyahnutluna.

João 1:14

Tokantshi manewata. Hiyrun-koxa hixa tskala rawakanatatka. Wetlu royaknu. Hoyakalu hoyaknu pixka rixatka Hoyakalu whene satupkalutu. Hpoyahokakatkalu ptowru potuka Hoyakalu hihlenu hiyrunu halikakalutu pirana hpoyahokakatka.

João 1:18

Hi satukna yineru hikeklu hetjejetlu Hoyakalu. Halikaka Hoyakalu whene satupkalutu, ruru Hoyakalusko potuko hwatshriko, walekni hiphujtatlu Hoyakalu.

João 1:2

Hyinuwajikolukananukotka Hoyakaluyma rawatka Tokantshi.

João 16:28

Nuru Hoyakalu nunya. Xye tshijne hapokatshrino. Waneyapa xye tshijne nuchpajini. Nuru Hoyakalu nwaka nyanu.

João 17:5

Hiyáhoni xawakni Nuru Hoyakalu, pix-potuko puphujetanno. Xye tshijne myinuwakkanuklunuwa pixayma nwajekanaxini hoyaknutshi netleru penekanno.

João 20:28

Waneya Tomé wan-tshinru Jesus: — Nutsrukate! Noyakalute!

João 8:58

Waneya Jesus wla tshinna: — Halikakni, halikakni wane ntshinhi, Abraão-ni mmatutkanuklunuwa, nwakotka.

Romanos 9:5

Hitsrukatshinnixkani wannani Cristo molennixkani himaneyna. Waleni Hoyakalu ptowru potuko towutatshri. Himalwutkalurni wale ptowru hohnekananuko mnikawnakatupni. Amém.

Efésios 3:9

Hiyrun-koxa renekno nimatjemkajyawakna ptowru neruka hanu potu rixa yohimakanatatshri pirana, Hoyakalu hixa hichinikanretlexyawakna pirana. Klu tshinanu Hoyakalu ptowru potuko hiyakotatshri ptowru papkokananuko mitshikananu hi ruphujetakanatlu xye pirana yohimakanatkaluru.

Filipenses 2:6

Ptowru hohnekananuko Hoyakalu pixka potuko rixatka seyni hi ruchinikanretlu Hoyakalu pso tsru hixikatshriwa rixyawaka muchotkotmakni.

Colossenses 1:15

Hoyakalu metkotu ruphujewnakakatka Cristo-ya. Cristo mitshikananu wuhenetkaluru ptowru hiyakotkaluru pnute.

Colossenses 1:17

Ptowru potuko hiyakotkaluru pejnu pnut-hohne hwatshrini Cristo. Hiyrun-koxa wale tshinanukni wan-rixa ptowru potuko.

1 Timóteo 3:16

Tsru mimat-hinkakletkotu waleni potuknutshi hchinikanu piranni klu tshinanu: “Jesus hiphujewna yineru mane rixnawa seyni riwejinriya potukalni. Hiwejikalune Hoyakalu towrene tenhohne hajene hetatkalu. Ruphujtatka psol-tshijneya. Xye tshijne halixlerni. Ranikka tenhohne.”

Tito 2:13

Wkahwakjetlu kihler-potuko hohnepa hiyrun-koxa Hoyakalu tsru himukatatshri hiyrunu Wiwekkakjeru Jesus Cristo hoyaknu hiphujexikolu hohnepatka.

Hebreus 13:8

Jesus Cristo rixhohnekanaxyawakni hiknohatshri hohneni, xawakni hohne hiyrunu hinatshri hohnepa mnikawnakatupa.

Hebreus 7:3

Hike ruruta. Hike runrota. Rutsrukatene hi kapiranyehna. Hi kyinuwakle piranru. Hiyrun-koxa hi kapiranyehru hnikawninri. Hoyakalu whene pixka rixatka. Sacerdote rixhohnekanaxinripni.

