Gênesis 43:30 - Bíblia

³⁰ Waneya José repuru wamontakle tshinanu rujhatkalu htshiyahaxyawakapa hiyáhoni hchiretatka wanna hetanu rasujyawakapa. Hiyáhoni waleko hruklu hjihlokatka waneya waneko htshiyahaxyatka.

Gênesis 43:30 ပူးပေါင်းရင်းမြစ်များ

Gênesis 42:24

Waneya José hiprotakatka ratjini sreta hyihatatka waneya htshiyahatatka. Waneya wanna sreta ruprotakatnaka riynumatatkana waneya himolna Simeão tshinkaluru hnuretatka. Wanna hetanuko rostukjixatkalu.

Gênesis 45:2

Waneya tsru tshiyahlu rixatka José. Egito-nerune yijnakotlu haté Faraó-pji hajene koxa yijnakotlu htshiyahaxyawaka.

Gênesis 46:29

Waneya José halpokotatkalu h-carro-te cavalo kosleru hyoptoxyawakaplu ruru Israel Gósen tshinikowaka rapojinpatka. Hyanwakatlu Israel hsaprikatkalu hihoji wale thana rutspakatka wane hixatshri hotshiyahle rixa ruru thanaya.

Atos 20:19

Judeu-nerune hahxatno hiyáhoni xye kojwakahchinikanutno. Hixa himata hi hitako nalujyawaka nkamha seyni ptowru hohneruka Hoyakalu halujyawaka nkamhajeta, hixo kata ntshiyahata hixa tshinanu.

Atos 20:31

Wale tshinanu tsru hislahle hixinwa. Hichinikanru mapa mhale pchinika hohohne hoyetshno koxa hikeklu nutuk-kojiretlethi hixa satkaka haté hixo kata ntshiyahyehithi.

Atos 20:37

Hiyáhoni wanna tshiyahata klu tshinanu Paulo wan-tshinatkana, hi retanutnakluna. Waneya hsaprikluna ramlutluna. Waneya rimotsatluna tsro kanawa nwaka.

Filipenses 1:8

Klu tshinanu Hoyakalni nuphujtatjeru, hi nweyawata wane ntshininhi hixa nuchinijyawaka tsru potuko Cristo Jesus hchinikanu hichpajikatshrini.

Filipenses 2:1

Hiyáhoni hapnanuhchinikanru hwini Cristo tshinanu hiyrun-koxa hepixikolu ruchinikle tshinanu, hiyrun-koxa pa hchinikanurutu Cristo Hiwejikaluruyma hiyrun-koxa hichinikkaklu, hetwamonrewlu hixkakluko hwini,

Colossenses 3:12

Hoyakalu hayinetenetkahi. Hihchinikanunetkahi. Hnurethi walenuko hixyawakpatka. Hiyáhoni hixa hijhalu hyochmajnawakwa hetwamonrewluya, hichiniklewluya, mturu hixnawakwa, mchiretannutshi, kahwakachluya.

2 Timóteo 1:4

Nuchinikaktehaxinyi. Naluk-hetlepotutmakyi. Waneyamka numuwpotutanu.

1 João 3:17

Katukta himwalu rejnunkate xye wiwejinri pchinika hepixatshri hiyrunu Cristo tshinanu hmoletanru mahaxikatshri retmaka seyni hi ruchiniklu, wan-hixatshri yineru hi himwalu Hoyakalu hichiniklewle.