Gênesis 48:16 - Bíblia

¹⁶ Hiwejikaluru tenhohne hajeru nepixjeru ptowru hektutu niknohkakjeru nanjita kihleru rixyawakapna maklujine. Hita hiwaka hhiwakaxikolupna hiyrun-koxa nurunni hiwakkaka Abraão-ni, Isaque-ni hhiwakaxikolupna. Htseruxikowakapna hixolune rixikolupna tshiji hanikajiteya.

Gênesis 48:16 ပူးပေါင်းရင်းမြစ်များ

Gênesis 22:11

Seyni waneklukawa potuko Tsru Hixikatshriwa Hoyakalu towreru tenhohne hajeru hiynumatlu Abraão hipokananu tenhohneya wla tshinatshri: — Abraão, Abraão. Waneya Abraão hihitlu wla htshinru: — Hewino.

Gênesis 22:15

Waneya Tsru Hixikatshriwa Hoyakalu towreru tenhohne hajeru hipokananu hiynumatatnaklu Abraão tenhohne ruchpaktokanuxya.

Gênesis 32:28

Waneya jeji wan-tshinru Jacó: — Xawakni hi Jacó phiwakatko seyni Israel phiwakatko klu tshinanu Hoyakaluyma pyapretaklu, yineyma koxa pyapretaklu hiyáhoni pyoptotlu.

Gênesis 46:3

Waneya wla htshina: — Hitni Hoyakalu, purni Hoyakalutno. Hi ppika Egito tshijne nwaka yaletanu. Satu neru hixkolune nixkakanyi waneya.

Gênesis 48:5

Hiyáhoni xawakni piwhenene jejine hepi pmatkaklene Egito tshijneya pix-yehi nmapokkanuklunuwa Egito tshijneya wanna hitanni Rúben hiyrun-koxa Simeão nimwiywaka pixka rixna.

Gênesis 49:22

José hahmuna kwakleru pixkalutupni. Hahmuna hakophastsi hitakkaluru pixkalutupni. Hiplukaka cerca pa sreta rontapluxini.

Mateus 6:13

Hi yahtalexikowaka putakanwu, seyni hektutu himukatle halikaka pkochpajinwu. [Pohirewaxyawaka pixanni, himukatlu pixanni hiyrun-koxa hoyaknutshi pixanni rixhohnekanaxyawaka. Amém.]

João 17:15

Hi nanjityi xye tshijne pkochpajyawakapna seyni nanjityi pinoxyawakna kamtshi hma kojwajyawakanupna.

Atos 15:17

Waneya pa nerkaka himukata hapohchinikanretanru Tsru Hixikatshriwa Hoyakalu haté judeu mixkane ptowruneka nhiwaka hitakatshine,

Romanos 8:23

Hi Hoyakalu kamhaleru msamenrutu tsonu hotshhita seyni hix-koxa wan-hixa. Hiwejikaluru Potukalu Hoyakalu henekachale himwatshinwu. Wotshhita hitoko maneya haté Hoyakalu hali wan-hixlexinipwu wale whenenepotpakotkawu. Waleni wimane hiwekkajikol-potuko.

1 Coríntios 10:4

Wanna ptowruneka hirlu walerutu hirkaluru Hoyakalu Hiwejikaluru henejyana. Klu tshinanu sotlu honneha hiwekkaklewatatshri rurhatna, sotlu rimotsatjerna Cristo.

1 Coríntios 10:9

Hiyrun-koxa hi wyahotanru Tsru Hixikatshriwa Cristo hi wkahwakanru wektunu hma mapnokaxyawakanupa satkakni israel-nerunni pixka. Himnune hiylakanna wannani.

2 Timóteo 4:18

Tsru Hixikatshriwa Jesus kochpakanno ptowru hektutu kamrurtshiya. Riwekkakanno tenhohne hajeru pohirewaxyawaka tshinanu. Himalwutkalurni wale ptowru hohneruka mnikawnakatupa! Seyoka.

Tito 2:14

Renejnawa hixa repixyawakapa. Wan-rixa hkochpajyawakapwu ptowru jikolukanuruya ruhlexyawakapwu waleko rayinetene wixyawakapa, jmererunepwu kihleru kamhalu tshinanupa.

Hebreus 11:21

Halixlu tshinan-koxa rupnakastsitka mitshi Jacó kihlewaka htshinanwakatna José whenene hepi. Hyotmikleyma hkanojere ripoyehixnawa waneya wan-hixatshritka himalwutlu Hoyakalu.