Gênesis 48:15 - Bíblia

¹⁵ Waneya kihleru htshinanwakatlu José, wla htshinru: — Nanjitlu Hoyakalu nurunni Abraão-ni, Isaque-ni homkahleru, nohlutjeru niwejinri pchinika haté xawakni,

Gênesis 48:15 ပူးပေါင်းရင်းမြစ်များ

Gênesis 17:1

Noventa e nove mhale rixinixka Abrão, Tsru Hixikatshriwa Hoyakalu hakanhayehitlu waneya wane htshinru: — Hita Ptowru Himukata Kamhaletatshrino Hoyakalno; Hitayma pyanu potuka hchinikanupyi.

Gênesis 24:20

Waneya tchiretatka tuyokhatlu honha hachhaji hwatshri pratshine hirawakleya waneya tasukamtatnaka hakopha nwaka honha tsajehaxyawaka wale prane camelo-ne ptowruneka tshinanu.

Gênesis 24:40

Waneya wla htshinatkano: — Tsru Hixikatshriwa Hoyakalu niyanjereru yokanatanru htowreru tenhohne hajeru pixayma repixyawakapyi pyanreya. Wane hixatshripyi nuruni poktshi nwaka pyanu, nomolene wane hajene yehi waneya waneko suxo pwapini noturu hhanunroxyawakaplo.

Gênesis 27:27

Waneya walestsi potuko hyatka. Ramlutlu ruru. Ruru hamluphatlu himkalu hiyáhoni kihleru htshinanwakatlu, wla htshinru: “Ha noturu pixapha campo-pha pixka htshinaphata, Tsru Hixikatshriwa Hoyakalu campo hnurreru pixka pixa.

Gênesis 27:4

Waneya nikalhitujpa nannaleru potuko pkamhinno. Wale panijinno nnijyawakako kihleru pirana nunkajinyi nupnale hnapu.

Gênesis 28:20

Hiyrun-koxa Jacó Hoyakalu runkaklexyalu rixannu, wla htshinatka: “Hoyakalu hitaymalutu rixinpakni, repixanno xye nyanre hapoya, rohluxinipno, mkatshri rukchijinipno,

Gênesis 28:22

Hiyáhoni xawakni xye sotlu nyotupakleru histsihi rixinixkawa Hoyakalu pjipatkani. Hiyrun-koxa ptowruka penejyano xyekaka dez penejyano psojite nsatkajinyi halikaka.”

Gênesis 28:3

Hoyakalu Ptowru Potuko Himukatatshri hepixanyi, rixoletanyi, hixolunepyi, hixo nerunepa rixkakanyi.

Gênesis 35:3

Waneya wpalnanu Betel nwaka wyanu. Waneko satu altar nkamhini Hoyakalu tshinanu. Waleni nyijnakotjeru napohchinikanutlu mitshi nkaheknanuwle klu papko. Hitaymakananru nyapyawaka pejnukananuya.

Gênesis 48:16

Hiwejikaluru tenhohne hajeru nepixjeru ptowru hektutu niknohkakjeru nanjita kihleru rixyawakapna maklujine. Hita hiwaka hhiwakaxikolupna hiyrun-koxa nurunni hiwakkaka Abraão-ni, Isaque-ni hhiwakaxikolupna. Htseruxikowakapna hixolune rixikolupna tshiji hanikajiteya.

Gênesis 49:22

José hahmuna kwakleru pixkalutupni. Hahmuna hakophastsi hitakkaluru pixkalutupni. Hiplukaka cerca pa sreta rontapluxini.

Gênesis 49:24

Seyni wale koxa hi rimenuwakatshraleta, hiyrun-koxa himyo mixkowatatka Jacó Hoyakalute myo hixkolu himukatleyma. Suslahlewakleru hiwaka tshinanu, israel-nerune sotle.

Gênesis 49:28

Nyikaka doze xkehna israel-nerune. Xye tokantshi tserutlewatatshri htshinanwakatna rurna. Satkaka yoptotatkalu waleko htserutjeru pirana ruru tserupiranaxyana.

Gênesis 6:9

Xawakni Noé piranapni: Noé jeji kihlerni, maylokletni waneklu papko. Noé Hoyakaluyma yana.

Lucas 1:6

Hiyrun-koxa powrahchinikanurunni wanna hepi Hoyakalu hetanuya. Kajnákona Tsru Hixikatshriwa Hoyakalu hiykolukaka. Hi psojikna hpupjexyana.

1 Coríntios 10:31

Hiyáhoni hnijini, hirini, kluneruktako hkamhini, ptowru potuko hkamhanu Hoyakalu himalwuxikolu tshinanu.

2 Coríntios 1:12

Xyekni walixkoxnawakwa, hi wkojwakahchinikanuta wixjexyawaka tshinanu klu tshinanu wekhithi wixa hiweklexyawaka pixka. Phujewak-potuko wixa kamhaletanru ptowruko hike weyawlu wunkakhi, Hoyakalu tshinanu. Hi yine himatkalnu tshinanni seyni Hoyakalu hepixle tshinanuya.

Colossenses 2:6

Hiyáhoni mitshikananu hixa yoptolexyawaklu Tsru Hixikatshriwa Jesus Cristo pixka hixa homkahretanru.

1 Tessalonicenses 2:12

Wumutjekanathi, wapnanuhchinikankakjekanathi, wuykojekanathi Hoyakalu halujyawaka himukata kamhaletanu hixa hiwejinriya. Tomhakalunhi waleko hpohirewaxyawaka hajene hixyawakapa hiyrunu royaknu himwatshine hixyawakapa.

Hebreus 11:21

Halixlu tshinan-koxa rupnakastsitka mitshi Jacó kihlewaka htshinanwakatna José whenene hepi. Hyotmikleyma hkanojere ripoyehixnawa waneya wan-hixatshritka himalwutlu Hoyakalu.