2 Pedro 1:1

Hita Pedro Simão tshinkalurno, Hoyakalu towrerno. Jesus Cristo nurrerno hita. Hixa pixkalun-koxhi hixa. Halixlu hike pixka mixkatu yoptotatshinhi Hoyakalu potuknu tshinanu hiyrunu wiwekkakjeru Jesus Cristo tshinanu. Hixa tshinanni xye yonawahlo.

1 João 5:20

Hiyrun-koxa wimatlu Hoyakalu Whene hapokatka hiyrunu renekwu himatkaltshi wimathexyawaklu halikakalutni wale. Halikakalutuymalunetkawu. Waleni Hiwhene Jesus Cristo. Xyekni Hoyakalu halikakalutu hiyrunu hiwekluni hikeklu hohne mnikawnakatupa.

1 João 5:7

Klu tshinanu mapna hiphujtatatshine tenhohneya, Wuru Hoyakalu, Hoyakalu tokanu hiyrunu Hoyakalu Hiwejikaluru. Nyi mapamkana seyni satupkalu.

Apocalipse 1:11

Wla htshinamta, — Petanrukaka pyonpiranatanu papel-mtaya. Waneya pyokanatanro yonawahlo Cristo halixatshine hapatjexyawakkaka hajene nwaka, sete-ne. Éfeso poktshi nwaka, Esmirna poktshi nwaka, Pérgamo poktshi nwaka, Tiatira poktshi nwaka, Sardes poktshi nwaka, Filadélfia poktshi nwaka, Laodiceia poktshi nwaka.

Apocalipse 1:17

Waneya nexinixkalu, hijixistsi nyawnamxya, hipnatshri pixka. Waneya hyosurukkanotatka hpotukle myo, waneya hit-hoho rutakamyota. Wla htshinno: — Hi ppikanu, Hitakni yinuwakatshrino, rapkatle hwatshri koxno.

Apocalipse 1:2

João tshinkaluru hinkakletlu ptowruka retanru pirana hiyrunu hewi hyonaxikatka ptowruka runkakle pirana Hoyakalu hinkakle pirana, halikakalutu pirana Jesus Cristo hiphujetleru pirana.

Apocalipse 1:8

Hitni mitshikananu hwatshrino hiyrun-koxa hmahle hwatshrino. Yinuwakatshrino hiyrunu hmahaxyawak-potuko hwatshrino htshina Tsru Hixikatshriwa Hoyakalu, ptowru himukatatshrino, xawakni hohne hwatshrino, mitshikawluru hwatshri hiyrunu xawakni hohne pnutpatka hwatshrino.

Apocalipse 19:13

Mkatshri hmakatleru, hrahtshi hyonrikka. Hhiwaka, Hoyakalu Tokanu tshinkaluru.

Apocalipse 2:8

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Esmirna poktshi hajene kosekatshri: “Xye pirana runkakhi mitshikananu hwatshri, hiyrunu rapkatle hwatshri, hipnatshri kananu seyni hiwekatshritka.

Apocalipse 21:6

Waneya wla htshinatkano: — Xye ptowruka halixatka. Hit-honra mitshikananu hajerno hiyrunu hapkatatatshri potuko hajerno, hyinuwajikol-potukno hiyrunu hmahaxyawak-potuko hajerno. Honunnahatewatatshripa nutahatanu. Honha hiweklu heneklewatatshri hichpakhaxikatshri hajer-ha nenekanru, henekachalur-potuko.

Apocalipse 22:13

Hitni mitshikananu hwatshrino hiyrunu hmahle potuko hwatshrino. Yinuwakatshrino hiyrunu hmahaxyawak-potuko hwatshrino, mitshikananu hwatshrino hiyrunu hmahle hwatshrino.

Apocalipse 3:14

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Laodiceia poktshi hajene kosekatshri: “Xye pirana runkakhi Amém tshinkaluru, Hoyakalu pirana hiphujetatshri halikak-potu, mweyawakletu, Hoyakalu hiyakotanrukaka yinuwakatshri.