Hebreus 2:2 - Bíblia

² Poyehitkalurupni hiwejikalune Hoyakalu towrene tenhohne hajene tokanu halikaka pirana rixyawakatka. Hiyrun-koxa ptowru neruka pejnu wanna tokanu malixkane, tokantshi momkahitkane pejnu rapnokatkana rujhalna tshinanu.

Hebreus 2:2 ပူးပေါင်းရင်းမြစ်များ

Atos 7:53

Hixmaka yoptotlu yonruru pirana hiwejikalune Hoyakalu towrene tenhohne hichpajikatshineya seyni hixa majnakowaxyalu.

Gálatas 3:19

Hiyáhoni kluneru tshinanhe Moisés yonreru hitakka? Rutakka rimathexikowakapa hanu rixa hektuntshi. Moisés yonreru towutlewatanu haté rapokpotuxinipa Abraão klopicha hinkakletkaluru. Moisés yonreru henekka hiwejikalune Hoyakalu towrene tenhohne hajeneya. Satu jeji papohchinikanutkolumyo rutakka.

Hebreus 1:1

Mitshikawa Hoyakalu hixo kata hiynumatnina judeu hitsrukatenni hiyrun-koxa kakoje hiphujewnale rixa hiynumsaletnina judeu hitsrukatenni Hoyakalu tokanu hinkakletatshinniya.

Hebreus 10:28

Moisés yonreru majnakowaxikatshri hiylatko, hike hetwamonutanru, hepi ho mapa ruphujtatjene tshinanu.

Hebreus 10:35

Hiyáhoni xawakni hi hiknokanru xye hmunanhaleru klu tshinanu wale tshinanu waneyaphi tsru himlujikolu.

Hebreus 11:26

Cristo heyijikolu pixkalutu rukchikhihlenuta Moisés ptowru pohirewlu Egito tshijne hwatshri pnute. Wan-rixahchinikanuta Moisés klu tshinanu rapnutepa Hoyakalu henejyaplu hijhakalur-potu rikahwaka.

Hebreus 11:6

Klu tshinanu halixlu minjeyma hike himukata poyikotletlu Hoyakalu. Seyni katukta haluka yanwakletlu Hoyakalu raluk-halixletlu rawa Hoyakalu. Hiyrun-koxa Hoyakalu hijhatshine hkahwakan-koxluna renejikolna heneklewatatshri Hoyakalu.

Hebreus 12:25

Hiyáhoni xawakni hislahinwa hmuknojyawakanuplu yanumatatshri tokanu. Klu tshinanu xye tshijne hajene hijretatshine tokanu hiknokatshine hi rasujyatkaluna rapnokaxikolna, ha wane yohnik-potu wixko hixa, tenhohne hajeru hijretlewle wkatjixini.

2 Pedro 1:19

Xye wunkakle hiphujetkaluru hapokatshripa potu. Hiyáhoni halukalur-potni kajnakolune hixyawakapa. Katalu mapchahawaka nikotatshri pixkalutni wunkakle wuphujetjereru hoyetshnoko pchini. Hohi sahi pixkalutu nikothajithi haté rumrerejinpotuko.

Judas 1:5

Hiyáhoni xawakni satu pirana nuchinikapkakanhi yahmaklu mitshikawako himatatkalu. Hoyakalu mitshi Egito tshijne riwekkajyatkana yine seyni wane pnutetka ruylatatkana wannani malixkanni.