Hebreus 12:3 - Bíblia

³ Hichinikanretanru hi pa salewaktshikananu hyoptota Jesus hiyrunu hi pa hahkalukananu rixluna malixkane seyni rakotlu. Hiyáhoni hix-koxa hi kaheknanuwatanu hi hma mernuwatanu.

Hebreus 12:3 ပူးပေါင်းရင်းမြစ်များ

Mateus 11:19

Runa Jeji Whene tshinkaluru. Hnika, rura. Seyni hixa wan-tshina: “Haha hetanu, xye jeji tsru nikalu, vinho-ha jirakleru. Jijhawenruklerune hiyrun-koxa hektune rimatleta.” Hiyáhoni yine hetanru Hoyakalu himatkalewle potukalu rixyawaka, Hoyakalu himatkalewle himwatshri kamrure tshinanu.

Mateus 12:24

Seyni fariseu-ne wale hjeminna wane htshinna: — Kamtshi pohire Belzebu tshinkaluru himukatleyma tshinanu hetko maleka ruknokna kamtshine.

Mateus 15:2

— Haklu tshinanhe pasruklene majnakowaxyalu tsrunni hasruklewle pirana? Klu tshinanu merojikanekwa nika!

Mateus 21:23

Waneya pa hohne Jesus Hoyakalupji jihloka, waneya yine rasrukakanatka pchinika, tsru hixikatshinwa sacerdote-ne, hiyrun-koxa tsrukakalune judeu-ne hapokanwakatlu. Waneya repomhaluna: — Punkakanwu hanhe ruchpajya ptowutjeru xyekaka pkamhiywaka? Kathe henekyi xye tsru hitakkaluru?

Mateus 21:46

Raluka kachretmakluna Jesus seyni hpikna yine klu tshinanu hkahwakluna Hoyakalu tokanu hinkakletatshri rixyawaka.

Mateus 22:15

Waneya fariseu-ne hapatjeta, rujhahchinikanutna hanhe rumukata kachretluna Jesus htokanu tshinanu.

Lucas 14:1

Waneya satu hapnanuxikalur-hohnetnaka Jesus jihloklu fariseu-ne-pji fariseu-ne kosekatshripji wane hnijyawakapa. Ruslahluna Jesus klu hkamhanu.

Lucas 15:2

Waneya fariseu-ne hiyrun-koxa kasruklewaklerune hinanchitkaluru pirana hasruklewatatshine jiheklu Jesus. Wla htshinanwakatluna: — Xye jeji hiyanna hektutu kamhatshine. Hiyrun-koxa wannayma hnika.

Lucas 16:14

Seyni fariseu-ne xye pirana jematshine heyiklu Jesus klu tshinanu ramotlona tiyiro.

Lucas 2:34

Waneya Simeão hihlehchinikanutatkana, waneya wane htshinro Jesus hinro: — Xye mturu Hoyakalu nurrerni, ramtakkajyawakanapna hixolunepni hiyrunu riwekkajyawakna hixolune israel-nerune. Xye mturu Hoyakalu hekhirewleni seyni hixolune yine hapatanru.

Lucas 5:21

Waneya fariseu-ne hiyrun-koxa kasruklewaklerune hinanchitkaluru pirana hasruklewatatshine yinuwaka hijhahchinikanretna waneya wla htshinatkana: — Katnihe xye jeji hektuwaka htshinanwakatlu Hoyakalu? Katu tsonhe himukata hiknokhektunutlu yineru? Satupkalu Hoyakalu tsonu.

João 10:20

Waneya yine hixolune wla tshinanwakatlu Jesus: — Wale hetko kkamtshiterni, mahchinikanutni wale. Ha, klu tshinanhe hyijnakjetokanutlu xye?

João 18:22

Seyni wane htshininixka satu soldado Jesus-stsi hwatshri himpakhojitlu Jesus. Waneya soldado wla tshinru Jesus: — Wanerhe ptshin-hihretlu tsru sacerdote?

