Gênesis 9:2 - Bíblia

² Ptowru nikalu pikanhi hixa, hixa hamlenu tshinanu, tshiji hajeru, kamejirune teno hajer-koxa; ptowruko tshij-hoho yapatshri, ptowru chima mar powha hwatshri koxa, hixa tenekko htowuxyawakaplo.

Gênesis 9:2 ပူးပေါင်းရင်းမြစ်များ

Gênesis 1:21

Waneya Hoyakalu kamhalu tsrur-potuko honha hajeru, ptowru hixatshri honha hajeru hiyrunu wale klopichapakni, ptowru hixatshri kamejiru hiyrunu wale klopichapakni. Waneya Hoyakalu hetlu hikamtutkalu.

Gênesis 1:26

Hiyrun-koxa wane htshina Hoyakalu: — Xawakni yineru wkamhanu, wyáholu wkamhinru hixa pixka rixanu. Yineru towutanro chima, kamejiru koxa, ptowruka pantshi hajeru, ptowru hixatshri hocha hajeru, ptowru hixatshri yosrolotatshri, mtserutu, tsrur-koxa, ptowru hixatshri htowutanu psoltshijyako.

Gênesis 1:28

Waneya Hoyakalu kihlewaka htshinanwakatna yine, waneya wane htshina: — Kwuhenpatkahi, hixolewnanu htsepoxyawakaplu tshiji, tsru hixikatshinepwahi tshiji. Yine tshinanu twa chima mar powha hwatshri hixanupa, kamejiru teno hajeru hixanupa hiyrun-koxa ptowru hixatshri hiwekatshri tshiji yanatshri hixanupa htowuxyawakaplu.

Gênesis 2:19

Waneya rali kamhalexinixkalu tshiji ptowruka campo hajeru, ptowruka kamejiru teno hajeru, ranikna nikalune Adão nwaka, rexyawakapna kna hiwaka htshinanna. Ptowruneka nikalune Adão hitakhiwakata hiyáhoni wale hiwakakotkani.

Gênesis 35:5

Waneya hyamtatkana. Seyni Hoyakalu henekhamlehonutna wale poktshini tnumne hajene hiyáhoni hi Jacó-ne hatjini hyatkana hkamnitapyawakapna.

Gênesis 9:1

Hoyakalu kihlewaka htshinanwakaxyawaklu Noé hiwhenen-koxa hiyáhoni wla htshinatkana: — Hwuhenewatanu, hixolewatanu, htsepotanru tshiji.

Gênesis 9:3

Ptowru yanatshri, hiwekatshri hixa renekko hixa hnikleru rixyawakapa; wane nix-henekletatkahi ptowru hixatshri hitaklu pixka xawakni ptowru nikalu nenekanhi.

Tiago 3:7

Ptowru hixatshri nikalu hocha hajeru, kamejirune, himnune, mar powha hajerune himukata puratkota hiyrunu puratkalurutkani yineya.