Hebreus 2:3 - Bíblia

³ Hiyáhoni, ha hixamka, hanhe wixa hasuklexinri wapnokaxikolu, wmajnakowyehixiniplu xye hiweklu heneklewatatshri pirana kihler-potuko? Mitshikananhapka Tsru Hixikatshriwa Jesus potuko hinkakletlu xye hiweklu heneklewatatshri pirana. Waneya wane wkatanu wale pirana jematshine hekhitwu halikaka pirana rixyawakatka.

Hebreus 2:3 ပူးပေါင်းရင်းမြစ်များ

Mateus 23:33

Hixa himnu kamaklewatatshri pixka hixatshinhi, himnunerunhi. Hanhe hixa hasuklexinri salewaktshi nwaka hikolukanuwnayehixikolupa?

Mateus 4:17

Waneya wane pnute Jesus yinuwaka hinkaklewleta, wla htshinamta: — Hehchinikanutanu hektunu tshinanu klu tshinanu hi howukatkalu tenhohne pohirewaxyawaka!

Marcos 1:14

Waneya hkachitkoklunutka João, Jesus Galileia hya. Runkaklewata kihle piranalu potuko Hoyakalu pohirewaxyawaka pirana.

Lucas 1:2

Xyekaka pirana wunkakjene, reyinuwaklekananuko hetatshine hiyrun-koxa Hoyakalu tokanu jinkakletaklerunekananni.

Lucas 1:69

Hoyakalu henekatkawu satu hiwekkaklewatatshri, tsru pixkonurutu Tsru Hixikatshriwa Hoyakalu towreru Davi tshinkalurni klopichni.

Lucas 24:19

Waneya wale wan-tshinna: — Kluneru pirana? Waneya wanna wla tshinna: — Jesus-ni Nazaré poktshi hajerni pirana. Walenixkani jejni Hoyakalu tokanu hinkakletatshrini. Hiyrun-koxa ptowrunek-yine hetanuya kpixkonuru hkamrureya, htokanuy-koxa.

João 15:27

Hiyrunu hix-koxa hiphujtalewatanu klu tshinanu nehapoklekananuko hitaymalunekananhi.

Atos 1:22

João batiza-xinri Jesus hohnekananuko haté tenhohne ranikkoklunutka papko.

Atos 2:22

Waneya Pedro pnute hinkakna: — Jejine, israel-nerune, hyijnakotanru xako xye tokantshi: Hixa himatlu xye jeji Jesus Nazaré hajeru, Hoyakalu nurreru rixyawaka. Xye rekhitatkahi Hoyakalu ruyakolekakayma, tsrukaka himyekaklewatatshriyma, Jesus kamhaleru hixa tskalaya.

Atos 4:12

Hiyáhoni Jesus tsonu hiwekkaklewata klu tshinanu tshiji psoluko hikeni satu hiwaktshi yine tskalaya yine hiwekkakatshri.

Romanos 11:14

Hiyáhoni pa katako numukata het-sotankakletanna nomolene, nonerune. Hiyáhoni pa katako Hoyakalu satkaka wanna hiwekkakanu nkamrure tshinanu.

Romanos 2:3

Ha pixa, yineryi, rukolukanuwnana ptshinanwakatnahe xyekaka kamhatshine seyni waneko pixkalutu pkamhajeta. Pkahwakluhe pasujyalu Hoyakalu hapnokatlewle?

1 Coríntios 1:21

Hoyakalu rimatkalnu tshinanu hi ritshitna yine Hoyakalu rimatyehixyawakna yine rimatkalnu tshinanna. Seyni Hoyakalu hikchikahchinikanuxnawa riwekkajyawakapna hiwekkaklewatatshri pirana halixatshine. Pimrine mahchinikannutshi pirana rikahwakluna hiwekkaklewatatshri pirana.

