Gênesis 6:13 - Bíblia

¹³ Waneya Hoyakalu wan-tshinru Noé: — Xawakni nuchinikanuwata nnikaxyawakaplu ptowru hiwekatshri klu tshinanu ptowru hektutu tsepotlu tshiji wanna htshinanna. Hiyáhoni nnikatanunna wannapni tshijiyma.

Gênesis 6:13 ပူးပေါင်းရင်းမြစ်များ

Gênesis 49:5

Simeão, Levi moletkakatshinetka. Hyohlolewapre hiylakaklu tsonu ruchinikanreta.

Gênesis 6:14

Xawakni pkamhanro sato tsro kanawa cipreste chpataya. Waneya totlo hitokote putakanru hihrukokaka. Waneya pyochitanro tsro kanawa chiptshajpalu hitoko sreta, maleka sret-koxa psahatanu.

Gênesis 6:4

Hiyrunu waneklu papko rawapna tshij-hoho tseruwnapotutatshine potuko. Hiyáhoni wane pnute Hoyakalu whenene hapokmanexinna jeji whenene suxone waneya hmatuwhenexinna hwuhenene jejine. Hiyáhoni xyekaka jejine tsru hixkolune, tsru hchinikanurune psoluchaka kpohiyna mitshikawni.

Gênesis 7:21

Ptowru hiyolikatshri nikalu tshij-hoho hwatshri hipnanatka; kamejiru hiyrun-koxa campo hajeru, hocha hajer-koxa hiyrunu ptowru hixatshri tshij-hoho yosrolotatshri hiyrunu ptowru yineru hipnanatka.

Gênesis 7:23

Hiyahokni wane rixa nikawnaletna ptowru hiwekatshri tshij-hoho hwakanatatshri, yineru, nikalu, tshij-hoho yosrolotatshri, kamejirune tenhohne yapatshine koxa nikawna tshij-hoho rawyawakna; rutukatka Noé tsonu hiyrunu tsro kanawatlo yatshine.

Gênesis 7:4

Waneya sete hohne hiknohinpatka nkamhanru rinnewaxyawakapa tshij-hoho quarenta hohne quarenta yetshno koxa; hiyáhoni nnikatpotutanhonuklu ptowru pejnu hiwekatshri nkamhalene xye tshij-hoho hma wiywakpatkana.

Gênesis 8:21

Waneya Tsru Hixikatshriwa Hoyakalu hamluphatlu kihlephaholu waneya wane htshinnawa: — Hi nsaletanutnaklu tshiji yine tshinanu klu tshinanu yine hektuwaka tsonu ruchinikna hmatureyakawa hyinuwaka haté xawakni. Hi koxa napnokatanutnaklu ptowru hiwekatshri, hanu nixa hapnokatletanna mitshikawlunni.

Hebreus 11:7

Halixlu tshinanu Noé tshinkaluru jemlu jhamleru hinatshripa pirana Hoyakalu hinkajyalu. Hoyakalu tokanu hkahwakpiratatka Noé hiyáhoni tsro kanawa ralpokohnaputlu hhanunro hiyrunu hiwhenene riwekkajyawakapa. Xye pirana ptowruka romkahita Noé yahmaklu mapokatuwa pirana runkakka. Xye pirana romkahle tshinanu xye tshijne rukolukanuwnakakatka. Hiyrun-koxa Noé yoptotatkalu Hoyakalu potukatlewle halixlu tshinanu.

1 Pedro 4:7

Seyni hi howukatkalu ptowru potuko nikawniywakapa. Hiyáhoni wale tshinanu kahchinikanurunephi, hislahatshinephi hanjihohneru tshinanuya.