Hebreus 1:3 - Bíblia

³ Hituru ruru Hoyakalu hoyaknu hatnu hwatshrini hiyrun-koxa Hoyakalu yáholu pixka potuko rixa. Hituru tokanu himukatle tshinanu ptowru potuka hpoyehita. Waneya rali powratlexinixkawu wektunuya, Tsru Hixikatshriwa Hoyakalu, teno hajeru potukle sreta htuplatatka.

Hebreus 1:3 ပူးပေါင်းရင်းမြစ်များ

Mateus 22:24

Waneya wla htshinna: — Kasruklewakleru, Moisés-ni yonaxyawu xye hiykolu pirana: “Jeji hipninipa ruknokamtanro hhanunro mwuhenetoko, walen-moleko hnunrotanro waleni hnunro. Twuhenewatanu hipnatshrini whenene hkahwajikowakapna.”

Marcos 16:19

Waneya rali hiynumsaletna Tsru Hixikatshriwa Jesus tenhohne hanikkatka. Hoyakalu potukle sretate htuplata.

João 1:14

Tokantshi manewata. Hiyrun-koxa hixa tskala rawakanatatka. Wetlu royaknu. Hoyakalu hoyaknu pixka rixatka Hoyakalu whene satupkalutu. Hpoyahokakatkalu ptowru potuka Hoyakalu hihlenu hiyrunu halikakalutu pirana hpoyahokakatka.

João 1:29

Waneya wale prika João hetlu Jesus. Runamta Jesus João nwaka. Waneya João wan-tshina: — Hetanu hixa, xyekni Hoyakalu carneiro-te. Xyekni xye tshijne hektunu konatshripa.

João 1:4

Tokantshi hiwekluni. Xye hiweklu katalni yine nikotyehitatshri.

Atos 2:33

Hiyáhoni Jesus hanikkatka, Hoyakalu potukle sreta rawyawakpatka hiyáhoni hyoptotlu Hoyakalu Hiwejikaluru htshina hinkaklexyawakpotuklu Jesus. Hiyáhoni xye hixa hetanru hiyrunu hjemanru waleni Hoyakalu Hiwejikaluru hiyoklerni.

Atos 7:56

Waneya wane htshina: — Hetanu! Netlu tenhohne hitpukatshri, netlu jeji whene Hoyakalu potukle sreta yopkakatshri.

Romanos 1:16

Hi npatewyehitlu kihle piranalu potuko hiwekkaklewatatshri pirana klu tshinanu nimatlu waleni Hoyakalu pixkonu ptowru Cristo halixatshripa hiwekkakkalurupni; mitshikananhapka judeu-nerune tshinanupni waneya wane pnute judeu mixkane tshinanupni.

Romanos 8:34

Kathe xawaka jihyehitwu? Hikeni, klu tshinanu Cristo Jesus hipnapatka waneya riwekatka hipnatshine tskalaya. Hiyáhoni xawakni Hoyakalu potukle sreta rawa, hixa tshinanu Hoyakalu ranjita hipokananu.

2 Coríntios 4:4

Hi ralixluna Cristo klu tshinanu xye tshijne hoyakalute hektutu kkamhakleru himaletahchinikanutna. Hi ritshitna rumrekhaxyawakna hma mexyawakanupluna katalu, kihle piranalu potuko hiwekkaklewatatshri pirana, Cristo hoyaknu pirana. Cristo waleni Hoyakalu yáholu potuko.

Colossenses 3:1

Hiyáhoni Cristo-yma wiwejinixka wujhanru tenhohne hajerkak-pirana, Cristo hwiywaka hwatshri, Hoyakalu potukle sreta tuplatatshri.

Tito 2:14

Renejnawa hixa repixyawakapa. Wan-rixa hkochpajyawakapwu ptowru jikolukanuruya ruhlexyawakapwu waleko rayinetene wixyawakapa, jmererunepwu kihleru kamhalu tshinanupa.

Hebreus 1:13

Seyni Hoyakalu hikeklu wla htshinanwakatna htowrene hiwejikalune tenhohne hajene: “Ptuplatanu npotukle sreta haté pkamnitjene pijixi hpuko nutakanu.” hi htshinanwakatna.

Hebreus 10:12

Seyni Jesus Cristo rali heneklexinixkalu renekachale satupkalutu hektuntshi hkonyawakapa hike rixiniko mnikawnakatupni waneya Hoyakalu potukle sreta htuplatatka.

Hebreus 12:2

Jesus yehi potuko yihatatshinepwu klu tshinanu Jesus walixle yinuwakatshrini hiyrunu walixle poyahokakatshrini. Poyikpotuklu Jesus hinamtatshripa tshinanu. Cruz rupniywakapa rakotachata. Hektuwaka htshinanwakaxikolu reyikachata. Xawakni htuplatatka. Hoyakalu hetamayxaklerewatatshri tuplaxyawaka potukle sreta htuplatatka.

