Gênesis 47:19 - Bíblia

¹⁹ Hiyáhoni kluhe wimetachatko wnikaxikowakapa hixa hiyrun-koxa wtshijne nikaxikowakapa pixa hetanuya? Hiyáhoni panjitanunwu hixa hiyrun-koxa wtshijne panjitanu honantshi kachrijru waneya phuru Faraó towrenepatkawu. Hitataji penekanunwu wiwejyawakapa, wma mupniywakanupa natshi tshinanu, tshiji mutakletu hmixyawakanupa.

Gênesis 47:19 ပူးပေါင်းရင်းမြစ်များ

Gênesis 41:36

Hiyáhoni wale honantshi hpoyaho hakotlexyawakapna xye tshijne hajene, honantshi mahle hinatshri pchinika Egito tshijne hma mupniywakanupna yine natshi tshinanu.

Gênesis 47:15

Waneya yine Egito hajenni tiyirote mahatatka hiyrun-koxa Canaã tshijne hajenni mahatiyirotetanatka waneya yine yanwakatlu José waneya wla htshinruna: — Honantshi penekanwu! Hi petachatanunwu wupniywakapa tiyiro mahle tshinanu.

Gênesis 47:18

Waneya wale mhale hiknohatka waneya hepi rixinri mhale hsatokanwakatluna José, wla htshinruna: — Hi wyohimayehitanyi pixa wutsrukate tiyiro wmahaxya, wiprane koxa pumutukatka pixa wutsrukateyi hiyáhoni hike potuko wumutukatka seyni wimanepka wimwatka hiyrun-koxa wtshijne tsonu, seyoka.

Gênesis 47:20

Hiyáhoni wane rixa José hanjixyalu Egito tshijne psoluka phuru Faraó tshinanupa klu tshinanu egito-nerune ptowruneka hichanjiyatkalu wannako h-campo-tna klu tshinanu tsru natshi retna wanna ptowruneka hiyáhoni wale tshijne ptowruka rimwatka phuru Faraó.

Mateus 16:26

Hanhe rixa hepixletlu yineru xye tshijne hihlenu psoluka hkayaxiniklunu seyni riwejinri ramtakanuna? Kluhe xawaka ripekotanru satu jeji riwejinri tshinanu?