Hebreus 1:9 - Bíblia

⁹ Pamotjetlu hixannutshi potukalu seyni pahnanutlu hektuntshi. Wale tshinanukni Hoyakalu, Poyakalute, nuretyi hiyrunu renekyi poyikowlu pyoptoxyawaka pimwalene yohnika, nhihtshiha ruyokjiwreryi Hoyakalu.”

Hebreus 1:9 ပူးပေါင်းရင်းမြစ်များ

Lucas 4:18

“Hita rawa Hoyakalu Hiwejikaluru. Hnuretno nunkaklexyawakaplu Kihle piranalu potuko hiwekkaklewatatshri pirana hike mwikane yehiya Runkaklewjixno ruchoxikowakapna yine pirana kachitkalune tshinanu hiyrun-koxa himrekhale pirana nunkajyawakna mayhalene, ruchotkona salewnatshine,

João 1:41

André yahapkata himole potuko Simão tshinkaluru nwaka. Waneya wla htshinatkalu: — Wukchikatkalu Messias. (Yokakkalurutka waleni Cristo.)

João 10:17

Wale tshinanu Nuru Hoyakalu hamotno. Klu tshinanu niwekle namtaka numukata kochtshekletatnaklu niwekle.

João 20:17

Waneya Jesus wan-tshinro: — Hi pkachitanno klu tshinanu Nuru yehi hi nyawa. Seyni nomolene yehi pyanu, punkakanna: “Teno nyanu Nuru yehi hiyrunu hixa Hiru yehi, Noyakalute yehi hiyrunu hixa Hoyakalute yehi nyanu.”

João 3:34

Hoyakalu yokanatanru, Hoyakalu tokanu runkakletjeta. Klu tshinanu Hoyakalu hi psotsonujiji Hiwejikaluru reneklu seyni Hiwejikaluru psoluka reneklu.

Atos 10:38

Hiyrun-koxa hixa himatlu Jesus Nazaré hajeru pirana. Hoyakalu hipkakhohotlu Jesus Hoyakalu Hiwejikaluru hiyrunu tsru pixkonu reneklu Jesus. Waneya Jesus ptowru sretako hyapakananumta. Kihleru hkamhakananumta Jesus. Rutskalakna ptowruneka tsru kamtshi himwakanatatshine klu tshinanu Jesus-ymalu Hoyakalu.

Atos 4:26

Ptowru tshiji hajene phurune hiyrun-koxa tsrukakalune hapatjetna pa hchinikanurune hkamnixyawakluna Tsru Hixikatshriwa Jesus, Hoyakalu nurreru.”

Atos 4:27

Klu tshinanu halikaka phuru Herodes hiyrun-koxa Pôncio Pilatos hapatjeta xye poktshiya, judeu-neyma hiyrun-koxa pimri tshijnekaka hkamnixyawakluna Jesus, pnurreru potukalu.

Romanos 12:9

Hamotlewatanu halikak-potuko. Muhlentshi hahnanutanu seyni homkahitanru kihle hixatshri.

Romanos 15:13

Nanjitlu Hoyakalu wkahwakleru hpoyikowkajyawakwu wajiya, wapnanuhchinikanuxyawaka walixle tshinanu. Waneya hixa kahwakachale pnute hya tseruwnaleta Hoyakalu Hiwejikaluru pixkonu tshinanu.

1 Coríntios 1:9

Hoyakalu hi weyawata. Htshanixatkahi hituru Jesus Cristo Wutsrukateymalunhi hixyawakapa.

2 Coríntios 11:31

Wutsrukate Jesus Cristo Hoyakalute ptowru hohneruka himalwutkaluru hikeklu hohne mnikawnakatupa himatlu hi nweyawata.

Gálatas 5:22

Seyni Hoyakalu Hiwejikaluru kamrurni hixkakluko hamotkajyawaka, wumuwaxyawaka, hwachalu, ptowru potuko wakoxyawaka, kchinikanurune wixyawaka, pimrine wuchinikanrexyawaka, walixyawaklu,

Efésios 1:3

Himalwutkalurni Wutsrukate Jesus Cristo Hoyakalute, himalwutkalurni Wutsrukate Jesus Cristo Hiru. Hoyakalu honra ptowru hixatshri kihleru wiwejinri tshinanupa tenhohne hwatshri heneklewatatshri, hixa Cristo-ymalunwu tshinanu.

Filipenses 2:9

Hiyáhoni xye tshinanu Hoyakalu tsru potu rutaklu. Hiyrun-koxa renekhiwakatlu ptowru potuko hhiwaka tsrurutka.

Hebreus 2:11

Klu tshinanu yine hektunu powratatshrini hiyrun-koxa hpowratanune walerutu rurutna. Hiyáhoni Jesus hi ripatewatna himolene htshinrene.

Hebreus 2:9

Seyni wetlu Jesus pchini hohnejiji tshinanu tsonu hiwejikalune Hoyakalu towrene tenhohne hajene kayahoko rutakka, rupniywakapa Jesus ptowru yineru kachrijru, Hoyakalu hekhitlu ruhlenu hixa tshinanu. Hiyáhoni xawakni wetlu Jesus tsru pohirtshi renejikowaka hiyrun-koxa kahwakpirlu hipuktshi hsalexikolu tshinanu.

Hebreus 7:26

Wale tshinanu Jesus-kni W-sacerdote-te Tsru Potuko, wujhaleru potuko! Potukal-potukni wale hike mmahaxikatni, powralu. Hiyrun-koxa hektune yehi kotspalaxikalurni wale, tenhohne ten-potu hajerni wale.

1 Pedro 1:3

Wpoyahnutanru Wutsrukate Jesus Cristo Hiru, Royakalute. Herotu matuxikolu renekwu hiweklu wkahwajyawakapa Jesus Cristo hiwejinixnaka hipuktshiya tshinanu. Hoyakalu hetwamonre tsru potuko tshinanu.

1 João 1:3

Ptowru wetleru pirana, ptowru wyijnakotanru pirana wunkakhi, hixa pixka hixahchinikanutatshine hixyawakapa, hix-koxa. Klu tshinanu halikaka hixa pa hchinikanurunwu Wuru Hoyakalu tshinanu hiyrun-koxa Hituru Jesus Cristo tshinanu.

Apocalipse 2:15

Hix-yehi koxa rawna nicolaítas hasrukle homkahitatshine.