Hebreus 10:5 - Bíblia

⁵ Hiyáhoni Cristo hapojiniklunutkalu xye tshijne wla htshinanwakatlu Hoyakalu: “Henekachlu hiylaxikolu hiyrunu henekachlukaka hi pujha pixa. Seyni satu mantshi palpokohnaputno.

Hebreus 10:5 ပူးပေါင်းရင်းမြစ်များ

Gênesis 3:15

Himnu, xawakni pkamnitjeropni suxo, pixa koxa hahkanro wala. Hiyrun-koxa himnu piklopichane hahkanro wala hiyrun-koxa suxo klopichaneyma hkamnikakanna, suxo whene hiylajiwutanunyi seyni pixa hachkastsihjixitanru.

Mateus 11:3

repomhiywakapluna, wla htshin-hepomhaletluna: — Pixakatkalhe hinatshripyi tshinkaluryi ho satuklatshi wkahwakanu?

Lucas 1:35

Seyni hiwejikaluru Hoyakalu towreru tenhohne hajeru wan-tshinro: — Hoyakalu Hiwejikaluru pix-hohwaka rapokanu. Hiyrun-koxa Hoyakalu Ptowru Potuka Himukatatshri himukatle pix-hitokote hwanu. Wale tshinanu mturu pkaylerupa Hoyakalu nurrerni. Hoyakalu whene htshinko.

Lucas 7:19

Hyokanatna Tsru Hixikatshriwa Jesus nwaka repomhiywakapluna: “Pixakatkalhe hinatshripyi tshinkaluryi ho satuklatshi wkahwakanu?”

João 1:14

Tokantshi manewata. Hiyrun-koxa hixa tskala rawakanatatka. Wetlu royaknu. Hoyakalu hoyaknu pixka rixatka Hoyakalu whene satupkalutu. Hpoyahokakatkalu ptowru potuka Hoyakalu hihlenu hiyrunu halikakalutu pirana hpoyahokakatka.

Gálatas 4:4

Rapokhohnepotuxinixka Hoyakalu yokanatlu hituru, suxo hmatuxyatka Moisés yonreru homkahitatshrotkani.

1 Timóteo 3:16

Tsru mimat-hinkakletkotu waleni potuknutshi hchinikanu piranni klu tshinanu: “Jesus hiphujewna yineru mane rixnawa seyni riwejinriya potukalni. Hiwejikalune Hoyakalu towrene tenhohne hajene hetatkalu. Ruphujtatka psol-tshijneya. Xye tshijne halixlerni. Ranikka tenhohne.”

Hebreus 1:6

Hoyakalu mitshi xye tshijne yokanaxinri hiwhene mitshikananu wla htshina: “Ptowruneka hiwejikalune Hoyakalu towrene tenhohne hajene himalwutanru.”

Hebreus 10:10

Jesus Cristo, Hoyakalu halujyawaka hkamhiywaka tshinanu, hpowratwu hixa ptowruka wektunuya renekachale tshinanu. Pa katapka renekmanexnawa ptowru papkoko himukatatshripni.

Hebreus 10:7

Waneya wla ntshinatka: — Ha, Hoyakalu, hewino hita. Nuna palujyawaka nkamhiywakapa Moisés papel-te steno nyonpiranyehixika ptowru pirana potuka nkamhiywakapa.”

Hebreus 10:8

Mitshikananhapka wla htshina: “Hi paluklu hiyrunu hi hpoyikotyi henekachlukaka hiylatkaluru hi hejnune henekachalkaka poyikotyi hi henekachlu yoxikkaluruko poyikotyi hi henekachlukaka hektuntshi wenrumkako poyikotyi.” Wale wan-tshinru xye pirana yáholu xyekaka henekachalkaka renekjetmakna Moisés yonreru tshinyawaka pixka.

Hebreus 2:14

Whentshine hkochtsheklene, wannakni yine kahiturune, kahrahalune. Hiyáhoni Jesus koxa wanna pixka rixnatkawa rumukata kahituru, kahrahalu pixka hixleta. Wan-rixa tsru kamtshi Satanás, hipuktshi heneklewatatshri himukatle hnikaxyawakapa rupnale tshinanu.

Hebreus 5:7

Jesus xye tshijne rawakanaxini, tsru saplewlu hiyrunu tshiyahluyma ranjihohneta hiyrunu ranjitlu Hoyakalu hipuktshi hma kayaxyawakanumkapa. Hoyakalumka yijnakotlu klu tshinanu Jesus kahwakpirurumkani, ptowutkolmakni.

Hebreus 8:3

Klu tshinanu ptowru tsru sacerdote hitakka henekachalkaka hiyrunu niktshi hiylatkalurkaka renekjexyawaka. Hiyáhoni hijhakalurni xye W-sacerdote-te Tsru Potuko himukatatshri rixyawaka henekachalu pirana tshinan-koxa.

1 Pedro 2:24

Cristo, waleko himaneya hahmuna skita hoho ranikhektunutwu. Hipnatshine pixka wixyawakapa hektuntshi tshinanu seyni halikaka wiwekanu kihleru wkamhiywakapa. Wuhletkatka Cristo kotshipjexikolu tshinanuya.

2 João 1:7

Klu tshinanu hixo yokwijrewpiratatshine xye tshijne hiphujewniyatka. Hi ruphujetluna Jesus Cristo kahituru potuko rixa hapoklexyawakatkalu xye tshijne. Wan-hixatshri yokwijrewpiratatshrini hiyrunu Cristo kamnitjerni.