Hebreus 13:9 - Bíblia

⁹ Hi pupjekakkalunephi ptowru hasruklewlu pejnu wma masrujyahi tshinanu. Halikakni hixa kihleylu wihchinikanu mixkoxikowaka ptowru hihlentshi Hoyakalu henekachaleyma. Hi hkahwakpiratanru nikkalurkaka hiykoyehitkaluru klu tshinanu hi repixna yine xyekaka pirana homkahitatshine.

Hebreus 13:9 ပူးပေါင်းရင်းမြစ်များ

Mateus 24:24

Klu tshinanu hixolune Messias minjene hiyrun-koxa Hoyakalu tokanu hinkakletatshine minjene hakanhanu hiyakolukaka hiyrunu himyekaklewatatshri kamhatshine hyokwijexyawakapna yine. Rumukatkamka haté Hoyakalu nurrene hyokwijetanu.

Mateus 24:4

Waneya Jesus hihitna, wla htshina: — Xakoka hike yokwijetanhi.

Lucas 5:38

Seyni vinho-ha herotu, saco herotu tutakhatka.

Atos 20:30

Hiyrun-koxa satkaka hixako hepire weyawatanu waneya halikakalutu pixkalutu tokantshi htshinna seyni hi halikakni waneya pimrinepni hyapretakanna romkahlewaxyawakanapna.

Atos 20:32

Waneya xawakni Hoyakalu hislahlewle hiyrun-koxa Hoyakalu hihlenu hixa tshinanu pirana hislahlewle nutakanhi. Walekni himukata mixkowkaklethi htseruwahchinikanuxyawaka hiyrun-koxa renekanhi hyoptotanrupa Hoyakaluya ptowru yine potukaluneyma.

Romanos 14:17

Klu tshinanu Hoyakalu pohirewaxyawaka hi niktshi ho hirkaluru tshinanni seyni halikaka kihlerukni, hapnanuhchinikanruni hiyrunu poyikowluni Hoyakalu Hiwejikaluru heneklewleni.

Romanos 14:2

Satuko yineru ralixle tshinanu ptowru potuko hnika. Seyni satuko hihroka halixletatshri kasureru tsonu hnika.

Romanos 14:6

Hiyáhoni katukta kahwakpiratlu satu hixatshri hohne Hoyakalu tshinanu wan-rixa. Hiyrunu katukta nika, Hoyakalu tshinanu hnika, klu tshinanu hpoyahnutlu Hoyakalu hnijitu tshinanu. Hiyrunu katukta hi ptowruka nika Hoyakalu tshinanu wan-rixa klu tshinanu Hoyakalu hpoyahnuta.

1 Coríntios 6:13

Satukotnaka wan-tshinanu: “Nikkaluru nosatu tshinanupa hiyrun-koxa sattshi tshinanu rawa nikkaluru.” Wanemka seyni Hoyakalu pa hohne nikatanru nosatu hiyrun-koxa nikkaluru. Wimane hi hapoklewlu tshinanni seyni wimane Hoyakalu yokanrerupni. Tsru Hixikatshriwa Hoyakalu wimane hyapa wale halukanru hkamhiywakapa.

1 Coríntios 8:8

Halikaka hi nikkaluru tshinanu wkayehiklu Hoyakalu. Wnijini ho wma nikkanuklunu psokakluni. Hi hkaykakanwu hiyrunu hi ramtakkakanwu.

2 Coríntios 1:21

Klu tshinanu Cristo tshinanu wpoyehitahchinikanutjeru waleni Hoyakalu. Hixayma hpoyehitahchinikankakwu hiyrun-koxa hkotspalatwu walenuko wixyawakapa.

Gálatas 6:1

Cristo tshinanu nmoletanune, satu yineru pupjexini, hixa Hoyakalu Hiwejikaluru munanhatshinhi hepixanru wan-hixatshri, pupjetatshri ruhlewaxyawakapa. Hi heyikanru wan-hixatshri. Hix-nanuko hexinwa, hma yohnixikowakanupa wane pixka hma mixyawakanupa.

Efésios 4:14

Hiyáhoni hi mturune pixka wixanu walixinpatkalu Hoyakalu pirana. Mtser-halixlene ruwchiwchikak-honuka hiyrunu pnuko hanikkalunetkani hihchinikanuyna weytshi hasruklewatatshineya. Nyi yokwirewlu hasruklewatatshine walekni hitseklu pixkalutu mtser-halixlene hpupjehapokajyawakapna.

Efésios 5:6

Xako hike yineru yokwijetanhi tokantshi mal-himaluya. Klu tshinanu xyekaka ntshinakanatanru kamhatshine Hoyakalu hapnokatanna wanna hektuwaka kamhatshine.

Colossenses 2:4

Waneya wla ntshinanhi: Hi hitshitanna yine hyokwixyawakaphi kihleru tokantshiyma.

2 Tessalonicenses 2:17

kihle hchinikanurunephi. Wan-hixatshinephi poyehi hchinikanurunephi ptowru kamrurtshi kihleru hiyrunu ptowru tokantshi kihleruya.

2 Tessalonicenses 2:2

Ho satu hiwejikaluru tokanu hix-yehi hapojinipa ho satu hinkaklewlu ho satu yonawahlo hix-yehi hapojinipa, Cristo hapojinri hohne hapokatka tshinatshri hi himyekahchinikanutanu, hi hkojwakahchinikanutanu yáholu hixa yonre htshinko.

1 Timóteo 6:20

Timóteo, puslahinwa pmunanhikoluya. Pkotspalaxinwa hektut-pirana hipiranachakaka tshinikoluya. Hiyrun-koxa yanumsalkaka hike mkochpakkatu pirana, himatkaltshi pirana htshinka seyni hike pkotspalaxinwa.

1 João 4:1

Nuchinikanune, hi ptowru hiwejikaluru tshinikatshriwa halixanu seyni hyahothapkatanru himathexyawakaplu ho Hoyakaluymalutlahe ho hike. Klu tshinanu hixo Hoyakalu pirana hinkakletatshinemka xye tshijne hakanhiyatka.

Judas 1:12

Hapatje niklexini hichiniklewlu tshinanu seyni nyi jejine himtuka hapatjejrethi. Hpoyikowatna hma patnuymana, wanna nanwaka tsonu hijha nijituxnawa tsru niklu yehiya. Hohimkohi minnewapiratkatuko, ptowru sretako kanniphalu hanikachaleru pixkalunni wanna. Hahmuna hitshipnatshritka, hisahi klu papko msahiwatkatutka pixkalunni. Hepi kata hipnatshine, hahmunni hitskihi potuko hoplijikaluru pixkalunni.

Judas 1:3

Nuchinikanune, nuchinikanrexinixkalu mitshi nyonanwakaxyawakaphi nasrujyawakaphi hiwejikaluru pirana ptowru yineru tshinanupa, netlu hijhakalur-koxni nyonanwakaxyawakaphi ntowuxyahi jmerpotuphi halixlu hasrujikolu pirana hislahpotutanu. Xye halixlu Hoyakalu pa katapka henekna hinerune, ralixjene.