Hebreus 8:7 - Bíblia

⁷ Klu tshinanu mitshikananu Hoyakalu hinkakletlewaxya pirana hike hma mahaxiknumka waneyamka hi rujhanutkalu hepi rixinri.

Hebreus 8:7 ပူးပေါင်းရင်းမြစ်များ

Gálatas 3:21

Moisés yonreru piranrahe xawaka kamnitlu Hoyakalu hinkakle pirana? Hike, hikeklu. Klu tshinanu rawkamka satu hiykolu hiweklu heneklewatatshri, waneyamka Moisés yonreru hima ruchpajikmaka yineru potukatatshri Hoyakalu hetanuya. Hikemka mahatanutka.

Hebreus 7:11

Tokantshi yonatkaluru israel-nerune towutatshri, sacerdote-ne Levi tshinkalune towre rutakanna. Hiyrun-koxa Levi tshinkalune Arão klopichanekananni. Seyni sacerdote-ne Levi tshinkalune kamrure hike hma mahaxiknumka waneya himka rujhakotka satu hixatshri sacerdote kamrurepa. Hi Arão hichpajikatshri towuwlu pixka rixa seyni Melquisedeque towuwle pixka rixa.

Hebreus 7:18

Hiyáhoni Moisés yonreru mitshikawluru hi towuwatatka, klu tshinanu hi kpixkonru wale.

Hebreus 8:6

Seyni halikaka Jesus yoptotlu satu kamrurtshi sacerdote-ne kamhajekanatanru yohnik-hijhakaluru kamrurtshipa. Hiyrun-koxa Hoyakalu yine runkajya pirana Jesus-ya, wale hijhakalur-potni klu tshinanu Hoyakalu hinkajya piranwu, kochpakatshri pirana potukni.