Gênesis 50:11 - Bíblia

¹¹ Waneya wane hajene Canaã tshijne hajene hexinixkalu tshiyahlu pa hixanu hiplokjexikowaka Atade tshinikowakaya wla htshinatkana: — Halikaka egito-nerune wamonuwnapotuta. Hiyáhoni pa hixanu hiplokjexikowaka Jordão wennestsi hwatshri Abel-Mizraim rutakhiwakatluna.

Gênesis 50:11 ပူးပေါင်းရင်းမြစ်များ

Gênesis 13:7

Waneya hyinuwaka hahkakakjeretna Abrão-pra hislahatshine, Ló-prane hislahatshineyma. Waneklu papko cananeu-nerune, hiyrunu ferezeu-nerune wane tshiji hwakanata.

Gênesis 24:6

Waneya Abraão hihitlu wla htshinru: — Xako puslahanru hikeklu hohne xako noturu wane pyokanatanu.

Gênesis 34:30

Waneya Jacó hiwhenene Simeão, Levi riynumatatka wla htshinatkana: — Hixa kojwakatkano. Hixa nahjikowaka hkamhiyno yine hetanuya, cananeu-nerune hetanuya, ferezeu-nerune hetanuy-koxa nahkako. Hix-honra mixonwu hiyáhoni rapatjetanna hkamnixyawakapnona, hnikatannona hita hiyrun-koxa nopji hajenepni.

Gênesis 50:10

Pa hixanu hiplokjexikowaka Atade tshinikowaka rapokatkana Jordão wennestsi hwatshri hwamonuwnatkana tsru tshiyahlu rixatkana. José hitaklu hwamonuwaxinri hohnena sete hohne pejnu rurni ruchinijinri hohne.

Gênesis 50:12

Waneya Jacó-ni whenene rixa towutlekanaxyawakatkana rixna.