Hebreus 8:8 - Bíblia

⁸ Seyni Hoyakalu hetna hinerune jikolukanuru hkamhiywakna hiyáhoni wla htshina mitshi: Tsru Hixikatshriwa Hoyakalu wla htshina: “Hetanu, rapokhohnetanu herotu pirana nunkaklexyana israel-nerune, Hiyrunu wale piranako nunkaklexyana judá-nerune.

Hebreus 8:8 ပူးပေါင်းရင်းမြစ်များ

Mateus 26:28

Twu copa stonha nunkakletleru, waleni herotu nohraha piranni. Xye nohraha hixolune yine tshinanu hiyokkalurupa hektuntshi hiknojikowakapa tshinanu.

Marcos 14:24

Waneya wla htshina: — Xyeni hatatjewa nohraha hmunanhalerni Hoyakalu yineruyma hixolune yine tshinanu hiyokkalurupa.

Lucas 17:22

Waneya Jesus wla tshinatkana rasruklene: — Rapokpapkoluxinipa hixa haluk-hetletanru Jeji Whene tshinkaluru klu papkopa yáholu pa hohnejiji. Seyni hi hetanru.

Lucas 22:20

Waneyatnaka rali niklexinixkana waneko pixka rixa, copa stono hkochtsheka, waneya wla htshina: — Twu copa stonha nunkakletleru, waleni herotu nohraha piranni. Xye nohraha hixa tshinanu hiyokkalurupa.

Lucas 5:38

Seyni vinho-ha herotu, saco herotu tutakhatka.

1 Coríntios 11:25

Waneya waneko pixka rixlo copa stono, rali niklexinixkana. Wane htshina Jesus: “Twu copa stonha nunkakletleru waleni herotu nohraha piranni. Ptowru katako turiko copa stono wan-hixjetanu hita hipnale hichinijikolupa.”

2 Coríntios 3:6

Hiyrun-koxa Hoyakalu poyahotatshine rixkakwu herotu hkojiretlewleya. Xye hkojirexyawu hi Moisés yokanreru yonatkaluru ruchpajya seyni Hoyakalu Hiwejikaluru yokanre ruchpajya halikaka. Klu tshinanu Moisés hiykole yonatkaluru hipuktshi heneklewatatshrini seyni Hoyakalu Hiwejikaluru heneklewle hiwekkaklewata.

Hebreus 12:24

Jesus herotu runkakletlewaxya poyahokakatshri yehi hapokatshinhi. Hrahtshi hitslaptahjetkaluru hektuntshi hiknokawaka yehi hapokatshinhi. Seyni Abel-ni hipnale hapnute hixa wane yohnik-kihlewaka yehi hapokatshinetkahi.

Hebreus 7:22

Hiyáhoni Hoyakalu hinkaklexyalu tshinan-koxa, rimaxikowak-potupa Jesus-yma rawa Hoyakalu hinkajya piranwu himukatatshri potuko.

Hebreus 8:13

Hiyáhoni Hoyakalu herotu runkakletlewaxya pirana hkochtshekle tshinanu, wimatlu mitshikawlurutkani mitshikananu htshinyawu pirana. Hiyrun-koxa mitshikawluru htshinyawu pirana psotsonu hnikawnakastsitkani.

Hebreus 8:6

Seyni halikaka Jesus yoptotlu satu kamrurtshi sacerdote-ne kamhajekanatanru yohnik-hijhakaluru kamrurtshipa. Hiyrun-koxa Hoyakalu yine runkajya pirana Jesus-ya, wale hijhakalur-potni klu tshinanu Hoyakalu hinkajya piranwu, kochpakatshri pirana potukni.

Hebreus 9:15

Hiyáhoni wale tshinanu Cristo-ni herotu jihlepokoyehlewakleru. Hiyáhoni Hoyakalu tshanixlene pejnu rumukata yoptoletluna hyoptotanrupna hike rixiniko mnikawnakatupa pirana Hoyakalu hinkaklexyana pirana. Rumukata wan-hixletna klu tshinanu Jesus hipnale hichokakatkana yine pupjetatshine mitshikananu kojiretlu hwatshri hjihyehikanatjerna yehi.