João 5:16

Hiyáhoni tsrukakalune judeu-ne yinuwaka kamniretlu Jesus, hiyrunu wannamka haluk-hiylaletlu klu tshinanu xyekaka hkamha hapnanuxikalur-hohneya.

João 7:12

Tsru hihjekaklu hkamhana yine hixolune Jesus tshinanu. Satkaka wla tshina: — Kihlerni wale. Seyni pimrine wla tshina: — Hike, wale halikaka yokwijetna yine.

João 8:13

Hiyáhoni fariseu-ne wla tshinru: — Pix-nanuko hiphujtaxnawakwa tshinanu hi kmixkonru ptshinyawaka.

João 8:52

Waneya judeu-ne wla tshinru: — Ha, xawakni wimatyi kkamtshityi halikaka. Abraão-ni hipnana hiyrunu Hoyakalu tokanu hinkakletatshine mitshikawlunni hipnana. Seyni pixa wan-tshina katukta homkahpotutlu ptokanu, hipuktshi hikeklu kachitanru wan-hixatshri, ptshina.

João 8:59

Waneya sotluji hkochtshekna hsotlujexyawakapmakluna seyni hi retkatka Jesus. Hoyakalupji ruchpajya.

João 9:40

Waneya satkaka fariseu-ne Jesus-stsi hwakanatatshine jemlu xye tokantshi waneya repomhaluna: — Hix-koxlahe mayhalenwu?

1 Coríntios 15:58

Hiyáhoni Cristo tshinanu nmoletanune, poyehi halixlephi. Hi hituk-homkahrekamruretanru Tsru Hixikatshriwa Hoyakalu halujyawaka. Klu tshinanu himatanu Tsru Hixikatshriwa Hoyakalu halukleru kamhatshri hi hmahijerutanu.

2 Coríntios 4:1

Hiyáhoni hi wuhroka klu tshinanu Hoyakalu ruchinijyawaka tshinanwu xye kamrurtshi renekwu.

2 Coríntios 4:16

Hiyáhoni hi wuhroka halixletanu. Yáholu wimane himat-nikawna seyni hixa hitokote hwatshri rerotetka ptowru hohnekananuko.

Gálatas 6:9

Hi wamanutanu kihleru wkamhiywaka. Klu tshinanu wma muchotkanuklunuplu wkamhanru, rapokpapkoluxinipa kihleru wamanu.

2 Tessalonicenses 3:13

Seyni hixa wmoletanune Cristo tshinanu hi hamanu kamhaletanru kihleru.

Hebreus 12:2

Jesus yehi potuko yihatatshinepwu klu tshinanu Jesus walixle yinuwakatshrini hiyrunu walixle poyahokakatshrini. Poyikpotuklu Jesus hinamtatshripa tshinanu. Cruz rupniywakapa rakotachata. Hektuwaka htshinanwakaxikolu reyikachata. Xawakni htuplatatka. Hoyakalu hetamayxaklerewatatshri tuplaxyawaka potukle sreta htuplatatka.

Hebreus 12:5

Hiyáhola hamtakatkalu hijrexikolu pirana whentshine hijrexikolu pixkalutu wla tshinatshri: “Noturu, hi peyikanru Tsru Hixikatshriwa salexyayi hiyrun-koxa hi puhrokahchinikanutanu retjexya tshinanyi.

Hebreus 3:1

Hiyáhoni Cristo tshinanu nmoletanune, hix-koxa Hoyakalu nurrenhi, homkahpotutanru Jesus, Nuretkalurni wale hiyrunu Tsru Sacerdote potni wale halixlu pirana wuphujetjereru.

1 Pedro 2:23

Hektutu htshinatkaluna seyni hi ruhitatka. Hsalewninimkatka seyni hi rujha hapnuretna. Seyni halikaka Hoyakalu, hetamayxaklerewatatshri potukalu hmunanhatka.

Apocalipse 2:3

Kahwakaklerunhi, ptowru salewaktshi hakotatshinhi. Nhiwaka himalwuxikolu tshinanu hkamrurewata hiyrunu hi hihrokatka.