Gênesis 6:5 - Bíblia

⁵ Waneya retlu Tsru Hixikatshriwa Hoyakalu hi psokananru hektutu rapatjererna yine tshijiya hiyrunu rethixanutna yine hektutu tsonu ruchinikanretjetna rajiyna ptowru hohneruka.

Gênesis 6:5 ပူးပေါင်းရင်းမြစ်များ

Gênesis 13:13

Hetanu Sodoma hwatshine jejine hektutu kkamhaklerune Tsru Hixikatshriwa Hoyakalu hetanuya.

Gênesis 8:21

Waneya Tsru Hixikatshriwa Hoyakalu hamluphatlu kihlephaholu waneya wane htshinnawa: — Hi nsaletanutnaklu tshiji yine tshinanu klu tshinanu yine hektuwaka tsonu ruchinikna hmatureyakawa hyinuwaka haté xawakni. Hi koxa napnokatanutnaklu ptowru hiwekatshri, hanu nixa hapnokatletanna mitshikawlunni.

Mateus 15:19

Klu tshinanu hihchinikanu hichpajikatshri hektutu chinikantshikaka, hiylalewlu, himopatlewlu, hapoklewlu, tshowhuwlu, yokwijrewlu, hiyrun-koxa hektuwaka htshinanwakaxyawaklu Hoyakalu.

Mateus 24:37

Noé-klu papko pixka rixanu Jeji Whene tshinkaluru hapojinri papkopa.

Lucas 17:26

Noé klu papko pixka rixanu Jeji Whene tshinkaluru hapojinri papkopa.

Tito 3:3

Klu tshinanu hix-koxa mahchinikanunekananwu mitshikananu. Hektuwaka kamhatshinekananwu, pupjetatshinekananwu. Ptowru hixatshri xye tshiji halukanru hiyrunu poyikowlu womkahjekanata. Hektutu womkahjekanata, wet-sotanrewjekanata. Wahnanuwjekanata. Hixkakluko wahnanutkakjekanata.

1 Pedro 3:20

Wannani mitshikawlunni, hektuwaka kamhatshinni, Noé-ni klu papko hiwekatshinekananni. Klu tshinanu Hoyakalu mchiretannutni hkahwakachatmaka tsro kanawa kamhako pchinika. Waneklu papko hi hixo yine hiwekkaka. Oito yine tsonu hiwekkaka hahyekachalu tshinanuya.