Gênesis 5:29 - Bíblia

²⁹ Rutakhiwakatlu Noé, wla htshinru: — Xyekni hapnanuhchinikankakanwu wkamrure tshinanu hiyrunu wimyokaka hamanre rapnankakanu, xye tshijiya Tsru Hixikatshriwa Hoyakalu hektuwaka tshinyawaka tshijneni.

Gênesis 5:29 ပူးပေါင်းရင်းမြစ်များ

Gênesis 5:28

Riwekatka Lameque cento e oitenta e dois mhale waneya hwuhenetlu satu hiwhene.

Gênesis 5:30

Waneya wane pnute Noé matuxinixka riwekatka Lameque quinhentos e noventa e cinco mhale. Lameque wuhenetna hiwhenene jejine, suxon-koxa.

Gênesis 7:23

Hiyahokni wane rixa nikawnaletna ptowru hiwekatshri tshij-hoho hwakanatatshri, yineru, nikalu, tshij-hoho yosrolotatshri, kamejirune tenhohne yapatshine koxa nikawna tshij-hoho rawyawakna; rutukatka Noé tsonu hiyrunu tsro kanawatlo yatshine.

Gênesis 9:24

Waneya riknohpohayehitatka Noé vinho-ha rimatyehixnatkawa Noé klu hkamhiylu hituru hepurtshi.

Mateus 24:37

Noé-klu papko pixka rixanu Jeji Whene tshinkaluru hapojinri papkopa.

Lucas 3:36

Selá hirutlu Cainã, Cainã hirutlu Arfaxade, Arfaxade hirutlu Sem, Sem hirutlu Noé, Noé hirutlu Lameque,

Romanos 8:20

Klu tshinanu ptowruka Hoyakalu kamhaleru hiprotakatka moyakatu rixyawakatka, hi waleko ralujyawaka tshinanni seyni Hoyakalu haluklu wan-rixyawaka. Klu tshinanu rawa xye kahwakachalupa:

Hebreus 11:7

Halixlu tshinanu Noé tshinkaluru jemlu jhamleru hinatshripa pirana Hoyakalu hinkajyalu. Hoyakalu tokanu hkahwakpiratatka Noé hiyáhoni tsro kanawa ralpokohnaputlu hhanunro hiyrunu hiwhenene riwekkajyawakapa. Xye pirana ptowruka romkahita Noé yahmaklu mapokatuwa pirana runkakka. Xye pirana romkahle tshinanu xye tshijne rukolukanuwnakakatka. Hiyrun-koxa Noé yoptotatkalu Hoyakalu potukatlewle halixlu tshinanu.

1 Pedro 3:20

Wannani mitshikawlunni, hektuwaka kamhatshinni, Noé-ni klu papko hiwekatshinekananni. Klu tshinanu Hoyakalu mchiretannutni hkahwakachatmaka tsro kanawa kamhako pchinika. Waneklu papko hi hixo yine hiwekkaka. Oito yine tsonu hiwekkaka hahyekachalu tshinanuya.

2 Pedro 2:5

Hiyrun-koxa Hoyakalu hi hohnetlu mitshikawluru tshiji seyni hahyekachalu hyokanahohotanna yinni, Hoyakalu malukanni. Halikaka Noé tshinkaluru, oito rixinri, potukawaka pirana jinkakletakleru, riwekkaka Hoyakaluya.