Gênesis 7:1 - Bíblia

¹ Waneya Hoyakalu wan-tshinru Noé: — Pjihlokanro tsro kanawa pixa hiyrun-koxa payinetene klu tshinanu netyi pixa potukyi hita hetanuya xye papko.

Gênesis 7:1 ပူးပေါင်းရင်းမြစ်များ

Gênesis 6:18

Noé, nkojiretanyi pixa satu nunkaklexinyi. Hiyáhoni pixa tsro kanawa jihlokanu pixa, piwhenene, pixa hnunro, piwhenene hnunrone koxa tsro kanawa jihlokanu pixayma.

Gênesis 6:9

Xawakni Noé piranapni: Noé jeji kihlerni, maylokletni waneklu papko. Noé Hoyakaluyma yana.

Gênesis 7:13

Wale hohneko tsro kanawa hjihlokna Noé hiwhenene Sem, Cão, Jafé hiyrun-koxa Noé hnunro, Noé whenene hnunron-koxa.

Gênesis 7:7

Hiyáhoni Noé, hiwhenene, hhanunro hiyrunu hiwhenene hanunrokaka hjihlokna tsro kanawa hahyekachalu tshinanu.

Lucas 1:6

Hiyrun-koxa powrahchinikanurunni wanna hepi Hoyakalu hetanuya. Kajnákona Tsru Hixikatshriwa Hoyakalu hiykolukaka. Hi psojikna hpupjexyana.

Lucas 17:26

Noé klu papko pixka rixanu Jeji Whene tshinkaluru hapojinri papkopa.

Atos 2:39

Klu tshinanu xye pirana Hoyakalu hinkaklexyatkahi hixa, hixa whenen-koxa runkaklexyalu hiyrun-koxa wanna ptowruneka hi hixastsi hwatshine tsonu runkaklexya. Tsru Hixikatshriwa Woyakalute tomhanune pejnu runkaklexyalu.

Hebreus 11:7

Halixlu tshinanu Noé tshinkaluru jemlu jhamleru hinatshripa pirana Hoyakalu hinkajyalu. Hoyakalu tokanu hkahwakpiratatka Noé hiyáhoni tsro kanawa ralpokohnaputlu hhanunro hiyrunu hiwhenene riwekkajyawakapa. Xye pirana ptowruka romkahita Noé yahmaklu mapokatuwa pirana runkakka. Xye pirana romkahle tshinanu xye tshijne rukolukanuwnakakatka. Hiyrun-koxa Noé yoptotatkalu Hoyakalu potukatlewle halixlu tshinanu.

1 Pedro 3:20

Wannani mitshikawlunni, hektuwaka kamhatshinni, Noé-ni klu papko hiwekatshinekananni. Klu tshinanu Hoyakalu mchiretannutni hkahwakachatmaka tsro kanawa kamhako pchinika. Waneklu papko hi hixo yine hiwekkaka. Oito yine tsonu hiwekkaka hahyekachalu tshinanuya.