Gênesis 8:21 - Bíblia

²¹ Waneya Tsru Hixikatshriwa Hoyakalu hamluphatlu kihlephaholu waneya wane htshinnawa: — Hi nsaletanutnaklu tshiji yine tshinanu klu tshinanu yine hektuwaka tsonu ruchinikna hmatureyakawa hyinuwaka haté xawakni. Hi koxa napnokatanutnaklu ptowru hiwekatshri, hanu nixa hapnokatletanna mitshikawlunni.

Gênesis 8:21 ပူးပေါင်းရင်းမြစ်များ

Gênesis 3:17

Waneya Hoyakalu wan-tshinru Adão: — Pixa niklu hejnuji wane ntshinyi hi pnikanru seyni pyijnaktokanutlo phanunro. Hiyáhoni hektutkalu tshiji pixa tshinanu, tsru kamrurtshi potuko pkamhinri pnijinri, ptowru hohneruko piwekka pchinika.

Gênesis 4:12

Hiyáhoni wane pnutpatka tshiji pjitoxinpatka hitaklu tshinanu hi renekmixkonutanutkalu tshiji putakle. Yohimatatshripyi, yanachalupyi xye tshijiya.

Gênesis 5:29

Rutakhiwakatlu Noé, wla htshinru: — Xyekni hapnanuhchinikankakanwu wkamrure tshinanu hiyrunu wimyokaka hamanre rapnankakanu, xye tshijiya Tsru Hixikatshriwa Hoyakalu hektuwaka tshinyawaka tshijneni.

Gênesis 6:13

Waneya Hoyakalu wan-tshinru Noé: — Xawakni nuchinikanuwata nnikaxyawakaplu ptowru hiwekatshri klu tshinanu ptowru hektutu tsepotlu tshiji wanna htshinanna. Hiyáhoni nnikatanunna wannapni tshijiyma.

Gênesis 6:17

Hiyáhoni Hita honha yokanaxinipa xye tshijne nnikaxyawakapa ptowru hiwekatshri hanuruktako hiweka, xye tshijne hinniphaxikatshri, tenhohne hpuko hajeru nnikatanu. Ptowru potuko tshiji hwatshri nikawnanutka.

Gênesis 6:5

Waneya retlu Tsru Hixikatshriwa Hoyakalu hi psokananru hektutu rapatjererna yine tshijiya hiyrunu rethixanutna yine hektutu tsonu ruchinikanretjetna rajiyna ptowru hohneruka.

Gênesis 6:7

Waneya wane htshina Tsru Hixikatshriwa Hoyakalu: — Nkamhalene yine, tshiji hwatshine, namhakakannuna yine hiyrunu hocha hajeru hiyrunu ptowru hixatshri tshij-hoho yosrolotatshri hiyrunu kamejirune tenhohne yapatshine klu tshinanu nyokmanahchinikanuta nkamhalene tshinanu.

Mateus 15:19

Klu tshinanu hihchinikanu hichpajikatshri hektutu chinikantshikaka, hiylalewlu, himopatlewlu, hapoklewlu, tshowhuwlu, yokwijrewlu, hiyrun-koxa hektuwaka htshinanwakaxyawaklu Hoyakalu.

João 3:6

Yineru hmatuxini himaneya yinerni seyni Hoyakalu hiwejinri hmatuxyawaka yineru wale tsonu hiwekkaklewata.

Romanos 1:21

Rimathetmakluna Hoyakalu seyni hi hkahwakpiratluna Hoyakalu, Hoyakalu rixkal-tshinanu hiyrunu hi hpoyahnutluna Hoyakalu. Hiyáhoni hike muchinikanretkanni raj-koxna mapchahayna.

Romanos 3:23

seyni ptowru potuko yineru hektuwaka kamhatshrini hiyáhoni Hoyakalu hoyaknu hpupjexyana.

2 Coríntios 2:15

Klu tshinanu Hoyakalu renekanwu Cristo hatatjewa kihlepha hixatshinwu hiwekkakkalune yehiya hiyrun-koxa hamhatshine yehiya.

Efésios 5:2

Xye chinikantshi ptowru wiwejinri htowuta. Hichinikanuwyehkakanu. Hixa hichinikanuwkakleyehixyawaka pixka rixa Cristo, renejyanawa rupniywaka hixa tshinanu renekachaxnatkawa henekachaluru rixnatkawa hatewa phamluhalo phamluro pixka potuko hixatshritkani Hoyakalu hetanuya hiyrun-koxa henekachaluru hiylatkaluru Hoyakalu hikchikhihlenutanru potuko.

Filipenses 4:18

Ptowru potuko waneyno xawakni haté rixeta. Hike nmahaxya klu tshinanu Epafrodito tshinkaluru hanijyano hixa yokanatanru. Hixa henekachale henekachlu pixkalutni, kihlephalu phamluhalo pixkalutni, Hoyakalu hikchikhihlenutlu, poyahnutkalurni Hoyakaluya.

1 João 5:19

Wimatlu Hoyakalununetkawu. Wimatkoxlu xye tshijnemka ptowruka htowuta kamtshi.