Gênesis 45:5 - Bíblia

⁵ Hiyáhoni xawakni hi hkojwakahchinikanutanu hiyrunu hi hahjinwa wkata hichanjiywakno tshinanu klu tshinanu Hoyakalu hixkajyawakno hewi napokahnaputhi yine riwekajyawakapa.

Gênesis 45:5 ပူးပေါင်းရင်းမြစ်များ

Gênesis 37:28

Riknohinixkana jichanrewaklerune midianita-nerune, José molene kapna tenopnalu hkochpajyaluna José waneya ismaelita-nerune ruchanjiyatkaluna. Vinte proji prata hkayaxyaluna José wenru waneya ismaelita-nerune Egito tshijne ranikluna José.

Gênesis 47:25

Waneya wanna wla tshinru: — Piwekkakatkawu. Hiyáhoni pixa wutsrukatyi pukchikhihlenuxyawakwu tshinanu phuru Faraó towrertshinepatkawu.

Gênesis 50:19

Waneya José wla tshinatkana: — Hi hpikanu. Hkahwakluhe Hoyakalno hita?

Gênesis 50:20

Hix-honra haluka hektuwaka kamhalexyamkano mitshi seyni Hoyakalu halukatkalu kihleru rakanhakajyawakapa, hixo yine riwekkajyawaka wexyawakapa haté xawakni hohne.

Gênesis 50:21

Hiyáhoni hi hpikanu. Nohlutanhi hixa hiyrun-koxa hixa whenene nohlutanu. Waneya rapnanuhchinikankakatkana. Kihlewaka htshinatkana.

Lucas 23:34

Waneya Jesus wan-tshina: — Nuru, pamtakahchinikanyehitanru nyi yine hektunu. Klu tshinanu hi rimatna klukta hkamhana. Waneya hiknokkaluru ruknokna rimaxyawakapna katu kayatanru Jesus-ni mkalu.

2 Coríntios 2:11

Rumtuknu namtakanu Satanás nma menekyapawaklexyawakanupa klu tshinanu wimatlu hanu rixa kamrureta Satanás.

2 Coríntios 2:7

Seyni xawakni pnuko hixanutka. Hixa hijhalu hamtakahchinikanyehixyawaklu rumtuknu hiyrun-koxa hyoptoxyawaklu kihler-piranayma. Wane hmixkanuklunru hwamonuwle himukata himtukletanru.

Filemom 1:15

Onésimo hetko wane ruchpajyatka pchinhohnejiji tshinanu tsonu xawakni klanu hyamtanutka pimwahohnekanaxyawakaplu.