Gênesis 47:29 - Bíblia

²⁹ Waneya rupnakastsi Jacó, hituru José repukatka waneya wla htshinru: — Pukchikhihlenuxinno nanjityi pimyo noskota putakanu, punkakanno kihleru pixanno, hi Egito tshijne pkapnatanno ptshinanno.

Gênesis 47:29 ပူးပေါင်းရင်းမြစ်များ

Gênesis 24:2

Waneya Abraão hiynumatatkalu htowreru mitshikawluru rimwaleru ptowruka towutatshri wla htshinru: — Pimyo noskota pyochmakanu. (Wane rixakanatna mitshkawlunni pa pirana renejinpatka klu tshinanu Abraão hipnakastsitkani.)

Gênesis 24:49

Hiyáhoni xawakni paluka kihleru kamhanwaklexiniplu ntowutjeru punkakanno ho pitshiterohe ho hike nimaxyawakaplu hanu nixanutka, hewirhe nutukanu ho pnu sretakla nyanutnaka.

Gênesis 27:2

Waneya Isaque wla tshinru: — Tsrutsolejitkano. Hi nimatlu nupnale hohnepa hikluktapni.

Gênesis 3:19

Hiyáhoni pihoji ruchpajini puhkokha pnikleru pkochpajyawakapa haté pupnanu psatkapanu tshiji klu tshinanu tshiji kamhikolyi. Kajpapahyi, kajpa pahiko pixinixnakwa.

Gênesis 47:9

Waneya Jacó yanumatatka, wla htshinatkalu phuru Faraó: — Niwejinri hohne pejnu cento e trinta mhale. Hi hixo mhale niwekahoxnawawa hiyrun-koxa tsru kojwaklu neta niweka pchinika. Wanepnawaka hi nutsrukatenni mhale pejnu napkapkawa.

Gênesis 48:21

Waneya Israel wla tshinru José: — Nupnanu hita seyni Hoyakalu pixaymalu hiyrun-koxa ranikanyi purunni tshijne pyiywakpatnaka.

Gênesis 50:12

Waneya Jacó-ni whenene rixa towutlekanaxyawakatkana rixna.

Gênesis 50:5

“Nurni mitshi towutno nunkaklexyawaklu ranjire nkamhiywakapa. Wla mitshi htshinrewatni: Hetanu nupnakastsitkani hiyáhoni yomletshi njitotjixleru Canaã tshijneya pkapnaxinno. Hiyáhoni nanjityi hitshitanno nyiywakapa nurni nkapnatapyawakapa. Waneya nsatkapanu.”

Hebreus 11:22

Halixlu tshinanu José mitshi rupnakastsitka hkochtsheklu israel-nerune Egito tshijne ruchpajyawakapna pirana. Hiyrun-koxa ranikjixlu himanni hapu.

Hebreus 9:27

Satkaka yineru hipnatshripni. Waneya wane wkatanupa rawanu hikolukanuwnalkaka.