Gênesis 49:18 - Bíblia

¹⁸ Ha Tsru Hixikatshriwa Hoyakalu hektuntshi yehi nuchokakjeryi pixa. Xyekni nkahwakjekanata.

Gênesis 49:18 ပူးပေါင်းရင်းမြစ်များ

Gênesis 49:17

Dã himnu hatnu hapo kwakleru pixkalutupni, himnu kamaklewatatshripni yine yapawakle hapo hwatshripni. Cavalo jixi rachkatanu, hiyáhoni hjijrukanru cavalo tji yapatshri.

Mateus 1:21

Tmatuwhenetanu jejipni. Putakhiwakatanru Jesus, klu tshinanu riwekkakanna rayinetene hkonahektunutanunpatka.

Marcos 15:43

waneya rutshpokpiraxini rapokatka José, Arimateia hajeru. Wale yineru hijhakalurni, tsru jemahchinikankakatshine yehi hajerni. Hiyrunu Hoyakalu pohirewaxyawaka kahwakatshrini. Htseruwahchinikanumta ranjixyawakaplu phuru Pilatos Jesus mane renejikowakapa.

Lucas 1:30

Seyni hiwejikaluru Hoyakalu towreru tenhohne hajeru wan-tshinro: — Hi ppikanu, Maria, klu tshinanu kihlehchinikanru Hoyakalu pixa tshinanu.

Lucas 2:25

Jerusalém poktshi rawakanata satu jeji Simeão tshinkaluru. Waleni jeji potukalu, kchinikanuru hike mixkatuwa. Israel-nerune hiwekkakatshripa kahwakatshrini. Hoyakalu Hiwejikaluru waleymalu.

Lucas 2:30

Klu tshinanu netlu, noyhale potuko nexyalu, Hiwekkaklewatatshri pyokanreru.

Lucas 23:51

Wale honra hi hehe htshinatkana pimrine repirene hijhahchinikanutatshineya Jesus jihyehixikolu piranaya. José tshinkaluru Arimateia tshinikowaka hajerni, judeu poktshi. Hiyrunu Hoyakalu pohirewaxyawaka kahwakatshrini, wale koxa.

Romanos 8:19

Ptowru potuko Hoyakalu kamhaleru chiretmaklu rakanhiywakna Hoyakalu whenene.

Romanos 8:25

Seyni wma metkanuklunru wkahwakachaleru, wkahwakachatanru.

Gálatas 5:5

Seyni hixa, wkahwaklu Hoyakalu halukanwu. Klu tshinanu Hoyakalu Hiwejikaluru pixkonu tshinanu hiyrunu walixle tshinanu wumukatlu.

1 Tessalonicenses 1:10

Jesus, Hoyakalu whene, hipuktshi riwekkajikatka Hoyakaluya, tshiji rapokanutnaka tenhohne ruchpajini hkahwakachale pirana, kpohitka, Jesus honra wkochpakjeru wapnokaxikolu hinatshripa yehiya.