Gênesis 9:3 - Bíblia

³ Ptowru yanatshri, hiwekatshri hixa renekko hixa hnikleru rixyawakapa; wane nix-henekletatkahi ptowru hixatshri hitaklu pixka xawakni ptowru nikalu nenekanhi.

Gênesis 9:3 ပူးပေါင်းရင်းမြစ်များ

Gênesis 9:2

Ptowru nikalu pikanhi hixa, hixa hamlenu tshinanu, tshiji hajeru, kamejirune teno hajer-koxa; ptowruko tshij-hoho yapatshri, ptowru chima mar powha hwatshri koxa, hixa tenekko htowuxyawakaplo.

Romanos 14:14

Jesus nalixyawaka tshinanu nimatpotutlu hikeni himtuklewachatatshri. Seyni katukta pa hixanu himtuklewatatshri rikahwaklu waneya waleko htshinanu rumtujnawa.

Romanos 14:17

Klu tshinanu Hoyakalu pohirewaxyawaka hi niktshi ho hirkaluru tshinanni seyni halikaka kihlerukni, hapnanuhchinikanruni hiyrunu poyikowluni Hoyakalu Hiwejikaluru heneklewleni.

Romanos 14:20

Hi nikalu hikolukle tshinanu himtukanru Hoyakalu kamrure. Hikemkani nikalu tshipetkaluru seyni wpupjeta wnikanru tshinanu yineru wumtukahchinikanuxini.

Romanos 14:3

Katukta ptowru nikalu hnika hi heyikanru ptowru mnikole nikatshri. Hiyrun-koxa ptowru mnikole nikatshri hi hiykotanru ptowru nikalu nikatshri klu tshinanu Hoyakalu hi heyiklu.

1 Coríntios 10:23

Satkaka yineru wan-tshina: “Ptowru walukanru wumukata kamhaleta.” Hehemka seyni hi ptowruka wkamhapiratanru kihlerni. “Wumukata kamhaletlu ptowru waluka kamhaletanru,” htshina satkaka yineru. Seyni satuko wkamhapiratanru hi ptowruko tseruwnakaklewata.

1 Coríntios 10:31

Hiyáhoni hnijini, hirini, kluneruktako hkamhini, ptowru potuko hkamhanu Hoyakalu himalwuxikolu tshinanu.

Colossenses 2:16

Hiyáhoni hike yineru xako hiykotanhi nikalu tshinanu ho hirkaluru tshinanu ho kahwakpiratkalur-hohnekak-pirana tshinanu, ho rehonotle ksurkak-piranaya ho hapnanuxikalur-hohnekak-piranaya.