1 Tessalonicenses 5:3

Waneya wla htshinannina yinepni: “Kihle hwalerunetkawu, kihle pokolunetkawu,” waneklukawa mkahwakakanatkotu tsru nikawnalu rixkonna. Matuwhenpiratatshro tshinowle pixka rixa hapokletanu, hi satukna hasukanu.

1 Timóteo 1:15

Xye ntshinreru halikakni hiyáhoni rujhalu ralixkoxikowaka psolu hchinikanuymako: Cristo Jesus xye tshijne hinpatka hektune riwekkajyawakapa. Hiyrunu wanna ptowruneka hektune pnuterutno hita.

Tito 2:11

Klu tshinanu Hoyakalu hekhitlu repixle, hiweklu heneklewatatshri, rawamka ptowru yineru tshinanumka.

Hebreus 1:1

Mitshikawa Hoyakalu hixo kata hiynumatnina judeu hitsrukatenni hiyrun-koxa kakoje hiphujewnale rixa hiynumsaletnina judeu hitsrukatenni Hoyakalu tokanu hinkakletatshinniya.

Hebreus 1:14

Hi he wanna ptowruneka hiwejikalunetkani, Hoyakalu towrenni, hyokananrenni repixyawakapna hiweklu heneklewatatshri pirana halixatshinepa? Hehe.

Hebreus 1:2

Seyni xawakni xye hohnekakatka riynumsatwu Hiwhene tshinanuya. Hiyrun-koxa Hiwhene himukatle tshinanu tshiji hiyrunu tenhohne hajerkaka hkamha Hoyakalu. Hiwhene honukla rutaka ptowru potuka ruru himwaleru yoptotatshripa rixyawaka.

Hebreus 12:25

Hiyáhoni xawakni hislahinwa hmuknojyawakanuplu yanumatatshri tokanu. Klu tshinanu xye tshijne hajene hijretatshine tokanu hiknokatshine hi rasujyatkaluna rapnokaxikolna, ha wane yohnik-potu wixko hixa, tenhohne hajeru hijretlewle wkatjixini.

Hebreus 4:1

Hoyakalu hinkajya piranwu, hapnanuxikowaka wale nwaka hjihlokajyawakapwu pirana tshinanu, xako hi hpika hwaletanru ptowru potuko Hoyakalu hinkajya piranwu.

Hebreus 4:11

Hiyáhoni wmixkowatanu xako wjihlojyawakaplu xye hapnanuxikowaka. Xako hi wmalixanutupni Hoyakalu, israel-nerune mitshi malixyawakanru pixka, hiyáhoni rimaletkatkana hma jihlojyawakanupluna hapnanuxikowaka.

Hebreus 5:9

Hike mahaxikatshrini Jesus, hiyáhoni ptowru yineru hyijnakotjene riwekkakjerna hike rixiniko mnikawnakanepa hpoyaho hixletatkana.

Hebreus 9:28

Hiyáhoni wan-rixa Cristo. Pa katapka renejnawa hixolune yine hektunu hkonyawakapa. Hiyrun-koxa hepi kata rixinri runanu ruphujewnayehixyawakapna yine ptowruneka, hkahwakpotutjene hetanuya. Waneklupa hi hektuntshi hkonyawakapa tshinanu runanu seyni riwekkajyawakapna yine tshinanni.

1 João 1:1

Tokantshi hiweklu heneklewatatshri wyonanwakathi, xye tshijne yinuwajinikananuko hwatshri pirana. Xye tokantshi wyijnakotatka hiyrunu wetlu wiyhaleya. Wi potuko wexyalu, wutyaklu wimyoya.

Judas 1:17

Seyni hixa nuchinikanune, hichiniktokanutanru Wutsrukate Jesus Cristo nurrene tokanu, tokantshi mitshikananu runkakletlerna.

Apocalipse 7:10

Waneya hipokananu hsaplewamtna. Wla htshin-sapletna: — Pixa Woyakalutyi, pohirtshi tuplawakle tuplatatshriyi, wiwekkakjeryi pixa hiyrun-koxa Carneiro Whene tshinkaluryi.