Hebreus 5:2 - Bíblia

² Xye pixkalutu sacerdote hihrokatshri koxni wale, hiyáhoni rumukata hetwamonretna mimatkane, hiyrunu pupjetatshine koxa.

Hebreus 5:2 ပူးပေါင်းရင်းမြစ်များ

Lucas 22:32

Seyni nanjihohneyehityi palixle hma mahaxyawakanupa. Pehchinikanuxinpatka pmixkowkakahchinikanutanna xako Hita tshinanu pmoletanune.

2 Coríntios 11:30

Numukata tokanuwnalexini, nuhrokle pirana hiphujetatshri tshinanu halikaka ntokanuwnanu.

2 Coríntios 12:5

Xye pirana nitokanuwnanu. Wan-hixatshri jeji pirana tsonu nitokanuwnanu seyni hitako nopirana hi nitokanuwnanu seyni nuhrokle pirana halikaka nitokanuwnanu.

Gálatas 4:13

Hixa hichiniklu mitshikananu nyeyixle, nuhrokmanre tshinanu nehinkakletkahi kihle piranalu potuko hiwekkaklewatatshri pirana.

Efésios 4:18

Halikakalutu tokantshi hi rimatjemna. Hi rawyana hiwejikaluru Hoyakalu henejyamkana klu tshinanu mimatjemkan-potukni hiyrun-koxa hchikohajiwatna.

1 Timóteo 1:13

Mitshikananu hektutu ntshinanwakjekanatlu Cristo. Nkamnijekanatlu ptowru pejnu hektutu nkamhanwakjekanatlu. Seyni Hoyakalu hiknokatkalu nektunu nma mimathetjekanatanutu. Wane nixjekanata malixkatu nixjekanaxiniwa.

Hebreus 12:13

Potuk-hapolu hyapanu, hma muwajyawakanupa seyni rutskalajikolupni halikaka myankatu.

Hebreus 2:17

Hiyahokni xye pirana tshinanu rujhalu ptowru himolene hixannu pixka rix-manexyawaka tsru sacerdote rixyawakapa. Wan-hixatshripnawaka jetwamonuklerni hiyrunu ptowru potuko kihle kamrureyalni Hoyakalu piranaya, yine hektunu ruknokkajinripa.

Hebreus 2:18

Hiyáhoni xawakni Jesus himukata hepixletna yohnitkalune klu tshinanu wale potuko hyohnitka hsalewnatka mitshi.

Hebreus 4:15

W-sacerdote-te, Tsru Sacerdote potuko himata hetwamonutwu wuhroklekaka tshinanu, klu tshinanu wale koxa yohnitkatka hixa yohnijexikolu pixka, seyni wale hikeklu hektuwatatka.

Hebreus 7:28

Tsru sacerdote-ne Moisés yonreru pirana hitakanune yine mpotukane rixapna. Seyni Hoyakalu hinkajya piranru, Moisés yonreru wkatanu, hnuretlu Whentshi tshinkaluru hike mmahaxikatu rixyawaka hike rixiniko mnikawnakatupni.

Hebreus 9:7

Seyni hepi rixinri hruko, tsru sacerdote tsonu jihlokjeta, pa katapka pa mhalkaka tshinanu tsonu. Nikalu hraha manikkatu tsru sacerdote hi jihloklu klu tshinanu rujhalu hrahtshi renekjexyawaka waleko hpupjere tshinanu hiyrun-koxa yine pupjere tshinanu.

Tiago 5:19

Cristo tshinanu nmoletanune, satu yineru halikakalutu tokantshi hpupjexini, waneya satu satkajinri,

1 Pedro 2:25

Klu tshinanu carneiro-ne pupjetatshine pixka wixakanata. Seyni xawakni carneiro hislahatshri pixkalutu, yineru hiwejinri towutatshriko nwaka wsatkakkatka.