Gênesis 45:26 - Bíblia

²⁶ Waneya wane htshinruna rurna: — José hiwekawa! Haté Egito tshijne psoluka towutatshrini. Waneya rimyekhajita Jacó. Hi ralixatkana.

Gênesis 45:26 ပူးပေါင်းရင်းမြစ်များ

Gênesis 37:31

Waneya José mkalu kakoje yonhalu ranikna waneya satu bode ruylatna, wale hraha hsahatluna José mkalu.

Gênesis 37:35

Waneya hiwhenene jejine, suxon-koxa yanwakatlu ruykoxyawakluna seyni wale hi yijnakotlu ruykoxikolu seyni wla htshinahonuka: — Hi nutuk-wamonnutanu haté nyanwakaxinri noturni, nupninpatka. Hiyáhoni Jacó tshiyahpohwakatanru José-ni.

Gênesis 42:29

Waneya hyamtna rapokluna rurna Jacó yehi Canaã tshijneya. Ptowru potuko ruknohjerna pirana runkakluna.

Gênesis 42:36

Waneya rurna Jacó wla tshinna: — Hita hamtakawhenkaka. José-ni hamhanatka, Simeão-ni koxa hamtajyatkano hiyrun-koxa xawakni Benjamim haluka hanikletatnaka. Xyekaka ptowruka kamnitno.

Gênesis 42:38

Waneya wla htshinru: — Noturu hi hixaymaplu klu tshinanu himoleni hipnatka hiyáhoni walepkani. Rahijewninipa hatnu hapoya klatajiwuruknotshi hipuktshi nwaka yanu tsru wamontshiyma.

Gênesis 44:28

Satu wanna hit-yehi hamhiyatka, nijewlu hetko kopalhitutanatkalu, ntshinatka. Waneklu kananuko haté xawakni hi netanatkalu.

Gênesis 45:25

Waneya Egito tshijne ruchpajyana José molene, rurna, Jacó nwaka hyana Canaã tshijne nwaka.

Gênesis 48:11

Waneya Israel wla tshinru José: — Hetanu hi nkahwakatkalu pixa nexyawakatnaka seyni Hoyakalu tshinanu hi pixa tsonu netatnaka seyni piwhenene koxa netatka.

Lucas 24:11

Seyni nyi onze suxone yanumsalecha pixka rixa jemletluna. Hiyáhoni hi ralixatkana.

Lucas 24:34

Wane htshinjekanaxyawakna: — Hehe, halikakni, Tsru Hixikatshriwa Jesus hiwekatnaka! Simão tshinkaluru hetlu!

Lucas 24:41

Seyni hi ralixluna tsru hpoyikowle tshinanna, hiyrun-koxa rimyekahchinikanre tshinanna. Hiyáhoni Jesus hepomhana, wla htshina: — Hi he waneyhi pa hixanu nikkaluru?