Hebreus 4:14

Hiyáhoni wchikota halixletanu walixle wuphujetlerutka tshinanu. Klu tshinanu W-sacerdote-te, Tsru Sacerdote potukni, tenhohne yatshritka Hoyakalu yehi potuko hapokatshri, waleni Jesus, Hoyakalu whene.

Hebreus 7:27

Pimrinni tsru sacerdote-nni pixka hi rixa. Hi ptowru hohneruka henekachalu hiylatkaluru rujha kamhaleta, mitshikananhapka waleko hektunu tshinanu wane pnute yine hektunu tshinanu rujhatnaka, hi rixa wale. Klu tshinanu Jesus pa katapka wale nanuko henekachaxnawa henekachlu hiylatkaluru rixnatkawa.

Hebreus 8:1

Xye pirana ptowruka wtshinakanatanru haptowruxikolni xye. Waneywu xye pixkalutu Tsru Sacerdote. Ptowru Potuko Himukatatshri tenhohne hajeru tuplawakle, hpotukle sreta hwatshrini wale.

Hebreus 9:16

Klu tshinanu hanuktako rawa hipnatshri hiknokamtanru hejnu pirana, ralukhimatkopotuta ho halikaklahe rupnatka hejnu hiknokamtatshri ho hike.

Hebreus 9:26

Klu tshinanu wane pixka rixkamkatka waneyamka xye tshijne yinuwajinikananuko haté xawaknimkatshi wan-rixa salewakatanutshi hixo kata. Seyni xawakni Cristo hiphujewnatka xye rapkatle hohne sreta, hektuntshi ruknojyawakapa waleko rupnale himukatle tshinanu, henekachalu hiylatkaluru rixnawakwa.

1 Pedro 1:21

Wale tshinanu Hoyakalu halixa, Cristo hiwekkakjeru hipuktshiya hiyrunu Cristo hiphujetjeru. Wan-rixa kahwakachalu hiyrunu halixlu Hoyakalu yehi yoptoxikalurupa.

1 Pedro 3:22

Jesus Cristo tenhohne yatshritka. Hoyakalu potukle sreta htuplata. Wane rutakka hiwejikalune Hoyakalu towrene tenhohne hajene htowuxyawaka, tsru towutatshine tenhohne hajene hiyrunu tenhohne himukatle koxa htowutatka.

2 Pedro 1:16

Wutsrukate Jesus Cristo pixkonu pirana hiyrunu rapojinri pirana wunkajinixkahi mitshi, hi tsrunni pirana, yineko hchinikanu pirana, chinikantshi heneklewatatshri pirana phuta wtshinatkahi mitshi. Klu tshinanu hix-honra rumukatle ptowru potuko himukatatshri hetatshinpotukwu.

2 Pedro 1:17

Klu tshinanu Ruru Hoyakalu himalwutlu Jesus hiyrunu royaknu reneklu mitshi, tokantshi Hoyakalu yehi hichpajikatshri, Jesus yehi hapokatshri mitshi, wla tshinatshri: Xyekni noturu nalukanru potuko. Wale poyikowkakno.

1 João 1:7

Katawaka wyaniniklunu wale pixka, hixa hatajnutatshinepwu pa hchinikanurukakatshinepwu hiyrunu Hituru Jesus hraha powratjetwu ptowru hektuntshi tshinanu.

1 João 3:5

Hiyrun-koxa hixa himata Cristo hinatka wektunu hkonyawakapwu. Hiyrunu hektuntshi hi rawya Cristo.

Judas 1:25

Hoyakalu satupkalutu, wiwekkakjeru wkochtshekhiwakata. Wutsrukate Jesus tshinanu hoyaknutshi, tsru hiphujewnatshri, towuwlu hiyrun-koxa himukatlu walenni xye tshiji hmuyakotkanuklunuwa klu papko haté xawakni. Hiyrunu hike rixiniko mnikawnakatupa hohne wan-rixanu. Amém.

Apocalipse 3:21

“Hallirewatatshri ntshanixanu rituplatanno npohirewnale tuplawakle, hita hallirewaxinri pixka, Nuru Hoyakalu towuwlu tuplawakle nituplaxyawaklu Nuru Hoyakalu pixka.

Apocalipse 4:11

— Tsru Hixikatshriwa Hoyakalu, pumukata yoptoletlu hoyaknutshi, kahwakpirlu hiyrunu hiyaklu klu tshinanu ptowru potuko hiyakotatshriyi. Pixako palujyawaka tshinanu rawa hiyrunu hiyakotkalurutkani.”