Gênesis 47:22 - Bíblia

²² Sacerdote-ne tshijne tsonu hi ranjitatka klu tshinanu wanna phuru Faraó kotnujyatkana hnikanrupna. Hiyáhoni hi ruchankaluna htshijnena.

Gênesis 47:22 ပူးပေါင်းရင်းမြစ်များ

Gênesis 14:18

Waneya Melquisedeque, Salém poktshi pohire, haniklu pão, vinho-ha koxa; xyekni Tsru Hixikatshriwa Hoyakalu sacerdote-te.

Gênesis 41:45

Waneya Faraó hehiwakatlu José. Zafenate Paneia hhiwakatlu hiyrun-koxa reneklu hhanunroxyawakaplo Asenate tshinkaluro, Potífera hiwakatletatshri, Om poktshi Hoyakalu minje pirana kosekatshri whene. Waneya José Egito tshijne psoluka hyajetatka.

Gênesis 41:50

Hixpotuko honantshi papko hepi whene tmatkajyatkalu José, Asenate tshinkaluro, Potífera hiwakatletatshri, Om poktshi Hoyakalu minje pirana kosekatshri whene.

Gênesis 47:21

Hyokmakatkana yine kahnete hwakanatatshine haté ptowru sreta Egito tshijne mahle sreta hwakanatatshine, poktshi rawyawakapna.

Gênesis 47:23

Waneya José wla tshinna yine: — Hetanu, xye hohne hixa nanjitatka phuru Faraó tshinanupa hiyrun-koxa hixa tshijne nanjitatka phuru Faraó tshinanup-koxa. Seyni hewitkalu hitataji, hixa tshinanupni. Wala tataji hitakanru tshiji.

Gênesis 47:26

Waneya José satu towuwlu hkamha Egito tshijne hajene tshinanu. Satupka cinco-te rutaklena renejikowakapa phuru Faraó seyni sacerdote-ne tshijne tsonu hi phuru Faraó renekapsojitetko. Wane rixa towuwleta Egito tshijne haté xawakni.

Mateus 10:10

hi koxa hanikanru sacola, hi hepi mkatshriko, hi sandalha-ko hi kanojeruko hanikanu klu tshinanu kamrurewatatshri himukata yoptoletlu hkamrure hipekole.

1 Coríntios 9:13

Hixlahe xawaka himatlu Hoyakalupji kamrurewaxikatshine nikjetlu Hoyakalupji hiylajexikalurkaka. Hiyrun-koxa hixa himatlu nikalni altar hoho hiylaxikalurni psojni hyoptotna altar yehi kamrurewaxikatshine.

Gálatas 6:6

Ptowru Hoyakalu pirana hasrukkalune hijhalu ptowru kihleru hepixlewatatshri rapijyawakluna Hoyakalu tokanu rasrukjerna.

2 Tessalonicenses 3:10

Klu tshinanu hixa tskala wwakanaxini wla wtshinhi: “Hma kamrurewatkanuklunu yineru, hike hnikanuna.”

1 Timóteo 5:17

Cristo halixatshine hapatjetatshine kosekatshine kihle hinotlerune, kahwakkalunepni. Wan-hixatshine hijhalu hwenuthihlenuxikowakna. Wanna honukla hiwekkaklewatatshri pirana jinkakletaklerune potuko hiyrun-koxa Hoyakalu hasrukle hasruklewatatshine potu wan-hixko.