Gênesis 6:17 - Bíblia

¹⁷ Hiyáhoni Hita honha yokanaxinipa xye tshijne nnikaxyawakapa ptowru hiwekatshri hanuruktako hiweka, xye tshijne hinniphaxikatshri, tenhohne hpuko hajeru nnikatanu. Ptowru potuko tshiji hwatshri nikawnanutka.

Gênesis 6:17 ပူးပေါင်းရင်းမြစ်များ

Gênesis 2:7

Waneya Tsru Hixikatshriwa Hoyakalu kajpapahi kamhiylu jeji waneya jeji jripna rajpoka Hoyakalu hinnipha, rinniphakajyalu riwejinri hiyahokni jeji yinuwakatka riwejyawaka.

Gênesis 6:13

Waneya Hoyakalu wan-tshinru Noé: — Xawakni nuchinikanuwata nnikaxyawakaplu ptowru hiwekatshri klu tshinanu ptowru hektutu tsepotlu tshiji wanna htshinanna. Hiyáhoni nnikatanunna wannapni tshijiyma.

Gênesis 6:16

Kanawapji cinquenta centímetros htennu wane psoji swa pixexini, psoluka hsajrukanu. Waneya hikwansata sreta putakanru satu hiphapto. Pkamhanru kwalkaka, satu kwalu tshiji nwaka hajeru, satu kwalu hanikaji hajeru, satu kwalu teno nwaka hajeru pkamhanu.

Gênesis 6:7

Waneya wane htshina Tsru Hixikatshriwa Hoyakalu: — Nkamhalene yine, tshiji hwatshine, namhakakannuna yine hiyrunu hocha hajeru hiyrunu ptowru hixatshri tshij-hoho yosrolotatshri hiyrunu kamejirune tenhohne yapatshine klu tshinanu nyokmanahchinikanuta nkamhalene tshinanu.

Gênesis 7:15

Ptowru nikalu hinniphatatshri jihlokyehitlu Noé hepkaka tsro kanawatlo hya.

Gênesis 7:17

Quarenta hohne pejnu rawhata hahyekachalu tshij-hoho. Rapohamta honha hiyáhoni timlikatka tsro kanawa tshij-hoho tmawyawakanupa.

Gênesis 7:4

Waneya sete hohne hiknohinpatka nkamhanru rinnewaxyawakapa tshij-hoho quarenta hohne quarenta yetshno koxa; hiyáhoni nnikatpotutanhonuklu ptowru pejnu hiwekatshri nkamhalene xye tshij-hoho hma wiywakpatkana.

Gênesis 9:9

— Hiyáhoni hetanu, nunkaklexyahi hixa, hixa klopichane koxa nunkaklexya,

Mateus 24:39

hi hkahwaknina hahyekachalu seyni runatka hahyekachalu, ptowrunnika yinni hnikata. Waneko pixka rixanu Jeji Whene hapojinri papkopa.

Lucas 17:27

Klu tshinanu ptowrunniko yinni hniknina, rurnina, hhanunrowatnina, hhanuruwatnina, Noé-ni tsro kanawatlo jihlojinriklu potukananuko. Waneya runatka hahyekachalu, ptowrunnika yinni hnikata.

Romanos 5:21

Hektuntshi mitshikananu hipuktshiyma towutatkawu. Seyni Hoyakalu mixkowata hektuntshi ruknojyawaka yine tshinanu. Hiyáhoni Hoyakalu hiknojyawaklu hektuntshi himukata hihleretna yine Hoyakaluya. Xye hiwekkaklewata hiweklu hikeklu hohne mnikawnakatupa Jesus Cristo Wutsrukateya.

Romanos 6:23

Klu tshinanu hektuntshi wenru walekni hipuktshi. Seyni Hoyakalu henekachale hiwekluni hikeklu hohne mnikawnakatupa Wutsrukate, Jesus Cristo-ya.

Hebreus 11:7

Halixlu tshinanu Noé tshinkaluru jemlu jhamleru hinatshripa pirana Hoyakalu hinkajyalu. Hoyakalu tokanu hkahwakpiratatka Noé hiyáhoni tsro kanawa ralpokohnaputlu hhanunro hiyrunu hiwhenene riwekkajyawakapa. Xye pirana ptowruka romkahita Noé yahmaklu mapokatuwa pirana runkakka. Xye pirana romkahle tshinanu xye tshijne rukolukanuwnakakatka. Hiyrun-koxa Noé yoptotatkalu Hoyakalu potukatlewle halixlu tshinanu.

1 Pedro 3:20

Wannani mitshikawlunni, hektuwaka kamhatshinni, Noé-ni klu papko hiwekatshinekananni. Klu tshinanu Hoyakalu mchiretannutni hkahwakachatmaka tsro kanawa kamhako pchinika. Waneklu papko hi hixo yine hiwekkaka. Oito yine tsonu hiwekkaka hahyekachalu tshinanuya.

2 Pedro 2:5

Hiyrun-koxa Hoyakalu hi hohnetlu mitshikawluru tshiji seyni hahyekachalu hyokanahohotanna yinni, Hoyakalu malukanni. Halikaka Noé tshinkaluru, oito rixinri, potukawaka pirana jinkakletakleru, riwekkaka Hoyakaluya.