Gênesis 50:13 - Bíblia

¹³ Hiwhenene jejine hanikanru Canaã tshijne nwaka waneya hkapnatanruna himriji hwapnatatshri Macpela tshinikowaka campo-teya Manre tshinikowakastsi hwatshri. Xye campo mitshi Abraão-ni hanjixyalu Efrom tshinkaluru hitita-neru yomletshi rixikowakapa.

Gênesis 50:13 ပူးပေါင်းရင်းမြစ်များ

Gênesis 23:20

Wane rix-himutukletlu Abraão campo hiyrun-koxa hipjita hwapnatatshri yomletshi rixikowakapa. Hete-ni whenene mixkopotutatkalu wane pnute.

Gênesis 23:9

Hanjitanru hipjita hwapnatatshri Macpela tshinikowaka Efrom campo-te mahle sreta hwatshri renejyawakapno Efrom. Hixa hetanuko ritshixinno yomletshi rixyawakpatka hita tshinanu. Ralujyawaka pso potuko nwenutanru.

Gênesis 25:8

Waneya rupnanatka Abraão, tsrutsoleji potniko hix-hohne potuko riwekniwa rupnanatka. Himolenni hipnatshinni nwaka hyatka.

Gênesis 25:9

Waneya waleniko hwuhenene Isaque, Ismael kapnatanru Abraão-ni hipjita hwapanatatshri Macpela tshinikowaka Efrom heteu-neru campo-te hwatshri Manre tshinikowaka hinapleya.

Gênesis 35:27

Waneya Jacó hapyehitlu ruru Isaque, Manre tshinikowaka, Quiriate-Arba tshinikowakastsi, Hebrom tshijneya Abraão-ni, Isaque hwajekanaxyawaka rapokamtatka.

Gênesis 35:29

Rupnanatka Isaque-ni. Rutsruknu potuko kamakatanru. Rutsrukatenniyma rapatjetatka. Waneya hiwhenene Esaú, Jacó kapnatanru.

Gênesis 46:4

Egito tshijne nwaka nyanu pixayma. Hiyrun-koxa pa hohne wane nkochpakkajinyi. Pupninipa José hichyayhaletanunyi himyoya.

Gênesis 47:30

Hiyahokni nomanni panikanu Egito tshijne malekate nurunni yomle nwaka wannani hinaple nkapnaxikowakapa. Waneya José wla tshinru: — Ptshinakanaxyawaka nkamhanu.

Gênesis 50:12

Waneya Jacó-ni whenene rixa towutlekanaxyawakatkana rixna.

Gênesis 50:14

Waneya rali kapnaletanruna rurni José, himolene hiyrun-koxa ptowruneka rimotsatjene rurni hkapnatapyawakna satokatka Egito tshijne nwaka.

Atos 7:16

Wane wkatanuko ranikkana wannani mane Siquém tshinikowaka hkapnatkanna. Siquém Abraão mnukawa ranjixyana Hamor klopichane tiyiroya waneko hkapnatkana.