Gênesis 50:17 - Bíblia

¹⁷ Wla htshinakjixatkawu wtshinyawakapyi mitshi: “Nanjityi pamtakahchinikanyehixyawakapna pimolene hektunu, hkamhiyatkayina mitshi.” Hiyáhoni wanjityi puru Hoyakalute towrerune hektunu puknokyehixinwu. Waneya wanna tokanu hjeminixka José htshiyahatatka.

Gênesis 50:17 ပူးပေါင်းရင်းမြစ်များ

Gênesis 31:42

Hoyakalu, nuru Hoyakalute, Abraão Hoyakalute, Hoyakalu Isaque kahwakpirreru hitayma hmixkanumka pixamka hike mimwakatukno pyokanaxinmakno. Seyni Hoyakalu hetlu nsalewnale hiyrun-koxa nkamrure nkamhaleru hita myoya reta hiyahokni xye yetshno ruykotatkayi.

Gênesis 45:8

Hiyáhoni hi hixa hewi yokanatno seyni Hoyakalu yokanatno wkata haté Faraó hiru pixka nixa hiyrun-koxa Faraó-pji psoluka ntowuxyawaka Egito tshijne koxa psoluka ntowuta.

Gênesis 49:25

Puru Hoyakalute tshinanu, pepixjeru. Ptowru himukatatshri tshinanu pserutjerni wale tenhohne hajeru teno hwatshri, pserutjerni tenohalu hitokha hwatshri. Pserutjerni whenewluya hiyrun-koxa ptowru hixatshri matutatshri pserutjerni wale.

Gênesis 50:16

Waneya yonawahlo hyokananwakatluna José wla htshinruna José: — Purni mitshi hma mupnaknuklunuwa htowutyi.

Gênesis 50:18

Waneya himolene potuko yanwakatlu hyoptsojityehitluna tshiji rutspakhojitatkana waneya wla htshinruna: — Hetanu pixa towrerunekwu hixa.

Gênesis 50:20

Hix-honra haluka hektuwaka kamhalexyamkano mitshi seyni Hoyakalu halukatkalu kihleru rakanhakajyawakapa, hixo yine riwekkajyawaka wexyawakapa haté xawakni hohne.

Mateus 10:42

— Hiyrunu katukta copa stono katshiklehalu satu mujhakotu heneka ruryawakaplu nasrukleru rixyawaka tshinanu, halikaka ntshinhi, rumlujikolupa halikaka hyoptotanu.

Mateus 18:35

Waneko pixka rixanu Nuru tenhohne hajeru himole hektunu hma mamtakahchinikanyehitkanuklunupa halikaka.

Mateus 25:40

— Waneya pohirtshi hihitanna, wla htshinanna: — “Halikakni wane ntshinhi, xyekaka hkamhiniklunna nomolene haté mujhakot-potu tshinanu hkamhinri, nkahwaklu hita tshinanu hkamhalu.

Mateus 6:12

Pamtakahchinikanyehixinwu wektunu pimrine hektunu wamtakahchinikanyehixyawaka pixka.

Marcos 10:41

Waneya pimrine rasruklene dez, hjeminixkaluna wale pirana rahkanwakatna Tiago, João.

Gálatas 6:10

Hiyáhoni ptowru katako kihleru wixinwa ptowru neruko tshinanupa. Halikak-potu wane wixanna halixlu tshinanu wmoletanune.

Gálatas 6:16

Ptowru yineruko xye towutlu homkahitatshripa hapnanuhchinikanutatshinepni, hetwamonutkalunepni. Xye nanjita wanna tshinanu hiyrunu ptowruneka Hoyakalunerune tshinan-koxa.

Efésios 4:32

Seyni hichinikanuwyehkakanu. Hetwamonkakanu. Hixkakluko hamtakahchinikankakyehitanu hektutuya Hoyakalu hiknokhektunuxyawakhi Cristo tshinanu pixka.

Tiago 5:16

Hiphujetkajinwa hmayxaklekaka. Wan-hixatshinhi hanjihohneyehikakanu hitskalhinripa. Yineru potuka hchinikanuru hanjihohnere himukatatshri potukni.