Hebreus 13:3 - Bíblia

³ Hichinikanna kachitkalune. Wannayma kachitkalune pixka hixahoxinwa. Hichinikanna salewnatshine klu tshinanu hix-koxa honra kamanerunhi.

Hebreus 13:3 ပူးပေါင်းရင်းမြစ်များ

Gênesis 40:23

Seyni hirkaluru jetumhaklerune chefe-te hi hichinikanretatkalu José seyni ruherukatkalu.

Mateus 25:36

Mamkatno nixinixka, hmakatno. Nyeyixakanaxinixka, hixa hinotno hiyrun-koxa preso nwaka nwakanaxinixka, hixa hapkapyehitatkano.”

Mateus 25:43

Hma metjejetanutno hi hyoptota hiyrunu mamkatu nixiniklunu hi hmakatno. Nyeyixiniklunu ho preso nwaka nwiniklunu hixa hi hapkapyehitno.

Atos 24:23

Waneya Félix satu soldado-ne pohire towuta Paulo rinoxyawaka seyni hi rostujixpotutatkalu haté rimatletlene himukata hanikanwakletlu hmahaxinri.

Atos 27:3

Wale prikatkani Sidom yopjewakle wapokatka. Júlio hihle hislahletlu Paulo hiyáhoni ritshitlu Paulo retapyawakapna rimatletlene hmahaxinri hyoptoxyawakapa.

Romanos 12:15

Himuwatanu himuwatatshriyma. Hwamonuwatanu tshiyahatatshineyma.

1 Coríntios 12:26

Satupka wimane psojite salewninipa, ptowruko wimane psojitkaka waleyma salewnanu. Satu wimane psojite himalwutkoklunu ptowruko wimane psojitkaka waleyma rumuwatatkana.

Efésios 4:1

Wale tshinanu, hita Paulo-no, kachitkalurno klu tshinanu Nutsrukate Jesus Cristo nomkahita, nanjithi hiwekan-xako Hoyakalu halujyawak-potuko homkahitanu htshanixikowaka.

Colossenses 4:18

Hitni Paulo-no halikhi. Hitako yonatlo twu. Hi hamtakanno hostutkalurutkano. Nanjitlu Hoyakalu, Hoyakalu hihlenu henekachaleymapyi.

Hebreus 10:34

Waneklu papko hixa hijha hepixlejekanatna kachitkalune. Hi htshipexyana hejnunkate seyni hsaletjekanatlu tsru poyikonutshiyma, klu tshinanu himathetlu jejnunkathi yohnikalutu mimat-nikawnakatu tenhohneya.

Hebreus 11:37

Pimrineko sotlujetka, pimrinniko hanikaji mane serra-xikana hepi tshraji ruchpajyanatkana, pimrinniko yohlolewapiyma hiylatkana. Rawkoxna yanachalune carneiro-mta ho bode-mta tsonu hmakatna. Hike mwikanni, salewnatshinni, saletkalunni.

1 Pedro 3:8

Hiyáhoni xawakni ptowrunekhi pa hchinikanurunephi. Hetwamonkakanu. Hichinikkakanu moletkakatshine pixka. Kchinikanurunephi. Himatletkakatshinephi, mayohonephi.