Gênesis 8:20 - Bíblia

²⁰ Waneya Noé kamhalu satu henekachalu renejikowaka Tsru Hixikatshriwa Hoyakalu; waneya raniklu nikalu nikkaluru, kamejirun-koxa nikkaluru waneya reneklu henekachalu yoxikkaluru henekachalu henejikowaka hohoya.

Gênesis 8:20 ပူးပေါင်းရင်းမြစ်များ

Gênesis 13:18

Waneya Abrão yokmakapjitatka, tsru hahmunkaka yehi Mamre tshinkaluru, Hebron poktshistsi tshinikowaka hyatka. Waneya satu altar hkamha Tsru Hixikatshriwa Hoyakalu tshinanu.

Gênesis 13:4

Wane koxa mitshikananu altar hkamhiya Abrão; waneya wane potuko Abrão himalwutatkalu Hoyakalu.

Gênesis 22:2

Waneya Hoyakalu wan-tshinru Abraão: — Panikanru piwhene satupkalutu, Isaque, pamotler-potuko. Pyanwakatanru Moriá tshinikowaka tshijne. Waneya wane henekachalu yoxikkaluru pixkakanru pituru npohixyawaka mriji potuko.

Gênesis 22:9

Rapojinixkaluna Hoyakalu tshinyawaklu yehi Abraão sotlu rapatjeta waneya ruhlepokotlu tshitshi wane hohoya. Waneya rostutatkalu hituru Isaque waneya tshitshi hoho rutaklu Isaque.

Gênesis 26:25

Waneya wane altar hkamhiyatka. Waneya Tsru Hixikatshriwa Hoyakalu ranjinwakata. Waneko rutakapjitatka. Waneya waneko hakopha hjitotjixyatnakna Isaque htowrerune.

Gênesis 33:20

Waneya altar hkamhatka waneya. Hoyakalu Israel Hoyakalute rutakhiwakatlu.

Gênesis 35:1

Waneya Hoyakalu wla tshinru Jacó: — Ppalnanu, Betel tshinikowaka pyanu waneya waneko pwanu. Waneya altar pkamhinri Hoyakalu, pix-yehi hiphujewnikatshri mitshi pimole Esaú pasukahnapuxin-mitshi.

Gênesis 35:7

Waneya waneko satu altar hkamhiyatka. Waneya rutakhiwakatlu wale poktshi El-Betel klu tshinanu wanekni mitshi Hoyakalu hakanhayehixyalu Jacó himole rasujiniklunutka mitshi.

Gênesis 4:4

Seyni Abel koxa carneiro whenenni hanikanwakatlu Hoyakalu hinhiymakananuko mitshikananu matutatshinni ranikanwakatlu Hoyakalu. Hiyáhoni Hoyakalu hikchikhihlenutlu Abel hiyrunu renekachle.

Gênesis 7:2

Ptowru nikalu Hoyakalu hitshi nikkotanru sete pa nerkaka ppokoxini pixayma, sete jeji, sete suxo; seyni ptowru pejnu nikalu mnikkotu hepkaka ppokotanu sat-jeji, sato suxo.

Gênesis 7:3

Kamejirun-koxa teno yapatshine pejnu setekaka, jeji suxo; hma nikawniywakanupna tshijiya.

Gênesis 8:19

Hiyrun-koxa ruchpakna tsro kanawatloya ptowru nikalu, ptowru tshij-hoho yosrolotatshri, ptowru kamejiru hiyrunu ptowru nikalu tshij-hoho yapatshri satkaka neru hichpakatka.

Romanos 12:1

Hiyáhoni Cristo tshinanu nmoletanune, Hoyakalu hetwamonre tsru potuko rixyawaka tshinanu nanjithi henejinwa Hoyakaluya himane henekachalu rixyawaka. Hoyakalu tshinanu kotspalatkalunhi hiwejinri powraluya, Hoyakalu hikchikhihlenrerutka. Wane potuko rimalukyi Hoyakalu.

Hebreus 13:10

Sacerdote-ne judeu-ne Hoyakalupji kamrurewaxikatshine hi ritshitkana hnijyawakapluna henekachalu hiylatkaluru hixa henejyana kapajir-hoho hiylaxikalurni.

1 Pedro 2:5

Hix-koxa sotlu hiwekatshine pixkalunhi. Hoyakalu Hiwejikaluru panathi. Sacerdote-nhi Hoyakalu kotspalenhi, henekachalurkaka henekjetatshinephi Hoyakalu tshinanupa, Hoyakalu halukanru Jesus Cristo tshinanuya.

1 Pedro 2:9

Seyni hixa halixatshinhi Hoyakalu nurrenhi, hineruneko hixyawakapa, Tsru Hixikatshriwa Hoyakalu sacerdote-tenhi, yine potukalunetkahi, Hoyakalunuko hixyawakapa. Hoyakalu nuretatkahi hiphujexyawakaplu rixa hihlehchinikanrexyawakhi, mapchahawaka hichpajyawakapa, wale nwaka katawak-potuko nwaka wwiywakapa htshanixikowaka.