21 Waneya Israel wla tshinru José: — Nupnanu hita seyni Hoyakalu pixaymalu hiyrun-koxa ranikanyi purunni tshijne pyiywakpatnaka.
Abrão hanikna waleyma hyiywakna hhanunro Sarai, Ló repuru whene, hiyrunu ptowru rejnunkate rimwanru hiyrun-koxa ptowru rayinetene Harã tshijne rukchijinine ranikamta. Hyanna Canaã tshiji nwaka. Waneya rapokna.
Seyni napnokatanunna hsaletjenepni waneya wane pnute ruchpajinrinna tsru pohirewnaleymana.
Quatro hatjirtshine pnutpatka hewi hsatkapanna piklopichane klu tshinanu hi hektupotu wanna amorreu-nerune.
Wane tshijneko pwanu. Wane pixini pixaymapno, nepixanyi. Klu tshinanu nyi tshijnekaka ptowruka nenekanyi pixa hiyrun-koxa pixa klopichane nenekanru nyi tshijnekaka ptowruka. Hiyrun-koxa nunkajyatkalu puru Abraão-ni pirana mitshi nixanyi pixa.
Halikaka pixaymano, pixa ninotanu hanukta pyanu, wane koxa nwanu hita hiyrun-koxa nkamhanru xye tshiji psatkapyawakapa klu tshinanu hi nuknokanyi haté nunkajyawakyi nnikat-kamhaletanu.
Jacó wane hwajeta rurni hwajekanaxyawaka Canaã tshijneya.
Egito tshijne nwaka nyanu pixayma. Hiyrun-koxa pa hohne wane nkochpakkajinyi. Pupninipa José hichyayhaletanunyi himyoya.
Waneya rupnakastsi Jacó, hituru José repukatka waneya wla htshinru: — Pukchikhihlenuxinno nanjityi pimyo noskota putakanu, punkakanno kihleru pixanno, hi Egito tshijne pkapnatanno ptshinanno.
Waneya hma mupnaknu pchinika José, José hinkakna himolene, wla htshinna: — Nupnakastsitkani. Seyni Hoyakalu halikaka hiphujewnayehitanhi hiyrun-koxa xye tshijne hkochpajiniphi, ranikanhi tshiji runkaklexyalu Abraão-ni, Isaque-ni, Jacó-ni nwaka.
Waneya phuru Faraó hihitlu, wla htshinru: — Wanetshi pyanu, purni pkapnatapanu ptshinyawakatka mitshi.
— Xawakni, Nutsrukate Hoyakalu, wane potuko pixkakno ptshina hinkaklexyawakpotukno ptowrerno. Hiyáhoni xawakni nunhayi nupniywakpatka kihlehchinikanurukno.
Waneya Paulo pnute hya hinkakleta: — Davi kamhalu Hoyakalu halujyawaka riwejinri pchinika. Waneya rupnatka, rutsrukatenni yehi hkapnaxika waneya himane hijpahatka yomletshiya.
Klu tshinanu hi howukchini nupnanutka niwekle hiyokhatko henekachalu pixka Hoyakalu tshinanuya. Rapokatka nupninri papkopatka.
Hike ruruta. Hike runrota. Rutsrukatene hi kapiranyehna. Hi kyinuwakle piranru. Hiyrun-koxa hi kapiranyehru hnikawninri. Hoyakalu whene pixka rixatka. Sacerdote rixhohnekanaxinripni.
Sacerdote-ne, tiyiro psoji yoptotatshinekananu, yinechakananni hiyáhoni hipnatshinepni. Seyni Melquisedeque mitshi hejnu psoji yoptotatshritka, Hoyakalu tokanu hiphujetlu, xye hpaklu hiwekletawa.
Klu tshinanu nimatlu xekoyaka xye nomane nuchotanu. Wutsrukate Jesus Cristo tshinakanaxyawakno pixka, nixko.