Gênesis 5:22 - Bíblia

²² Enoque Hoyakaluyma yana. Waneya wane pnute Metusalém matuxinixka Enoque hiwekatka trezentos mhale. Hwuhenetna hiwhenene jejine, suxon-koxa.

Gênesis 5:22 ပူးပေါင်းရင်းမြစ်များ

Gênesis 17:1

Noventa e nove mhale rixinixka Abrão, Tsru Hixikatshriwa Hoyakalu hakanhayehitlu waneya wane htshinru: — Hita Ptowru Himukata Kamhaletatshrino Hoyakalno; Hitayma pyanu potuka hchinikanupyi.

Gênesis 24:40

Waneya wla htshinatkano: — Tsru Hixikatshriwa Hoyakalu niyanjereru yokanatanru htowreru tenhohne hajeru pixayma repixyawakapyi pyanreya. Wane hixatshripyi nuruni poktshi nwaka pyanu, nomolene wane hajene yehi waneya waneko suxo pwapini noturu hhanunroxyawakaplo.

Gênesis 48:15

Waneya kihleru htshinanwakatlu José, wla htshinru: — Nanjitlu Hoyakalu nurunni Abraão-ni, Isaque-ni homkahleru, nohlutjeru niwejinri pchinika haté xawakni,

Gênesis 5:21

Riwekatka Enoque sessenta e cinco mhale waneya hwuhenetlu Metusalém tshinkaluru.

Gênesis 5:23

Ptowru potniko riwejinri hohne Enoque trezentos e sessenta e cinco mhale.

Gênesis 5:24

Hoyakalu riyana Enoque waneyatka ramhatka klu tshinanu Hoyakalu haniklu waleymatkalu.

Gênesis 6:9

Xawakni Noé piranapni: Noé jeji kihlerni, maylokletni waneklu papko. Noé Hoyakaluyma yana.

Lucas 1:6

Hiyrun-koxa powrahchinikanurunni wanna hepi Hoyakalu hetanuya. Kajnákona Tsru Hixikatshriwa Hoyakalu hiykolukaka. Hi psojikna hpupjexyana.

Atos 9:31

Hiyáhoni Cristo halixatshine hapatjetatshine xkehkaka Judeia tshijneya, Galileia tshijneya hiyrun-koxa Samaria tshijne psoluyaka hihlewahchinikanutatka. Htseruwahchinikanutatkana hiyrunu hkahwakpiratluna Tsru Hixikatshriwa Jesus hiyrunu rixolewnatkana, Hoyakalu Hiwejikaluru hislahle tshinanu.

Romanos 8:1

Hiyáhoni Cristo Jesus munanhalene hi hjihyehitkona Hoyakaluya.

1 Coríntios 7:17

Seyni riwejinri Tsru Hixikatshriwa Cristo heneksaxya tshinanhi satkakhi hixa wanekananuko hixa hiwekletanutka Hoyakalu tshanixiniklunutkahi pixkako hixhohnekanatanutka. Wane nixa hasrukletna ptowruneka Cristo halixatshine hapatjetatshin-yehkaka.

2 Coríntios 6:16

Hanhe xawaka rumukata pixkakaklu hixleta Hoyakalupji mayawletshichayma malixkane munanhaleru? Klu tshinanu hixakni Hoyakalu Hiwejikalurupjiwu. Klu tshinanu Hoyakalu potuko hali wan-tshinretatka: “Wanna hitokote nwanu, wanna nyanini. Royakalutepnona. Wannapni nayinetene.”

Efésios 5:15

Hiyáhoni xakoka. Hislahpotuxinwa hanu hixa hiwekletanu. Hi mimatjemkane pixka hixa hiwekletanu seyni jimatkalurune pixka hixa hiwekletanu.

Colossenses 1:10

Waneyakni hixa himukata kamhaletanru Hoyakalu halujyawaka hiyrun-koxa Hitsrukate Hoyakalu hiwaka himalwutko hixa hixjexyawaka tshinanu. Tseruwnatshinephi ptowru potuko kamrurtshi kihleruya hiyrunu tseruwnatshinephi Hoyakalu himatyehipotuxyawaka.

Colossenses 4:5

Himatkalnuyma hiwekanu malixkane hetanuya. Hiwekka pchinika hi hetachaxinwa.

1 Tessalonicenses 2:12

Wumutjekanathi, wapnanuhchinikankakjekanathi, wuykojekanathi Hoyakalu halujyawaka himukata kamhaletanu hixa hiwejinriya. Tomhakalunhi waleko hpohirewaxyawaka hajene hixyawakapa hiyrunu royaknu himwatshine hixyawakapa.

1 Tessalonicenses 4:1

Hiyáhoni wane pnute Cristo tshinanu wmoletanune, wanjithi hiyrun-koxa wuykothi, Wutsrukate Jesus tshinanu, wan-hixa hiykotkota hanu potu haluk-hixleta Hoyakalu hikchikhihlenreru tshinanu xawakni hkamhaleru hpaklu kamhaletanru.

1 João 1:7

Katawaka wyaniniklunu wale pixka, hixa hatajnutatshinepwu pa hchinikanurukakatshinepwu hiyrunu Hituru Jesus hraha powratjetwu ptowru hektuntshi tshinanu.