8 Seyni Hoyakalu hikchikhihlenutlu Noé tshinkaluru.
Hita hixa towrerno hikchiklu wamontshi hixa yhaleya hiyrun-koxa pekhitno hi pa hamotlu pixno klu tshinanu piwekkakatkano seyni hi numukata teno mrijiwaka nwaka nasukamxyawaka klu tshinanu xye hapnokatlu himukata hapkakletanno waneypakni nupnanuna.
Noé-klu papko pixka rixanu Jeji Whene tshinkaluru hapojinri papkopa.
Seyni hiwejikaluru Hoyakalu towreru tenhohne hajeru wan-tshinro: — Hi ppikanu, Maria, klu tshinanu kihlehchinikanru Hoyakalu pixa tshinanu.
Noé klu papko pixka rixanu Jeji Whene tshinkaluru hapojinri papkopa.
Davi hihlehchinikanutka Hoyakaluya waneya Davi hanjitlu Hoyakalu ritshixyawakaplu papji hkamhiywakapa Jacó Hoyakalute tshinanupa.
Waneya Hoyakalu hihlenu hnurexinixkana hiyáhoni hi hkamrurna tshinanni. Wannako hkamrurna tshinanu hnuretkomkana waneyamka hi Hoyakalu hihlenu tshinanu hnuretkana.
Kamrurewatatshri wenutka. Hiyrun-koxa wenutkaluru hi kahwaklu renekachaxikowaka seyni hkamrure tshinanu hkaylerni.
Seyni Hoyakalu hihlenu tshinanu, hitatkani hita. Hiyrun-koxa Hoyakalu hihlenu hi mahijerutatka hita tshinanu. Klu tshinanu nuretkalune kamrurewle pnute nixa kamrurewleta hita. Halikaka hi hit-potni seyni Hoyakalu hihlenu hitaymalutu kamrurewata.
Seyni Hoyakalu, retwamonre tshinanu, hnuretno, htshanixno nma matutkanuklunuwa.
Nanjitlu Tsru Hixikatshriwa Hoyakalu renejyawakaplu kihle hchinikanu rixyawakapa Hoyakalu hetwamonutanru wale hohnepa. Pixa himatpotutlu hi pejnu kata kananu repixno Éfeso poktshiya.
Klu tshinanu Hoyakalu hekhitlu repixle, hiweklu heneklewatatshri, rawamka ptowru yineru tshinanumka.
Potukalunwu waleko ruhlenu tshinanu, hiweklu hike rixiniko mnikawnakatupa yoptotatshinepa wixyawakapa wkahwakachale tshinanupa.
Hiyáhoni Hoyakalu tuplawakle tskihistsi wyanu hike wpikanu klu tshinanu wanetkalu hetwamonru hikchijikolu. Wane wukchijinri Hoyakalu hetwamonuxyawakwu hiyrunu repixle tshinanwu ptowru katako wujhiniplu.
Wannani mitshikawlunni, hektuwaka kamhatshinni, Noé-ni klu papko hiwekatshinekananni. Klu tshinanu Hoyakalu mchiretannutni hkahwakachatmaka tsro kanawa kamhako pchinika. Waneklu papko hi hixo yine hiwekkaka. Oito yine tsonu hiwekkaka hahyekachalu tshinanuya.
Hiyrun-koxa Hoyakalu hi hohnetlu mitshikawluru tshiji seyni hahyekachalu hyokanahohotanna yinni, Hoyakalu malukanni. Halikaka Noé tshinkaluru, oito rixinri, potukawaka pirana jinkakletakleru, riwekkaka Hoyakaluya.
